ZAYYA

…………..

ဗရှိုး နဲ့ တောငန်း

2011-12-26T17:54:00.000+06:30

ဇင်ဆရာ ဗရှိုးနဲ့ သူ့ရောင်းရင်း – ဟခုဂျို တို့ လမ်းလျောက် လာကြတဲ့ အခိုက် တောငန်း တစ်ကောင်က ဖြတ်ပျံ သွားတယ်။

ဗရှိုး – “အဲ့ဒါ ဘာလဲ”
ဟခုဂျို – “တောငန်းပါ”
ဗရှိုး – “ဘယ်မှာလဲ”
ဟခုဂျို- “ပျံသွားပြီလေ”

ဗရှိုးက ဟခုဂျိုရဲ့ နှာခေါင်းကို ရုတ်တရက် ဖြတ်ထိုး လိုက်တယ်။ ဟခုဂျိုခမျာ နာတော့ ထအော်ရော –

ဒါပေမယ့် ဗရှိုး ဆက်မေးတယ် – “အဲ့တော့ – ဘယ်လိုပျံသွားတာလဲ”

ဇင်ဆရာတွေ ထဲမှာ ဗရှိုးကို ကျနော် စိတ်ထဲ နှလုံး ထဲက မြတ်မြတ်နိုးနိုး ရှိတယ်။ သူက ဇင်ဆရာ တင် မကဘူး။ ကဗျာဆရာ လည်း ဖြစ်တယ်။ ပန်းချီဆရာ လည်း ဖြစ်တယ်။ ပန်းပုဆရာ လည်း ဖြစ်သေးတယ်။ သူ့ ဖြစ်စဉ် ကိုယ်နှိုက်က ဖန်တီးမှု အား အပြည့် ရှိတယ်။ ကျနော် သိမိ ထားသမျှမှာ သူ့ကို ဘယ်သူနဲ့ မှ ယှဉ်မထားမိဘူး – အကြောင်းက – သူဟာ အညွှန်းဘောင် အမျိုးမျိုးနဲ့ တွဲဆက်နေ တဲ့ သူ ဖြစ်နေလို့ပဲ။

ဇင် စတင်ခဲ့ရာ အဦးအစ ဟာ ရှင်ဗောဓိဓမ္မ ဖြစ်ပါတယ်။ သူ လည်း ကြီးမြတ်တဲ့ သူ အဖြစ် ကျနော် လေးစားသမှု ရှိတယ်။ ဒါပေမယ့် သူ့မှာ အညွှန်းဘောင် တစ်ခုတည်း ပဲ။ — ရဟန်းတစ်ပါး ဖြစ်တယ်။ တနည်း – ဇင်ဆရာ တစ်ဦး ဖြစ်တယ် ။ ကြီးမြတ်မှု ရှိတယ်။ ဗရှိုးနဲ့တော့ မတူဘူး – ကွဲပြားတယ်။

ဗရှိုး က ဗောဓိဓမ္မ လို ကြီးမြတ် နေတာ မဟုတ်ဘူး ။ သူ့ရဲ့ မြင့်မြတ်မှု က ပုံစံ တစ်မျိုး ။ သူ့ ဖြစ်တည်မှု အားလုံးဟာ အညွှန်းဘောင် အမျိုးမျိုး အောက်မှာ ရှိတယ်။ အသွင်သဏ္ဍာန် အမျိုးမျိုးနဲ့ ရှင်သန်နေတယ်။ ကျနော့ အနေနဲ့ – ရှင်ဗောဓိဓမ္မ ကို ဘယ်သူနဲ့မှ နှိုင်းယှဉ် မရသလို၊ ဗရှိုး ကိုလည်း ဘယ်သူနဲ့မှ နှိုင်းယှဉ်လို့ မရဘူး။ သူ ကိုယ်တိုင်ရဲ့ အဖြစ် ဟာ ဇင်ရဲ့ အနှစ်သာရ အပြည့်အဝ ဖြစ်ပါတယ်။

ကျနော် လက်မခံ ပေမယ့် အများစု သမုတ်ထားကြတာက – ရှင်ဗောဓိဓမ္မ ဟာ ဇင်ကို တည်ထောင်သူ ( Founder ) ဖြစ်တယ်တဲ့ – ရှိစေ။

ရှင်ဗောဓိဓမ္မဟာ ဇင်ကို ပြုစုပျိုးထောင် ပေးသူ ဆိုရင် – ဗရှိုးဟာ ဇင်ရဲ့ ပန်းတစ်ပွင့် ဖြစ်ပါတယ်။ အလားတူ အဲ့ဒီ ပန်းက ထွက်ပေါ် လာတဲ့ မွှေးရနံ့ လည်း ဖြစ်နေသေးတယ်။ အဲ့ဒီ မွှေးရနံ့ဟာ သူ့ရဲ့ ကဗျာ၊ သူရဲ့ ဖော်ပြချက်၊ သူ့ ပန်းချီကား တွေမှာ အထင်အရှား ရှိနေတယ်။ နောက်ဆုံး – အခု အထက် က ဖြစ်စဉ်မှာ ပါတဲ့ ဗရှိုးရဲ့ သာမာန် အပြောအဆို မှာတင် ထူးခြား ကွဲပြားနေတယ်။

တောငန်း တစ်ကောင်က ဖြတ်ပျံ သွားတယ်။
ဗရှိုးက မေးတယ်။ “အဲ့ဒါ ဘာလဲ”

ဒီမေးခွန်းက တောငန်း အကြောင်း ကို မေးတာမှ ဟုတ်ရဲ့လား။ ဘာလို့ဆို ဗရှိုးက ကန်းနေတာမှ မဟုတ်ဘဲရယ်။ ဗရှိုးက ဇင်ဆရာ တစ်ယောက် အနေနဲ့ မေးခွန်း ထုတ်ပေမယ့် ပြန်ဖြေသူ ဟခုဂျိုက အတွေးအနေနဲ့ ရှိနေတဲ့သူ ဖြစ်ပါတယ်။ ဗရှိုး ပြောနေတဲ့ မေးခွန်း လားရာ ကို လွဲချော်ပြီး သူ တွေးနိုင်တယ်။ ဆိုလိုတာက တောငန်းကို ဗရှိုး မမြင်လိုက်ဘူးလို့ သူ ထင်မယ် ။ ဒါပေတဲ့ ဗရှိုး မေးတာက ငန်းအကြောင်း မဟုတ်ဘူး။ ငန်း ဖြစ်ခြင်း မဖြစ်ခြင်း ပုံပန်းသဏ္ဍာန် ( Form ) ကို မေးနေတာ မဟုတ်ဘူး။ အနှစ်သာရ ( Essence ) က ဘာလဲ – ဒါကို မေးနေတာ သာ ဖြစ်ပါတယ်။

ဟခုဂျိုက ပြန်ဖြေတယ် – “တောငန်းပါဗျ” – သူ့အဖြေဟာ အချက်အလက် အမှန်ပဲ။ မေးတဲ့ မေးခွန်း အတွက် ပြည့်စုံတဲ့ အဖြေပဲ မဟုတ်လား။ ဒါပေမယ့် ဗရှိုး လို လူတစ်ယောက်ရဲ့ အမြင်မှာတော့ အဖြေမှန် မဟုတ်ဘူး။ ဒါပေမယ့် အခွင့်အရေး ထပ်ပေးတယ်။

“ဘယ်မှာလဲ”

ဟခုဂျို ထပ်လွဲပြန်တယ်။

“ပျံသွားပြီလေ”

ဗရှိုးက ဟခုဂျိုရဲ့ နှာခေါင်းကို ရုတ်တရက် ဖြတ်ထိုး လိုက်တယ်။ ဟခုဂျိုခမျာ နာတော့ ထအော်ရှာတယ်။
ဒါပေမယ့် ဗရှိုး ဆက်မေးတယ် – “အဲ့တော့ – ဘယ်လိုပျံသွားတာလဲ”

ဒီတိုတို ကျဉ်းကျဉ်း ဖြစ်စဉ်လေးမှာ အဓိပ္ပာယ် အများကြီး ပါဝင်မယ်။ တစ်ခုပဲ ပြောကြစို့။

ကျနော်တို့ ခင်ဗျားတို့ ခံယူထားတဲ့ အချိန် နဲ့ – အသိအမြင် ရှိသူ တို့ရဲ့ အချိန် ဟာ မတူညီဘူး။
ကျနော်တို့ အတွက် အချိန်ဆိုတာ ဖြတ်သန်းသွားတဲ့ အရာ၊ ကုန်ဆုံးသွားတဲ့ အရာ။
သိမြင်ထားသူ အတွက်တော့ – ကျနော်တို့ ကိုယ်တိုင်ကသာ ဖြတ်သန်း သွားတဲ့ အရာ၊ ကုန်ဆုံးသွားတဲ့ အရာ ဖြစ်ပါတယ်။

တကယ် စင်စစ် အချိန်ဟာ ပစ္စုပ္ပန်၊ လက်ရှိ တည့်တည့် တစ်ခုတည်း။ သူက အခြား ဘယ်နေရာကိုမှ မရွေ့သွားနေ ဘူး။ အခြား ဘယ်နေရာမှာမှ မရှိဘူး။ အခု ဒီနေရာနဲ့ အခု ဒီအချိန်မှာပဲ ခင်ဗျား လက်ထဲမှာ ရှိနေပါတယ်။ ဒီနေရာ-ဒီအချိန် ( Now and Here ) ကိုသာ ကျနော်တို့ စင်စစ် ပိုင်ဆိုင်တယ်။

မေးကြည့်မယ်။ အတိတ်ကို ခင်ဗျား တွေ့ဖူးလား။ အတိတ်လို့ ဆိုတာနဲ့ – ခင်ဗျား ပြန်စဉ်းစားမယ် – ပြန်အိပ်မက် မက်မယ်။ ပြန်ခံစားကြည့်မယ်။ ခင်ဗျား မှတ်စု မှတ်ရာတွေ ပြန်လှန်ရင် လှန်မယ်။ ဒါပေမယ့် ခင်ဗျား အတိတ်လို့ နာမည်တပ်ထားတာဟာ – ခင်ဗျား စဉ်းစားသမျှ၊ ပြန်တွေး သမျှတွေ သာ ဖြစ်နေမယ် မဟုတ်လား ။ စင်စစ် ကျနော်တို့ ပြန်လှန် မိကြတဲ့ ဖြစ်စဉ် အတိတ် ဟာ အချိန် တစ်ချိန် မဟုတ်ဘူး။ အခု အချိန်မှာ သိမှတ် ယူထား လိုက်ရ တဲ့ ခင်ဗျား အတွေး သက်သက်။

ဒါဆို ဆက်မေးမယ် – အနာဂတ် ဆိုတာ ဘာလဲ ။ ကျနော်တို့ ဆန္ဒ စိတ်ကူးတွေ၊ လိုချင် ဖြစ်ချင်နေတာတွေနဲ့ ကျနော် တို့ မျှော်မှန်းထားတဲ့ တိုက်အိမ်တွေ — နောက် – ဆက်ပြီး ဘာရှိဦးမလဲ – ။ ဘာပဲ ဆက် ပြောပြော – ခင်ဗျား အထင်နဲ့ အတွေးတွေချည်း ဖြစ်နေတာ တွေ့ရမယ် မဟုတ်လား။

အဲ့ဒီ လေထဲက အရာအားလုံး ပါဝင်တဲ့ မျှော်လင့်ချက် အစုအဝေးကြီး တစ်ခုကို- အနာဂတ် လို့ အမည်တပ် ၊ မျှော်မှန်း ထားလိုက် ကြတယ်။ ဒ့ါကြောင့် တကယ် စင်စစ် အနာဂတ်ဟာ အချိန် မဟုတ်ဘူးရယ် ။ အဲ့ဒီ အတိတ်၊ အနာဂတ် အကုန်လုံးဟာ ကျနော်တို့ စိတ်သန္တာန် ရဲ့ တစ်စိတ် တစ်ပိုင်း သက်သက် သာ ဖြစ်နေမယ် ။တကယ်စင်စစ် အချိန်တွေ မဟုတ်ဘူးလို့ ဆိုလိုတယ်။

ဒါဆို — လူတစ်ယောက် မှာ အလိုဆန္ဒတွေ လျော့ပါး လာတဲ့အခါ ကျနော်တို့ မနက်ဖြန် ဆိုတာ ဘာဖြစ်သွား မလဲ။ အာသာ ရမ္မက်တွေ နည်းပါး လာတဲ့ အခါ- ကျနော်တို့ မနက်ဖြန် ဘာဖြစ် သွားနိုင်မလဲ။

ဆန္ဒ၊ ရာဂ နည်းပါးလာတာနဲ့ အမျှ – ကျနော်တို့ မျှော်မှန်းလေ့ ရှိတဲ့ မနက်ဖြန် တွေ လျော့ပါးလာ ပါတယ်။ အလိုဆန္ဒ တွေ အားလုံး ကင်းပျောက် ပြုတ်ကျ သွားတဲ့အခါ – ခင်ဗျား အနာဂတ်လည်း ရပ်သွားတယ်။ ခင်ဗျား မှတ်ဥာဏ်၊ စိတ်ကူး အိပ်မက်တွေ ဖြုတ်ချလိုက်တဲ့ ခဏ – ခင်ဗျား အတိတ်လည်း ပျောက်ကွယ် သွားတယ်။ ဒါဆို ကျနော် တို့ ခင်ဗျား တို့ လက်ထဲမှာ ဘာကျန်ရစ်ခဲ့သလဲ။ – အခု ခင်ဗျား ဒီစာ ဖတ်နေတဲ့ – ပစ္စုပ္ပန် တည့်တည့်သာ ကျန်ရစ်ခဲ့ပါတယ်။

ဒါပေမယ့် တကယ်က ပစ္စုပ္ပန် လို့တောင် မခေါ်နိုင်ဘူးရယ်။ ပစ္စုပ္ပန် ဆိုတဲ့ ဝေါဟာရဟာ အတိတ်နဲ့ အနာဂတ် – စိတ်ကူးတွေ ပေါင်းစပ် ထည့်သွင်းပြီးမှ ခေါ်ဆိုရတာမျိုး မဟုတ်လား ။ ဒီနေရာမှာ နားရှုပ်သွားမလား။ အရေးပါတဲ့ အတွက် ထပ်ပြောကြည့်မယ်။

မျဉ်းကြောင်း တစ်ကြောင်း ဆိုပါစို့ ။ ပစ္စုပ္ပန်လို့ ကျနော်တို့ ခေါ်ဆိုတာ ဟာ – အဲ့ဒီ မျဉ်းကြောင်း တစ်ကြောင်း ပုံစံ ဆောင်ထားတဲ့ – အတိတ် နဲ့ အနာဂတ် ကြား အလယ်တည့်တည့် ကိုသာ ဖြစ်ပါတယ်။ အတိတ် ဆိုတာလည်း သေဆုံးပြီ၊ အနာဂတ်လည်း ပျောက်ကွယ်သွားပြီ ဆိုတဲ့ အခါ ပစ္စုပ္ပန် ဆိုတဲ့ ဝေါဟာရ ၊ အသိသညာ ဘယ်လို ရှင်ကျန်ရစ်မလဲ။

တကယ် စင်စစ် ပစ္စုပ္ပန် ကိုယ်တိုင် ဟာလည်း- ခင်ဗျား စိတ် ပဲ ဖြစ်ပါတယ်။ – အချိန် လို့ သမုတ်တဲ့ အရာနဲ့ ကျနော်တို့ စိတ်ဟာ ထပ်တူ ဖြစ်တယ်လို့ ဆိုလိုတယ်။ အချိန် ဆိုတာကို ဖယ်သတ် လာတာနဲ့ အမျှ ( ဝါ ) အတိတ် – အနာဂတ် ဆိုတာတွေ ခင်ဗျား သန္တာန်မှာ ရှင်းလင်း ထုတ်လာတာနဲ့ အမျှ ခင်ဗျား စိတ် အတွေးတွေ လည်း ကျဉ်းကျုံ့လာမှာပဲ။ နောက်ဆုံး – အချိန် ဆိုတဲ့ သတ်မှတ်ချက် သန္တာန်တွေ ပျောက်ကွယ် သွားတဲ့ အခါ ခင်ဗျား အတွေးအကြံတွေ အားလုံး ပျောက်ကွယ် သွားတယ်။ ခင်ဗျား ရဲ့ ဖြစ်တည်ချက် သက်သက် သာ ရိုးရိုးရှင်းရှင်း ကျန်နေရစ်တယ်။

ဗရှိုးရဲ့ ပြဆိုမှုဟာ အဲ့သည်နေရာ အထိ သာမက – ဟိုမှာဘက် အထိ အကျိုးသက်ရောက်မှု ရှိပါတယ်။ ဒါပေမယ့် – အခု ကျနော် ပြောတဲ့ အရာဟာ တွေးကြည့် ဖို့ မဟုတ်ဘူး ဆိုတာတော့ နားလည် စေ ချင်တယ် ။ လိုအပ်တာက – စင်စစ် ရရှိထားတဲ့ ခင်ဗျားရဲ့ အခု ပစ္စုပ္ပန် တည့်တည့် ကို နေကြည့် ဖို့သာ ဖြစ် ပါတယ်။ – ဒါကို – မနေကြည့်သေးသရွေ့ – အတွေးဘောင် အပြင်ဘက်က အကြောင်းအရာကို – အတွေး နဲ့ သာ တွေးကြည့် နေသေး သရွေ့ – ခင်ဗျား နားလည် နိုင်ဦးမှာ မဟုတ်ဘူး ရယ်။

အခုခဏမှာ – အခု – သိရှိနေထိုင်ခြင်း ကသာ ခင်ဗျားကို စင်စစ် နားလည် သွားစေ ပါတယ်။ ဗရှိုး – ဟဂုဂျို ရဲ့ နှာခေါင်းကို ဘာလို့ ဖြတ်ထိုး လိုက် သလဲ။ အခု ခဏမှာ တင် အဖြေ ရှိတယ်။

23.12.2011
For My Sis.
…………………….
http://zayya.blog.com/
http://zayya.wordpress.com/
http://zayyablogger.blogspot.com/
……………………..

ဘဂ္ဂတိသို့ ပေးစာ

2011-12-26T17:48:00.002+06:30

၁။
ချစ်သော ဘဂ္ဂတိ၊
မေတ္တာဖြင့် ထုံမွှမ်းနိုင်စေသတည်း။
ရုပ်ဝါဒ ထွန်းကား ကြကုန်သော လူ့အဖွဲ့အစည်း တို့သည်
အချည်းနှီးသော လူတို့ကို မွေးထုတ် ပေးလျက် ရှိ၏။
လူသည် အတွင်း အနှစ်သား ဗလာဖြင့် အသေသား တို့ကိုသာ ထမ်းပိုးနေကြကုန်၏။
ထိုသေလွန်ပြီး သော ဗလာနတ္ထိဖြင့်
တစ်ဦး မမွေးဖွား လာခင် တစ်ဦးသေဆုံး ကြကုန်၏။
လူသည် ဈေးဆိုင်ကန္နား ပစ္စည်း ပစ္စယ တို့ ချည်းသက်သက်ဖြင့်
ရှင်သန်နေသည် မဟုတ်ကြောင်း သတိပြု သင့်သည်။
သို့သော် ယနေ့ အခါတွင် ယင်း ဈေးဆိုင်ကန္နား တို့သည်သာ
အမြတ်တကာတို့တွင် အမြင့်မြတ်ဆုံး ဖြစ်လျက် ရှိ၏။
ပြင်ပ ချမ်းသာကြွယ်ဝမှု သည်သာ
အတွင်းအဇ္ဈတ္တ ဆင်းရဲကြောင်း အစဦး ကို ဖန်ဆင်းပြုလုပ်၏။
အတွင်းသန္တာန် မကြွယ်ဝလျင် လူ သည် အချည်းနှီး သာ ဖြစ်လိမ့်မည်။
အတွင်းသို့ နှစ်ဝင် နေထိုင်သော အခါမှ
အတွင်းသန္တာန် ဖွံ့ဖြိုးကြောင်း ဖြစ်၏။
အတွင်းသို့ ဦးတည်ခြင်း သည်သာ
ကြီးပွားရာ၊ ငြိမ်းအေးရာ၊ ဘုရားသခင်ထံသို့ ဆိုက်ရောက် ရာ လမ်းကြောင်း ဖြစ်၏။
……………………………
1/ The Inward Growth

Beloved Bhakti,
Love.
Materialistic societies produce hollow men.
Men with dead emptiness within.
And because of this dead emptiness one dies before one is
really born.
Remember that man cannot live by SHOPS alone.
And today the holy of holies is the SHOP.
The outer is meaningless without the inner richness.
And the outer richness only makes the inner poverty prominent
Man is hollow because there is no inner growth.
And the inner grows only when one lives in the inner
Inward is the way of growth, grace and God.
20-4-1971
……………………………
၂။
ချစ်သော ဘဂ္ဂတိ၊
မေတ္တာဖြင့် ထုံမွှမ်းနိုင်စေသတည်း။
ဘဝသည် တပေါင်းတည်းသော ဖြစ်စဉ် မှန်၏။
သို့သော် အတွေးအကြံသည် ယင်းဘဝကို အစိတ်စိတ်အမွှာမွှာ ခွဲပိုင်းဟန်ပြု၏
ထိုပိုင်းဖြတ်မှုကြောင့် အလုံးစုံသော ပြဿနာတို့ ဖန်တီး ဖြစ်ပွားကုန်၏။
ထိုစိတ်မွှာကွဲပြားနေမှုကို သတိပြုလော့။
၎င်းတို့၏ အလွန်ကို အစဉ် ရှုမြင်ထားလော့။
၎င်းတို့ကို အမြတ်တနိုးရှိလျက်
ထွင်းဖောက်၍ မြင်လော့။
ထိုအခါ လှိုင်းတို့ကို လွန်မြောက်၍ ပင်လယ်ကို ရှုမြင်နိုင်စွမ်း ရှိလာပေလိမ့်မည် အမှန် ဖြစ်၏။
ပင်လယ်တွင် လှိုင်းတို့ တည်ရှိသော်လည်း၊
လှိုင်းတို့သည် ပင်လယ် မဟုတ်ပေ။
ပင်လယ်သည် လှိုင်းမရှိဘဲ တည်ရှိနိုင်၏။
သို့သော် ပင်လယ်မရှိဘဲ လှိုင်းမရှိနိုင်ပေ။
……………..
2/ Life is Non-Fragmentary

Beloved Bhakti,
Love.
Life is non-fragmentary.
But mind makes it appear fragmentary.
And this fragmentation creates all the problems.
Beware of fragmentation.
And always look beyond them.
And belove them.
And through them.
Then you will be able to see the ocean in spite of all the
waves.
The waves are in the ocean.
But the waves are not the ocean.
The ocean can be without the waves
But the waves cannot be without the ocean
21-5-1971
…………………..
Osho: the Eternal Message :
Osho ( Bhagwan Shree Rajneesh ) က Ma Yoga Bhakti ဆီကို ပေးပို့တဲ့ ပေးစာ အစောင် ( ၃၀ ) ပေါင်းချုပ်က ဖြစ်ပါတယ်။ ကျနော် အစဦး ( ၂ ) ပုဒ် ကိုသာ အမြည်းသဘော သက်သက် ပြန်ကြည့် တယ်။ မူရင်းစာအုပ် ကို အောက်ကလင့်ခ်မှာ ဒေါင်းယူနိုင်ပါတယ်။ တကယ်လို့ လင့်ခ် သေနေမယ် ဆိုရင် ပြောထားနိုင်တယ်။

Download - http://ajaytao2010.files.wordpress.com/2010/05/osho-the-eternal-message.pdf
…………………..
http://zayya.blog.com/
http://zayya.wordpress.com/
http://zayyablogger.blogspot.com/
…………………

ဖြူစင်သော စိတ်

2011-12-23T13:16:00.002+06:30

ဖြူစင်တဲ့ စိတ် ဆိုတာ ဘာကို ဆိုလိုတာလဲ ။ ရိုးစင်းတဲ့ ဘဝ အတွက် စိတ်ထား ဖြူစင်မှုဟာ မရှိမဖြစ် လိုအပ်တယ်။ ဒါဆို ဖြူစင်တဲ့ စိတ်ဆိုတာ ဘာလဲ။

တောင့်တ၊ တမ်းတတဲ့ အာရုံခံစားချက် မရှိတဲ့ ကြည်လင်နေတဲ့ စိတ် အသွင်အပြင်မျိုးလို့ အကြမ်းမျဉ်း ခေါ်ဆိုလိုပါတယ်။ တစ်နည်းပြော ရင် လောဘ စိတ် ပျောက်ပြယ် နေတဲ့ အခြေအနေရဲ့ နာမည် တစ်မျိုးလို့ ဆိုနိုင်ပါတယ်။ အဲ့အခြေအနေမျိုးဟာ ခင်ဗျား တွန်းတိုး ခုခံ လုပ်ကိုင်နေရတဲ့ အရေးအ ရာ ကိစ္စတွေ အကြား ခင်ဗျား လက်လွှတ် အလျော့ပေးလိုက်ချိန် မှာ အသိသာဆုံး ပေါ်ပေါက် တတ်တယ်။ ခင်ဗျား ပတ်ဝန်းကျင် လောက ဟာ သူ့သဘောနဲ့သူ စီးမျော သွားတယ်။ ခင်ဗျား စိတ် က အဲ့ဒါတွေကို အရှင်းသား ရှုမြင် ထားလို့ ရတဲ့ အခြေအနေ ဖြစ်လာတယ်။ ဒါဟာ တိကျတဲ့ အဓိပ္ပာယ် ဖွင့်ဆိုနည်း မျိုးတော့ မဟုတ်သေးဘူး။

ကျနော်တို့ အတွေးအခေါ်တွေ၊ စဉ်းစားဥာဏ်၊ စိတ်ကူး ၊ ကြောင်းကျိုး ဆင်ခြင်ဥာဏ် ယုတ္တိ တွေဟာ ဦးနှောက် က လာပါတယ်။ ဒါ့ကြောင့် ဦးနှောက်က စဉ်းလဲ တယ်။ ခင်ဗျားကို ငယ်စဉ်က ခုချိန်ထိ အတွေး အခေါ် ဘောင် ၊ ကလနားတွေနဲ့ ထိန်းကွပ်မယ်။ ခင်ဗျား သန္တာန်မှာ အတ္တပုံရိပ်ကို အစွဲအမြဲ ထင် ဟပ် စေမယ်။ ဒါ ဟာ ဦးနှောက် ရဲ့ အလုပ် ဖြစ်ပါတယ်။ ဒါ့ကြောင့်ပဲ ဦးနှောက်ဟာ အတ္တနဲ့ အတူတူ ရှင်သန် တယ်။ အတ္တမရှိရင် ၊ အတ္တလျော့နည်းသွားရင် လူဟာ ဦးနှောက်နဲ့ အသက် မရှင်တော့ ဘူး။ ဆိုလို တာက အတွေးအခေါ်တွေ၊ စိတ်ကူး ၊ ဆင်ခြင်ဥာဏ်တွေ၊ လိုချင်လောဘတွေနဲ့ အသက် မရှင်တော့ဘူး။ သူ့ဆီ မှာ ကျန်ရစ်ခဲ့တာက ဖြူစင်တဲ့ စိတ် သာ ဖြစ်ပါတယ်။

ဖြူစင်စိတ် ရှိသူဟာ ဦးနှောက်သမားလို မဟုတ်ဘူး။ ဦးနှောက်သမားက တွန်းထိုး တိုက်ခိုက် ငြင်းခုံ တယ်။ ဖြူစင် စိတ် ရှိသူက တိုက်ခိုက် ငြင်းခုံ ရသမျှ အပြီးအပိုင် စွန့်လွှတ် ထားပြီး ဖြစ် ပါတယ်။ တနည်းပြော ရင် အတ္တ ကို ဖယ်ရှား ထားနိုင်တယ်။

ဦးနှောက်နဲ့ နေထိုင်သူက ငါဘယ်လိုနေရမလဲ - ငါဘယ်လိုရှင်သန်အောင် လုပ်ရမလဲ တွေးတယ်။
ဖြူစင်စိတ် ရှိသူက မိမိ ရှင်သန်မှု သက်သက်ကို သိရှိရုံမျှ နေထိုင်တယ်။

ဦးနှောက်နဲ့ နေထိုင်သူဟာ သူလိုချင်တာတွေကို တွေးခေါ်ယူတယ်။
ဖြူစင်စိတ် ရှိသူက လိုအပ်ချက်ကိုသာ သိမှတ်နားလည်တယ်။

ဦးနှောက်နဲ့ နေထိုင်သူဟာ အတိတ်ကို လွမ်းတယ်၊ အနာဂတ်ကို မျှော်မှန်းတမ်းတတယ်။
ဖြူစင်စိတ် ရှိသူက မိမိမျက်စိအောက် တဒင်္ဂခဏ အတွင်းသာ ရောင်ပြန်ဟပ် သိမြင်နေထိုင်တယ်။

ဒ့ါကြောင့် ဖြူစင်တဲ့သူ တွေဟာ ရိုးသားမှု အပြည့်အဝ ရှိနေပါတယ်။ ဒီနေရာမှာ တစ်ခု နားလည်စေ ချင်တာ က - ရိုးသားမှု ရှိတိုင်း ဖြူစင်တာ မဟုတ်ဘူး။ ရိုးသားမှုကို အတင်းလုပ်ယူပြီး ဖြူစင်ပြလို့ မရဘူး ။ ဖြူစင် တဲ့ စိတ်သန္တာန် ရှိသူ အတွက် ရိုးသားမှုက အလိုအလျောက် တွဲကပ် ပါလာပြီးသား အရိပ် တစ်ခုပဲ။ ဒါ့ကြောင့် “ရိုးရိုးသားသား နေထိုင်ကြပါ” ဆိုတဲ့ ဆုံးမ ဩဝါဒတွေကြောင့် ခင်ဗျား အတင်းအကျပ် လုပ်ယူ တဲ့ အခါ - ရလာတဲ့ ရိုးသားမှု တွေဟာ အတု အယောင် ရိုးသားမှုတွေ ဖြစ်နေတတ်တယ်။ စင်စစ် ရိုးသားမှု ဟာ သီးသန့် အတင်းအကျပ် ကြိုးပမ်း လုပ်ယူ နေဖို့ မဟုတ်ဘူး။ ခင်ဗျား ကြိုးစားပြီး အတင်း ရိုးသား ရင် ခင်ဗျား သန္တာန်မှာ ရှိနေပြီးသား ရိုးသားမှု လေးတောင် ပျက်စီးကောင်း ပျက်စီး သွားနိုင်သေး တယ်။ ဆိုလို တာက လုပ်ယူတဲ့ ရိုးသားမှုဟာ ပေါ့ပျက်ပျက် နိုင်တယ်။ ရိုးသားမှု စင်စစ် ရှိဖို့ အတွက် ခင်ဗျား သန္တာန် မှာ ဖြူစင်သွားဖို့ပဲ လိုအပ်တယ်။ ဖြူစင်စိတ် ရှိလာရင် ခင်ဗျား နောက်ပြန် လှည့်ကြည့် စရာ မလိုအပ် ဘူး။ ရိုးသားမှု ဟာ အရိပ်လို တွဲကပ် ပါလာပြီးသားပဲ။

ဖြူစင် တဲ့သူတွေ ရဲ့ စရိုက် လက္ခဏာတွေမှာ - မူဝါဒ မရှိဘူး။ အစွဲအလမ်း မရှိဘူး။ တွေးခေါ်မှု ပုံစံ မချထား ဘူး။ ပြင်းပြတဲ့ တောင့်တစိတ် အာသာ မရှိဘူး။ အဲ့အတွက် အချို့တော် တော်များများ ဟာ ဖြူစင် ချင်လွန်း လို့ - အရာအားလုံးကို ပြီးစလွယ် နေထိုင်ပစ်ကြတယ်။ ဒါဟာလည်း မလိုအပ်ဘူးရယ်။ တကယ်လို့ ခင်ဗျား က ပြည့်စုံ ကုံလုံတဲ့ ဘဝ အနေအထား ရှိတယ် ဆိုရင် သူတောင်းစား အကျင့် ကျင့်စရာ မလိုအပ် ဘူး။ ကိုယ့်ကိုယ်ကိုယ် ညှင်းဆဲ စရာ မလိုဘူး။ ဘာလို့ဆို - ရိုးသားခြင်း ဆိုတာ ပစ္စည်း ဥစ္စာ ကြွယ်ဝခြင်း ၊ ချို့တဲ့ခြင်းနဲ့ ဘာမှ မသက်ဆိုင်လို့ပဲ။

ငမွဲတစ်ယောက်နဲ့ သူဌေး တစ်ယောက် ရှိမယ် ဆိုပါစို့။ နှစ်ဦးစလုံးက သူတို့ လက်ရှိ အဖြစ် ဘဝအပေါ်မှာ မကျေမနပ် စိတ်ဆင်းရဲ နေရရင် အတူတူပဲ လို့ ပြောလို့ရတယ်။ ဒီလိုမှ မဟုတ်ဘဲ မွဲတေနေသူက ကြိုးပမ်းအားထုတ်မှု ရှိတယ် - ဒါပေမယ့် သူ့လက်ရှိ အပေါ်မှာ ရှုမြင်နေထိုင်ရင်း စိတ်က ရောင့်ရဲနေတယ်။ သူဌေး က မကျေမနပ် သားရဲမရဲ ရှာနေ ဖွေနေတုန်းပဲ ဆိုရင် - တကယ် ကြွယ်ဝနေသူက မွဲတေနေသူ သာ ဖြစ်လိမ့်မယ်။

စိတ်နှလုံး ဖြူစင်သူရဲ့ မပါမဖြစ်တဲ့ အဓိပ္ပာယ် ဖွင့်ဆိုချက်က - “အတွေးစဉ် ရဲ့ ချုပ်ခြယ်မှုက လွတ်ငြိမ်း ချမ်းသာ ခွင့် အပြည့် ရရှိထားသူ” ဖြစ်ပါတယ်။ ခင်ဗျားက စိတ်နှလုံး ဖြူစင်သူ ဆိုပါစို့။ ဒါဆို ခင်ဗျားဟာ အတိတ် ကို ပြန်တမ်းတ နေမှာ မဟုတ်ဘူး။ အဲ့အတွက် အတိတ်က ခင်ဗျားကို လွှမ်းမိုး မနေနိုင်တော့ဘူး။ အလားတူ အနာဂတ် ကိုလည်း ခင်ဗျား မျှော်မှန်း မနေတော့ဘူး။ ဘာကြောင့်လဲ ဆိုတော့ - အနာဂတ် ဆိုတာ အတိတ်ရဲ့ အရိပ် သက်သက် မို့လို့ပဲ။

အတိတ် မှာ ခင်ဗျား ပျော်ရွှင်စရာ တစ်မျိုးမျိုး ခံစားခဲ့ရမယ် ။ ဒါဆို ခင်ဗျား အခုအချိန် မှာ တွေး မှာက နောင်အနာဂတ်မှာ အဲ့လို ပျော်ရွှင်စရာ မျိုး ထပ်ကျော့ ခံစား နေချင်တယ်။ အတိတ်မှာ ခင်ဗျား နာကျင် ကြေကွဲခဲ့ရမယ်။ ဒုက္ခရောက်ခဲ့မယ်။ ဒါဆို ခင်ဗျား ရဲ့ အနာဂတ် တစ်ချိန်ချိန်မှာ အဲ့လို နာကျင်ကြေကွဲ ရမယ့် ဒုက္ခမျိုး ထပ် မဖြစ် လာစေဖို့ ဆုတောင်း ပတ္ထနာတွေ ပြုရတော့မယ်။ တကယ် စင်စစ် ခင်ဗျားတို့ ကျနော်တို့ မျှော်မှန်းတဲ့ အနာဂတ်ဟာ ပြုပြင် ဖြည့်စွက်ထားတဲ့ ကျနော် တို့ရဲ့ အတိတ် ပဲ ဖြစ်ပါတယ်။ အတိတ် ကို တွယ်တာမှု လျော့ပါးသွားတာနဲ့ အမျှ အနာဂတ်အပေါ် တမ်းတစိတ်ဟာလည်း အချိုး တူ ပျောက်ပြယ် သွားတယ်။ အတိတ် ကို လုံးဝ ဖယ်သတ်သွားတဲ့ အခါ ခင်ဗျား သန္တာန်မှာ အနာဂတ် လည်း လုံးဝ ပျောက်ကွယ် သွားပါတယ်။ ခင်ဗျား လက်ထဲမှာ ဘာရှိနေမလဲ။ -- အခု လက်ရှိ တဒင်္ဂ - အခု ခဏသာ ထင်ထင်ရှားရှား ကျန်နေရစ်တယ်။

ပုံပြင် တစ်ပုဒ် ပြောကြည့်မယ်။ ရွာစွန်ရွာဖျား တစ်ခုမှာ ရဟန်းကြီး တစ်ပါး သီတင်းသုံး နေထိုင်တယ်။ ဒီရဟန်း ပိုင်ဆိုင်တာက သင်္ကန်းတစ်ထည်နဲ့ သပိတ် တစ်လုံးပဲ။ အင်မတန် ရိုးစင်းတဲ့ ဘဝမျိုးနဲ့ အထီးတည်း ဖြတ်သန်း နေတယ် လို့ ဆိုကြပါစို့။ တစ်နေ့မှာ ဒီရဟန်းကြီး အကြောင်း - ဘုရင် ရွှေ နားတော် ပေါက်ကြား သွားတယ်။ ဘုရင်မင်းတြားလည်း ကြားကြားချင်း ကြည်ညို သဒ္ဓါစိတ် ဖြစ်လာပြီး မင်းဆရာ အဖြစ် ကိုးကွယ်ချင်တဲ့ စိတ် ဖြစ်လာတယ်။ ဒါ့ကြောင့် သူ အရင်ဆုံး ရဟန်းကြီး အကြောင်း သေသေချာချာ စုံစမ်းမယ်လို့ အကြံ ဖြစ်တယ်။ ဒါ့ကြောင့် မင်းချင်းတွေ စေလွှတ်ပြီး - ရဟန်းကြီး ရဲ့ ဘဝနဲ့ ကြားသိရတဲ့ သူ့ စိတ်နေသဘောထားဟာ အပ်စပ်မှု ရှိမရှိ၊ ဟုတ် မဟုတ် စောင့်ကြည့် အကဲခပ် ခိုင်းလိုက်တယ်။

ဘုရင့်ရဲ့ မင်းချင်းတွေလည်း အတန်ကြာ လေ့လာ အကဲခတ်ကြပြီး - “ဘုရင်မင်းမြတ်၊ အရှင် စုံစမ်းစေ လိုတဲ့ ရဟန်းကြီးရဲ့ ဘဝဖြတ်သန်းမှုမှာ အပြစ်အနာအဆာ တစ်စုံတစ်ရာ မရှိပါဘူး။ သူဟာ အလွန် တရာ ဖြူစင်သူ ဖြစ်ပြီး၊ ရိုးစင်းစွာ နေထိုင် ကျင့်ကြံသူသာ ဖြစ် ပါတယ်။ တကယ် ကြီးမြတ်တဲ့ သူတော်စင် တစ်ပါး ပါပဲ” လို့ လျောက်တင်ကြတယ်။

ဘုရင်လည်း ရဟန်းကြီးရဲ့ ကျောင်းသင်္ခမ်း ဆီ ထွက်လာခဲ့တယ်။ ရဟန်းကြီးကို မြင်တော့ ဝပ်တွား ကန်တော့၊ တရိုတသေ ဂါရဝ ပြုရင်း - “အရှင်ဘုရား၊ တပည့်တော်ရဲ့ နန်းတော်မှာ သီတင်းသုံးဖို့ ပင့်ဆောင်ချင်ပါတယ်။ တပည့်တော်ရဲ့ မင်းဆရာ အဖြစ် သီတင်းသုံး ချီးမြှင့်ပေးတော်မူပါ” လို့ တောင်းပန် လျောက်ထားတယ်။ ဒါပေမယ့် ဘုရင့် စိတ်ထဲမှာတော့ - ဒီရဟန်းဟာ သူတော်စင် မှန်ရင် သူ့ရဲ့ ဖိတ်ကြားချက်ကို ငြင်းပယ်လိမ့်မယ် လို့ တွေးထားတယ်။ “မဖြစ်နိုင်ပါဘူး။ ကျွန်ုပ်ဟာ ရိုးစင်းတဲ့ အကျင့်အကြံနဲ့သာ နေထိုင်သူ ဖြစ်တယ်။ ဘယ့်နှယ် နန်းတော်ထဲ နေလို့ ဖြစ်နိုင်ပါ့မလဲ” ဆိုတဲ့ စကားမျိုး ရဟန်းကြီး ဆီက ကြားရလိမ့်မယ် လို့ မျှော်လင့်ထားတယ်။

ဒါပေမယ့် ရဟန်းကြီးက - “ကောင်းပြီလေ။ မြင်းရထား ဘယ်မလဲ။ သင့် ရထား ယူလာခဲ့ပါ။ နန်းတော် ဆီ ကျွန်ုပ် လိုက်ခဲ့ပါ့မယ်”

ရဟန်းကြီး စကား ကို ကြားတော့ မင်းကြီးလည်း ထိတ်လန့်တကြား ဖြစ်သွားတယ်။ သူ အထင်နဲ့ အမြင် ပါစင်အောင် လွဲနေပြီ မလား။ ဧကန္တ ဒီလူဟာ လူညာပဲ ထင်တယ် - အတုကြီးပဲ ဖြစ်မယ်လို့ သူတွေး လိုက်တယ်။ ဒါပေမယ့် နန်းတော်ကို ပင့်ဖိတ်တဲ့ စကားက ရှိပြီးသားမို့ - “ကောင်းလှပါပြီ ဘုရား” ဆိုပြီး မြင်းရထားနဲ့ အတူ နန်းတော်ထဲ ပြန်လာခဲ့ကြတယ်။ တလမ်းလုံးမှာ ရဟန်းကြီးရဲ့ သွင်ပြင်က နကိုအတိုင်း တည်ငြိမ် နေရက်သား ပေမယ့် ဘုရင် မင်းမြတ် ကတော့ စိတ် ဆင်းရဲ သွားတယ်။ မှုန်ကုပ်ကုပ် ညှိုးနွမ်းနွမ်းနဲ့။ သူ့ အတွေးထဲမှာ - “အခုတော့ ဘယ်လို လုပ်မလဲ။ သူ့ကိစ္စကို ဘယ်လို ရှင်းရပါ့မလဲ။ ငါ့ဘာသာ သူ့ထောင်ချောက်ထဲ ဝင်တာ ဆိုတော့ ခက်နေတယ်။ အထောက်တော် မင်းစေတွေ တစ်ယောက်မှ အသုံးမကျဘူး။ အရူးတွေ။ ဒီ ရဟန်းအကြံကို ဘယ်သူမှ မရိပ်မိ ကြဘူး။ ဒီ ရဟန်း သစ်ပင်အောက်မှာ အကြာကြီး နေနေတာဟာ ငါ့စိတ်ကို ဆွဲဆောင်ဖို့ လုပ်နေတာ သက်သက်ပဲ။”

နန်းတော် ကို ရောက်တော့ ဘုရင်က ရဟန်းကြီးအတွက် အကောင်းဆုံး အခန်း စီစဉ်ပေးတယ်။ ရဟန်းကြီး ကလည်း ဘုရင့်နန်းဆောင် ဖြစ်တာနဲ့ အညီ ကိုက်ညီမှု ရှိအောင် ဖြည့်တင်းတယ်။ မင်းကြီး လည်း တစ်နေ့ တစ်ခြား နေရခက်လာတယ်။ နေ့စဉ်နေ့တိုင်း ထိုင်းထိုင်းမှိုင်းမှိုင်း အခက်ကြုံနေ ရတယ်ပေါ့။ ဘာလို့လဲ ဆိုတော့ ရဟန်းကြီးက ဘုရင်လိုပဲ နေထိုင်စားသောက် နေနေပေမယ့် တစ်ခါ တစ်လေမှာ ဘုရင် ဖြစ်တဲ့ သူ့ထက်တောင် သာနေတယ်လို့ ထင်နေတယ်။ ဘုရင်ကြီးမှာ သူ့သောက နဲ့ သူ စိတ်ဆင်းရဲစရာ ကိစ္စတွေက ရှိနေတယ်။ ရဟန်းကြီးကတော့ ဘာသောကမှ မရှိ၊ ပုံမှန်ပဲ။ ပန်းခြံထဲ လမ်းဆင်းလျောက်တယ်။ ရေချိုးသန့်စင်တယ်။ အနားယူတယ်။ ကမ္မဋ္ဌာန်း အလုပ် အေးအေးညောင်းညောင်း လုပ်နိုင်နေတယ်။

“ဒီလူဟာ တကယ့် ကပ်ပါးမြှောင်ပဲ” လို့ ဘုရင်က တွေးမိလာတယ်။ တစ်နေ့ သည်းမခံနိုင်တော့တဲ့ အဆုံး ၊ နံနက် စောစော ပန်းခြံထဲ လမ်းလျောက်နေတဲ့ ရဟန်းကြီး ရှိရာကို ထွက်လာခဲ့တယ်။ ဘုရင်က “ ကျွန်ုပ် သင့်ကို ပြောစရာ စကား ရှိတယ်”

ဘုရင့် စကားကို ကြားတော့ ရဟန်းကြီးက ပြုံးပြီး - “ကျွန်ုပ်သိပါတယ်။ အမှန်က သစ်ပင်အောက်မှာ ကတည်းက ၊ ကျွန်ုပ် သင့်နန်းတော်ကို မလာခင် ကတည်း က သင်ပြောချင်နေတယ် ဆိုတာ ကျွန်ုပ် သိပါတယ်။ သင့်ရဲ့ ဖိတ်မန္တက စကားကို ကျွန်ုပ် လက်ခံလိုက်တဲ့ အချိန်ကတည်းကပဲ မဟုတ်လား။ သင် ဘာလို့ ဒီလောက်ကြာအောင် စောင့်နေရသလဲ။ ဒီလောက် ဒုက္ခခံစားဖို့ မလိုအပ်ပါဘူး မင်းကြီး။ သင် ဝမ်းနည်း ကြေကွဲနေတာကို ကျွန်ုပ် သတိပြုမိပါတယ်။ သင် ကျွန်ုပ်ကို လာမတွေ့ ဖြစ်ဘူး၊ တရား သဘော မမေးမြန်းတော့ဘူး။ သင် မစူးစမ်း မလေ့လာ ဖြစ်တော့ဘူး ။ အခု ကာလ ခြောက်လတာ ရှိပြီ။ သင် အချိန်တွေ ဖြုန်းတီး ပစ်ခဲ့ရာ မကျဘူးလား။ သင့်အနေနဲ့ ကျွန်ုပ်ကို ချက်ချင်း မေးသင့်တယ်။ ဟိုး အစအချိန်ကလည်းက မေးသင့်တယ်။ မေးပါ မင်းကြီး”

ဘုရင်က - “ကျွန်ုပ်တစ်ခု မေးချင်ပါတယ်။ အခု အခါမှာ သင်နဲ့ ကျွန်ုပ်ကြား ကွဲပြားခြားနားမှု ရှိနေတယ်။ သင့်ရဲ့ နေ့စဉ် ဘဝဟာ ကျွန်ုပ်ထက် အဆများစွာ သာလွန်နေ ပါတယ်။ ကျွန်ုပ်မှာ အလုပ်၊ တာဝန် တွေနဲ့ ပြုစရာ ဝတ္တရား အမျိုးမျိုး ရှုပ်ထွေး ပွေလီနေတယ်။ သင် ရဟန်း အနေနဲ့ စိတ်ပူပန် စရာ ရှိမနေဘူး။ သင့်မှာ ဘာမှ ရှိမနေဘူး။ ကျွန်ုပ်ထက် စာရင် သင့်မှာ ဘာမှ ရှိမနေဘူး။ ဒါပေမယ့် သင့်မှာ ဘာမှ ပူပင်မှု ရှိမနေဘူး။ ကျွန်ုပ် သင့်အပေါ် မနာလို ဝန်တို စိတ် ဖြစ်မိပါတယ်။ အမှန်ပါပဲ။ ဒါ့ကြောင့် ကျွန်ုပ် သင့်ဆီ နောက်ထပ်တစ်ကြိမ် လာမတွေ့ ဖြစ်ခဲ့တာပဲ ဖြစ်ပါတယ်။ အကြောင်း က သင်နဲ့ ကျွန်ုပ်ကြား ဘာမှ မကွဲပြား ဘူးလို့ ကျွန်ုပ်တွေးနေမိ နေပေမယ့် - ကျွန်ုပ်က ပိုင်ဆိုင်မှု တွေ အကြား စိုးရိမ် စိတ်နဲ့ ရှင်သန်နေသူသာ ဖြစ်နေတယ်။ သင် ရဟန်းကတော့ ဘာမှ မရှိဘဲ ကျေနပ် နှစ်သိမ့် နိုင်နေတယ်။ ကျွန်ုပ်လည်း သင့်လို သင်္ကန်း ရုံနိုင်ပါတယ်။ ဆွမ်းခဲဖွယ်တွေ သင် အခု သုံးဆောင်နေသလို သုံးဆောင် နိုင်ပါတယ်။ သင် အခု လမ်းလျောက်နေသလို ကျွန်ုပ် လျောက်နိုင်နေတယ်။ ဒါပေမယ့် သင် နဲ့ ကျွန်ုပ်ကြား ဘယ်အချက် မတူမညီ ဖြစ်နေရပါသလဲ”

ရဟန်းကြီးက ပြုံးတယ်။ “အရှင်မင်းကြီးရဲ့ ပြဿနာကို ဖြေကြားစေချင်ရင် ကျွန်ုပ်နောက်ကို အခု လိုက်ခဲ့ပါ။ ကျွန်ုပ်တို့ မြို့တော်ကနေ ထွက်ပြီး လမ်းလျောက် ရအောင်။”

ဘုရင်လည်း ရဟန်းကြီးနောက် လိုက်ပါသွားတယ်။ သူ့တို့ မြို့ကို ကျော်ဖြတ်သွားတယ်။ လယ်ကွင်းတွေ ရဲ့ ဟိုးဘက်ကို ဆက်လျောက် တယ်။ မြစ်တစ်စင်း ဆီ ကို ရောက်တယ်။ အဲ့ မြစ် ကို ဖြတ်သွားသေးတယ်။ ဟိုဘက်ကမ်းကို ရောက်တော့ - ဘုရင်က - “ရှေ့ကို ဆက်သွားဖို့ မလိုအပ်တော့ ဘူး ထင်ပါတယ် ။ သင် ရဟန်း ဘာကြောင့် ကျွန်ုပ်ကို အဖြေမပေးသေးသလဲ”

ရဟန်းက - “ခဏလေး ထပ်စောင့်ပါဦး၊ မင်းကြီး။ ကျွန်ုပ်သင့်လျော်တဲ့ နေရာတစ်ခုကို ရောက်တဲ့ အခါ သင့်ကို ဖြေကြားပေး ပါ့မယ်”

နောက်ဆုံး သူတို့ တိုင်းပြည်ရဲ့ နယ်စပ်ကို ရောက်လာတယ်။ ဘုရင်က ပြောတယ်။ “ရပါပြီ။ ဒါ ကျွန်ုပ်တို့ တိုင်းပြည်ရဲ့ နယ်နိမိတ် ဖြစ်ပါတယ်”

အဲ့ဒီ အခါကျမှ ရဟန်းက ပြောတယ်။ “ ဒါဟာ ကျွန်ုပ် အခု ရှာနေတဲ့ နေရာပဲ ဖြစ်ပါတယ်။ အခု ကျွန်ုပ် နန်းတော် ကို မပြန်တော့ပါဘူး ။ အသင်မင်းကြီး ကျွန်ုပ်နဲ့ အတူ လိုက် မလား။ ဒါမှမဟုတ် နန်းတော်သို့ ပြန်မလား”

ဘုရင်က - “ကျွန်ုပ် ဘယ့်နှယ့်လုပ်ပြီး သင့်နောက်ကို ဆက်လိုက်နိုင်မလဲ ရဟန်းကြီး။ ကျွန်ုပ်မှာ ကျွန်ုပ်တိုင်းပြည် ရှိတယ်။ ကျွန်ုပ်ပိုင်တဲ့ ဥစ္စာဓန ရှိတယ်။ ကျွန်ုပ်ရဲ့ မိဖုရား၊ သား သမီးတွေ ရှိတယ်။ ကျွန်ုပ် ဘယ့်နှယ့်လုပ် သင့်နောက် လိုက်ရမလဲ”

ရဟန်းက - “အခု သင်နဲ့ ကျွန်ုပ်ကြား ဘာများ မတူညီနေရသလဲ ဆိုတာ သင်မင်းကြီး သိပြီ မဟုတ် လား။ ကျွန်ုပ် သွားတော့မယ်။ လှည့်ကြည့်စရာ ဘာမှ မရှိဘူးရယ်။ ကျွန်ုပ် အရင်က နန်းတော်မှာ သီတင်းသုံးခဲ့တယ်။ စည်းစိမ် ဥစ္စာတွေ အကြား ရှင်သန်ခဲ့တယ်။ အဲ့ဒါတွေဟာ ကျွန်ုပ် သိမ်းပိုက် ထားတာ မဟုတ်ဘူး။ ကျွန်ုပ်မှာ ပိုင်ဆိုင်လိုစိတ် မရှိဘူး။ အသင်မင်းကြီးမှာ အခု အဲ့အရာတွေ အပေါ် ပိုင်ဆိုင်တဲ့ စိတ် ရှိနေတယ်။ အဲ့ဒါဟာ ကျွန်ုပ်တို့ နှစ်ဦးကြားက မတူညီ တာပဲ ဖြစ်ပါတယ်။ ကျွန်ုပ် သွားပါတော့မယ်။” ရဟန်းကြီးက ဘုရင် လှူထားတဲ့ အဖိုးတန် သင်္ကန်းကို ချွတ်လိုက်တယ်။ “ဟောဒီမှာ သင့်ရဲ့ သင်္ကန်း။ ပြန်ယူသွားပါ။ အရင်လို ပျော်ရွှင်စွာ နေပါ မင်းကြီး။”

ဘုရင်ဟာ သူ့ရဲ့ မိုက်မဲတဲ့စိတ်တွေကို ကောင်းကောင်း သဘောပေါက်သွားပါတယ်။ ဒီရဟန်းဟာ ကြုံတောင့် ကြုံခဲ သူတော်စင် တစ်ပါးပါပဲလား လို့ အသိဝင်သွားတယ်။ ရဟန်းရဲ့ ခြေရင်းကို ဒူးထောက် ဦးခိုက်ပြီး - “တပည့်တော် မှားပါပြီ ဘုရား။ မသွားပါနဲ့။ ပြန်လာခဲ့ပါ။ ကျွန်ုပ်သင့် အပေါ် နားမလည် ခဲ့တာပါ။ ဒီကနေ့ သင်နဲ့ ကျွန်ုပ်ကြား ကွာခြားချက်ကို ကျွန်ုပ် ထင်ထင် ရှားရှား သိမြင် ရပါပြီ။ ဒါဟာ သူတော်စင် တို့ရဲ့ မြင့်မြတ်တဲ့ စိတ်ထား ဖြစ်ပါတယ်။ တပည့်တော် နားလည်ပါပြီ။”

ရဟန်းက - “ကျွန်ုပ် ပြန်လာလို့လည်း ရပါတယ်။ ဒါပေမယ့် သတိပြုရမှာက - သင့်အတွက် နောက် တစ်ကြိမ် ဝမ်းနည်း ကြေကွဲ စရာ ပြန်ဖြစ် သွားနိုင်တယ်။ ကျွန်ုပ် အတွက် ဟိုဘက် သွားတယ် - ဒီဘက် ပြန်လာတယ် ဆိုတဲ့ အရာအားလုံးဟာ ဘာမှ မထူးခြားဘူး။ ဒါပေမယ့် သင့်အတွက်တော့ ဝမ်းနည်း စရာ အဖြစ် ပြောင်းသွား နိုင်တယ်။ အခု သင့်ကို အဖြေပေးပြီးပြီ။ သင် ဒါကို သိမှတ်ပြီး ပျော်ရွှင်သူ အဖြစ် ရှိနေနိုင်တယ်။ အဲ့အတိုင်းပဲ ဆက်သွား နိုင်ဖို့ လိုအပ်တယ်။ ကျွန်ုပ် ပြန်မလှည့်တော့ပါ။”

ရဟန်းက ငြင်းလေ၊ ဘုရင်က အတင်းအကျပ် တောင်းပန် တိုးလျှိုး ပြန်ခေါ်လေပဲ။ သုံးကြိမ် သုံးခါ မြောက်တော့ - ရဟန်းက - “တစ်ကြိမ် တစ်ခါ ဆို လုံလောက်ပါတယ် မင်းကြီး။ သင့်ကိုယ်သင် မိုက်မဲမှု ထဲ ပြန်ခုန်မချ ပါစေနဲ့။ သင့်ရဲ့ နှလုံးသားကိုသာ သင်ပြန်ကြည့်ပါ။ ကျွန်ုပ် ပြန်လိုက်ခဲ့ပါမယ် ဆိုတာနဲ့ သင့်ရဲ့ ဦးနှောက်ဟာ နကို အတွေးအခေါ်တွေ၊ နကို အမြင်တွေနဲ့ ထပ်ကြည့်လာပါလိမ့်မယ်။” ရဟန်းကြီးလည်း ထွက်ခွာသွားပါတယ်။

ဖြူစင် ရိုးသားတဲ့ ဘဝဟာ လုပ်ယူလို့ မရပါဘူး။ လုပ်ယူ စမ်းသပ် ကြည့်လို့ မရဘူး။ သိမြင် သဘောပေါက်မှုနဲ့ သာ သက်ဆိုင်တယ်။ ဦးနှောက်နဲ့ မသက်ဆိုင်ဘူး။ ဒါကို နားလည်ဖို့ လိုပါတယ်။ ဖန်တီး ရယူတဲ့ ရိုးသားမှု မျိုးကို မရေတွက်နိုင်တဲ့ လူတွေ စမ်းသပ် ခဲ့ကြပြီး ဖြစ်ပါတယ်။ ဒါပေမယ့် လုံးဝ ရိုးစင်း သွားမယ့် အစား ဆန့်ကျင်ဘက် အဖြစ်တွေသာ ရရှိသွားကြတယ်။ ရိုးသားဟန် ရှိပြီး ကောက်ကျစ် သွားကြတယ်။ မိမိတို့ အတွင်းမှာ တစ်မျိုး၊ ပြင်ပ သဏ္ဍာန်မှာ တစ်မျိုး။ စကား ချိုချို၊ သဘော ဆိုးဆိုး တွေ ဖြစ်ကုန်ကြတယ်။ ဒီကနေ့ IT ခေတ် အခါမှာ ဦးနှောက်ကို အားမကိုးကြဖို့ ပြောရတာ အားနာပါတယ်။ ဒါပေမယ့် အဲ့ဒီ ဦးနှောက်၊ အတွေး အခေါ်၊ ခင်ဗျား ရိုက်ထည့်သင်ကြားခံ ထားရတဲ့ လူ့အဖွဲ့အစည်း ၊ ဓလေ့ထုံးစံတွေဟာ ခင်ဗျားကို ရှုပ်ထွေးအောင်ပဲ စိတ်ဒုက္ခ ပေးပါလိမ့်မယ်။

လိုရင်း က ခင်ဗျားရဲ့ ပစ္စက္ခအပေါ် ရှင်းရှင်းလင်းလင်း ရှုမြင်ထားတဲ့ စိတ်နှလုံးသာ ဖြစ်ပါတယ်။ တွယ်တာနှောင်ဖွဲ့မှု ကင်းတဲ့ စိတ်နှလုံးဟာ ဖြူစင် ရိုးသားမှု သရုပ်ကို အလိုအလျောက် သယ်ဆောင် လာလိမ့်မယ်။ ခင်ဗျားရဲ့ သွင်ပြင် လှုပ်ရှားမှု တိုင်းမှာ အရိပ်ထင်ဟပ်နေလိမ့်မယ်။ ခင်ဗျား ရဲ့ ရှုမြင်မှုဟာ ဖြူစင် ရှင်းလင်း နေဖို့ပဲ။ အထူးသဖြင့် - ခင်ဗျားရဲ့ ပစ္စုပ္ပန် တည့်တည့်ပေါ်က ကြည်လင်တဲ့ သိမြင်မှု စစ်စစ်သာ လိုအပ်ပါတယ်။

............................

Ref:

Osho
ရဲထက် - အိုရှိုးပြောသောဟင်းလင်းပြင်

............................

http://zayya.blog.com/

http://zayya.wordpress.com/

http://zayyablogger.blogspot.com/

ခဏ တံခါး

2011-12-22T17:13:00.000+06:30

ဆရာပါရဂူရဲ့ သနန္တန ဓမ္မ ဟာ Osho ရဲ့ The Dhammapada: The Way of Buddha ကို - အနှစ်ချုပ် ကောက်နှုတ်ပြန်ဆို ထားခဲ့ တာ ဖြစ် ပါတယ်။ ကွယ်လွန်သွားခဲ့ပြီး ဖြစ်တဲ့ ဆရာပါ့ကို ဒီကနေ့ မကြာခဏ သတိတရ စိတ် ဖြစ်ပါ တယ်။ ဒီလို နဲ့ - စာအုပ်ပုံကို ပြန်မွှေရင်း ဆရာပါ့ စာအုပ်တွေ ပြန်ဖတ် ဖြစ်တယ်။ ဟိုဖတ် သည်ဖတ် ပြန်နွှေး - ကောက်နှုတ်ချက် - တစ်ခု ရွေးယူပြီး တင်ပါတယ်။ ဆရာ့စာရဲ့ အချို့ အလုံးကျ လေးတွေကိုသာ နည်းနည်း ဖြည့်စွက် ထားတယ်။

...............................................

ခဏတံခါး

‘ခဏိက’ သို့မဟုတ် ‘ခဏဘင်္ဂုရ’ ၏ အနက် အဓိပ္ပာယ်သည် ‘တခဏသာ ခံခြင်း’ ဖြစ်သည်။ ခဏိက သဘောကို နားလည်ခြင်းသည် တစ်ခဏပြီး တစ်ခဏ ( သို့မဟုတ် ) ခဏတိုင်း၊ ခဏတိုင်း နေခြင်း၊ အသက်ရှင် နေထိုင်ခြင်း ဖြစ်သည်။

မိမိတို့ လက်ထဲ၌ ပစ္စုပ္ပန် တခဏမှ တစ်ပါး အခြား မရှိ ဟု ဆိုလိုသည်။ ယင်း အချက်ကို နားလည်သည် နှင့် တစ်ပြိုင်နက် - ‘မည်သူ့ ထံတွင်မှ ခဏ နှစ်ခု တပြိုင်တည်း ရှိမနေကြောင်း’ ထပ်ဆင့် သဘောပေါက်ပြီး ဖြစ်လိမ့်မည်။ ခဏ တစ်ခဏ သည် ရောက်လာပြီး နောက် ထွက်ခွာသွားသည်။ နောက် အခြား တစ်ခဏ ရောက်လာသည်။ လက်ထဲ၌ ယင်း ခဏ တစ်ခဏသာ ရှိသည်။

ယင်း တခဏ အတွင်း မည်သို့ မည်ပုံ နေထိုင် မည်နည်း။ ယင်း နေနည်း ထိုင်နည်းသည် ဘဝနေနည်း ထိုင်နည်း အတတ်ပညာ ပင် ဖြစ်သည်။ ပိုင်ဆိုင်သော ခဏ တစ်ခဏ ကို ချန်ရစ်၍ အခြား တစ်ခဏသို့ ကူးသွားခြင်းသည် သာမာန် ဘဝ နေနည်း ဖြစ်သည်။ ပိုင်ဆိုင်သည့် ခဏ တစ်ခဏ ၏ နက်ရှိုင်းရာ သို့ ဆင်း သွားခြင်း သည်သာ ဝိသေသ ထူးခြားသည့် ဘဝနေနည်း ဖြစ်သည်။

လောကီ လူ့ဘဝ အများနေထိုင်ကြသည့် အနက်အဓိပ္ပာယ်မှာ ယခု ပစ္စုပ္ပန် ခဏကို နောက် တစ်ခဏ အတွက် စွန့်လွှတ်ပစ်လိုက်ခြင်း ဖြစ်သည်။ နောက် ခဏကို အခြား အခြား ခဏ များ အတွက် စွန့်လွှတ် ပစ်လိုက် ခြင်း ဖြစ်သည်။ ယနေ့ကို မနက်ဖြန် အတွက် လွှတ်ပစ် သည်။ နက်ဖြန်ကို သန်ဘက်ခါ အတွက် လွှတ်ပစ်လိုက်သည်။ လောကီ လူ့ဘဝသည် ဤသို့ဖြင့် နေ့စဉ် နေ့တိုင်း လစ်ဟာလျက် အလ ဟဿ ဖြစ်လျက် ရှိကြသည်။ အမြဲတမ်း ရွှေ့ဆိုင်း ရပ်တန့် ပစ်ကြ သည်။ သိမြင်မှု ရှိကြသူများ၏ ဘဝမှာမူ ယခု ပစ္စက္ခ တစ်ခဏ ၌ပင် ကိစ္စ ပြီးလျက် ရှိနေကြသည်။

‘လက်ထဲ၌ ဤခဏသာ ရှိသည်။ အခြား ခဏ မရှိ’ ဟု ‘ခဏိက’ သဘောကို နားလည်သောသူ အတွက် ယခု ပစ္စုပ္ပန် ခဏသည် နောက်ဆုံး ခဏ ဖြစ်ဖို့ ရှိသည်။ နက်ဖြန် အတွက် နောက်ဆံ တင်းနေ လိမ့်မည် မဟုတ်ပေ။ ၎င်းသည် ယနေ့အတွက် အသက်ရှင်နေသည်။ နက်ဖြန် အသက်ရှင်ခြင်း မရှင်ခြင်းသည် ၎င်းနှင့် မသက်ဆိုင်ပေ။ ၎င်းအနေဖြင့် စိတ်ကူး ထဲတွင်ပင် ထည့်သွင်းထား လိမ့်မည် မဟုတ်ပေ။ - နက်ဖြန်မှ ချစ်မည်။ နက်ဖြန်မှ လုပ်မည်။ နက်ဖြန်အတွက် အားခဲလိုက် ဦးမည် ဟု သောင်မတင် ရေမကျ သဘောမျိုး ရှိနေလိမ့်မည် မဟုတ်။ လုပ်ရန် ကိစ္စ အဝဝသည် ယနေ့ ယခု ခဏ၌ပင် ပြီးပြတ်သည်။

တကယ် စင်စစ် ဘဝသည် တစ်ခဏပြီး တစ်ခဏ ကုန်ဆုံး ကျော်လွန်လျက် ရှိ၏။ ကုန်ဆုံး ၊ ကျော်လွန်၍ ‘ပြီးပြီ’ ဟု - ‘ခဏိက’ သဘော၊ ‘ခဏ ဘင်္ဂုရ’ သဘောကို သိမြင် သဘောပေါက် သောအခါ တခဏတာ၏ နက်ရှိုင်းရာသို့ သက်ဆင်း သွားနိုင်စွမ်း ရှိလာပေ လိမ့်မည်။ တခဏတာသည်လည်း မိမိ၏ အတွင်း အဇ္ဈတ္တ နက်ရှိုင်းရာ၌ ခိုင်မာမှု ရှိနေ၏။

ကမ်းစပ်၌ ရေကူးနေသော သူကို ရှုကြည့်စေချင်သည်။ ရေပြင်ပေါ်၌ လှိုင်းများ တစ်လုံးပြီး တစ်လုံး လိမ့်နေသည်။ ရေကူးနေသူသည် လှိုင်းလုံးများ ပေါ်၌ ကူးခတ် လျက်လည်း ရှိသကဲ့သို့ လှိုင်းလုံးများ၏ အောက် နက်ရှိုင်းရာသို့လည်း ငုပ်လျှိုးသွား၏။ လောကီ လူသား အများတို့သည် လှိုင်း တစ်လုံးမှ အခြား လှိုင်းတစ်လုံးသို့ ကူးခတ် သွားကြခြင်း ကိုသာ လိုလားကြပေ သည်။ ရေ မျက်နှာပြင် ပေါ်၌ သာ ကူးခတ် လျက် ရှိနေကြသည်။ ရေလှိုင်း၏ နက်ရှိုင်းရာသို့ အဘယ်ကြောင့် မငုပ်လျိုး ကြပါ သနည်း။ ရေမျက်နှာပြင်၌သာ အဘယ်ကြောင့် ရပ်တန့် ကူးခတ် နေကြပါသနည်း။

ရေလှိုင်းများ အပေါ်တွင် ပုလဲရတနာ ရရှိသည်ဟု ကြားဖူးကြပါသလား။ စင်စစ် ပုလဲ ရတနာ သည် ရေနက်ထဲ၌သာ တည်ရှိ၏။

ဆရာပါရဂူ - သနန္တန ဓမ္မ ( နှာ - ၂၅၆ - ၂၅၇ )

.....................
http://zayya.blog.com/
http://zayya.wordpress.com/
http://zayyablogger.blogspot.com/
.....................

Just Definitions!

2011-12-22T02:44:00.003+06:30

Meditation is not Escapist.

အနာဂတ်ကို မျှော်တွေးပြီး မျှော်လင့်ချက် အိပ်မက်တွေနဲ့ နေထိုင်သူဟာ လက်ရှိဘဝကို လျစ်လျူရှု နေထိုင်မိသူ ဖြစ်ပါတယ်။ တစ်နည်းပြောရင် - သူ့ရဲ့ အသက်ရှင် နေသမျှဟာ တကယ် အသက်ရှင် နေတာ မဟုတ်ဘူး ။ အသက်ရှင်နေတယ် လို့ ဟန်ဆောင်နေတာမျိုး သက်သက်ပဲ ဖြစ်ပါတယ် ။ သူ ဆက်လက် ရှင်သန် နေနိုင်ဖို့ မျှော်လင့်တယ်။ ဆက်လက် ရှင်သန် ရပ်တည် နေနိုင်ဖို့ ဆန္ဒ ရှိတယ်။ သူ ဘယ်တော့မှ မသေသွားဖို့ ၊ ဆက်လက် တိုးတက် ရှင်သန်နေ ဖို့ လိုလား နေတယ်။ ဒီလိုနဲ့ လက်ရှိ ပစ္စုပ္ပန် တည့်တည့်မှာ ရှင်သန်နေဆဲ ခဏ ကို မေ့လျော့ထားရစ် ခဲ့တယ်။ ဒါဟာ အခု သူ သေနေတာနဲ့ အတူတူပဲ မဟုတ်လား။

စင်စစ် မနက်ဖြန် ဆိုတာ ဘယ်တုန်းက ရောက်လာခဲ့ပါ သလဲ ။ အားလုံး ရရှိနေကြတဲ့ အချိန်ဟာ ယနေ့ ယခု၊ ဒီကနေ့၊ ဒီနေရာတွေချည်း ဖြစ်ပါတယ်။ ဘယ်သူ ဘယ်ပုံမျိုးနဲ့ ဘာဖြစ် လာလာ - အခု ခဏ ( Now and Here ) ကိုသာ ပိုင်ဆိုင် နေတယ်။ ဒါကို သာမန် အချိန်မှာ သတိမရှိဘဲ မေ့လျော့နေရင် သူ့ကို သေဆုံး နေတယ် လို့ ဆိုရ ပါလိမ့်မယ်။

ဘဝ ရှင်သန် နေမှုက ထွက်ပြေးနေတဲ့ တစ်ကြောင်း တည်းသော လမ်းဟာ - လိုအင်ဆန္ဒ တွေ ဖြစ်ပါတယ်။ ဗုဒ္ဓက ဒါကို “တဏှာ” ( Tanha ) လို့ သမုတ် တယ်။ လိုရင်းက လက်ရှိ ပစ္စုပ္ပန် တည့်တည့် က ရှောင်ခွာပြေးမှု။ အစစ်အမှန် ရရှိနေတဲ့ မိမိ အဖြစ်ကနေ - အတုအယောင်ထဲ ပြေးဝင် ခိုလှုံမှု ပါ။

ဒါ့ကြောင့် - အလိုဆန္ဒ တွေနဲ့ ရှိနေသူဟာ ထွက်ပြေးနေသူ ၊ ရှောင်ပြေးနေသူပဲ။ ဒါပေတဲ့ - အံ့အား သင့်စရာ တစ်ခုရှိတယ်။ ပစ္စုပ္ပန်တည့်တည့် နေထိုင်ဖို့ ကြိုးစားသူ - ဘာဝနာ ပွားသူ ကို ရှောင်ပြေးနေသူလို့ အများက ခေါ်ဆိုတတ်ကြတယ်။ အဲ့ဒါဟာ အဓိပ္ပာယ် မဲ့လွန်းရာ မကျဘူးလား။ တကယ် က ဘာဝနာနဲ့ နေထိုင်သူ တစ်ဦး တည်းသာ ဘဝက ရှောင်မပြေးဘဲ လက်တွေ့ ကျကျ နေထိုင်နေ သူ ဖြစ်ပါတယ်။ အခြား လူတိုင်း ထွက်ပြေးနေကြတယ်။

ဘာဝနာ ရဲ့ အဓိပ္ပာယ် ကိုယ်နှိုက်က - လက်ရှိ ပစ္စုပ္ပန် တည့်တည့် အပေါ် သိရှိ လက်ခံနေခြင်း ပါ။ ကမ္ဘာပေါ် မှာ ဘဝ စင်စစ်ကနေ ရှောင်မပြေးစေတဲ့ တစ်ခု တည်းသော နည်းလမ်း ဟာ ဘာဝနာ ပဲ ဖြစ်ပါတယ် ။ ဒါကိုပဲ - ဘာဝနာ ဟာ စင်စစ် ဘဝက ရှောင်ပြေးတဲ့ ဖြစ်စဉ် ပဲလို့ လူအများ ခေါ်ဆို တတ်ကြ တယ်။ အဲ့လို ဘာဝနာ ကို ရှုံ့ချသူ တွေက -သူတို့ စကားရဲ့ အဓိပ္ပာယ်ကိုရော သူတို့ ကိုယ်တိုင် သိ နားလည် ကြရဲ့လား။ အကြောင်းက - သူတို့ စကားဟာ အဓိပ္ပာယ် မဲ့လွန်း နေလို့၊ အဓိပ္ပာယ် ပြောင်းပြန် ဖြစ်နေ လို့ပါ ။

ဘာဝနာအမှု ဟာ ဘဝကို ရှောင်းပြေး နေတာ မဟုတ်ဘူး။ ဘဝရဲ့ လက်ရှိ တည့်တည့် အပေါ် ခိုဝင် လက်ခံလိုက်ခြင်း သက်သက် ပါ။ တကယ်တမ်း ဘဝကို ရှောင်ပြေး နေတာတွေ က ခင်ဗျားရဲ့ စိတ်ကူး၊ အတွေး၊ စွဲလမ်းသမျှ မျှော်လင့်ချက်၊ အနာဂတ် အိပ်မက် - စတာ တွေချည်း သက်သက်ပဲ။ ဆိုလိုတာက လိုအင်ဆန္ဒ တွေ သာလျင် ဘဝက ရှောင်ပြေး နေတာ ဖြစ်ပါတယ်။

Meditation is Alertness.

ခင်ဗျား ဘယ်အရာကို လုပ်လုပ်၊ သိမြင်မှု သက်သက်နဲ့ လုပ်နိုင်လာတဲ့ အခါ အသေးအဖွဲလေးက အစ လေးနက် နေပါတယ်။ လမ်းလျောက်တာ၊ စကားပြောတာ၊ စားသောက်တာ၊ သန့်ရှင်းရေး လုပ်နေတာ - စသဖြင့် အားလုံး တည်ငြိမ် လေးနက် နေပါတယ်။ တနည်းပြောရင် - မြင့်မြတ်မှု ရှိတယ်။

ဒီနေရာမှာ - ခင်ဗျား ဘာကို လုပ်နေတာလဲ - ဆိုတာ အရေးမပါဘူး။ ခင်ဗျား ဘယ်လို လုပ်နေသလဲ ဆိုတာပဲ အရေးကြီးနေ ပါတယ်။ ခင်ဗျား ဒီစာ ဖတ်နေသလား။ တစ်လုံး ပြီး တစ်လုံးပေါ် ခင်ဗျား မျက်လုံးတွေ ဖြတ်ပြေးသွားမယ်။ စိတ်အတွေး တွေ ပုံဖော် စဉ်းစားနေမယ်။ - အဲ့ဒါကို ခင်ဗျား သိနေမယ်။ ဆက်ပြီး ဆက်ပြီး ဖတ်နေရင်း - ဆက်ပြီး ဆက်ပြီး အတွေးတွေ ရှိနေမယ်။ ခင်ဗျား သတိ ရှိနေမယ်။ - ဒါဆို ခင်ဗျားရဲ့ အခု ခဏ နေထိုင်မှုလေးက တန်ဖိုး ရှိပါတယ်။ ဒီစာကို သာမက ခင်ဗျား ဘဝရဲ့ အခု ခဏ အပေါ်မှာပါ ခင်ဗျား သိမြင်နေလို့ပဲ။

ဒီစာကို ဖတ်နေသလို ခင်ဗျား ပြောင်းလဲ သွားမယ့် အခြား အရာတွေ တိုင်းအပေါ်ကိုလည်း ခင်ဗျား သိမှတ်မှု ရှိနေမယ် ဆိုပါတော့။ ဒါဆို ခင်ဗျား သန္တာန်မှာ သိမြင်မှု သက်သက်နဲ့ လက်ရှိ ဘဝကို နေထိုင်နေတာ ဖြစ် ပါတယ်။ ခင်ဗျား သန္တာန်မှာ စောင့်ကြည့်နေမှုသာ ရှိတော့တယ်။ ခင်ဗျား လက်ရှိ ကို နိုးနိုး ကြားကြား သတိရှိနေတယ်။ မရှိတော့တဲ့ အတိတ်၊ မရောက်လာသေးတဲ့ အနာဂတ်ထဲ စိတ်ကူးယဉ် အိပ်မက် ရှိမနေဘူး။ သူတို့ ဝင်ရောက်လာရင်လည်း ခင်ဗျား လက်ရှိ အဖြစ်ကို သိမှတ်နေမှု ဟာ - သူတို့ကို အတွေးအဖြစ်မှာပဲ ထားရှိသွားပါတယ်။ ခင်ဗျား သန္တာန်မှာ အတွေးအနေနဲ့ ဖြတ်သန်း သွားမယ်။ ခင်ဗျား လက်ရှိ အခု ခဏကို သိနေတယ်။ ကြံစည်စိတ်ကူးမှုကို အခုလက်ရှိ သိမြင်မှုနဲ့ လက်ခံ သိမ်းပိုက်တယ်။

အဲ့အတွက် ခင်ဗျားဟာ ဘဝ စစ်စစ် အတွင်း နိုးကြားမှု သက်သက်နဲ့သာ နေထိုင်သွားတော့တယ်။ ခင်ဗျား သန္တာန်မှာ ကြည်လင်တဲ့ သိမှု သက်သက် ကျန်ရစ်ခဲ့တယ်။

Meditation is Silence.

စိတ်ကူး အတွေး အားလုံး ဟာ ဝေါဟာရ ၊ စကားလုံး တွေ ချည်းသာ ဖြစ်ပါတယ်။ လူအများစု ရဲ့ အသိမှာ - အဲ့ဒီ စိတ်ကူး အတွေးအကြံ၊ အတွေးအခေါ် တွေသာ အရှင်သခင် ဖြစ်တယ်။ ဒါ့ကြောင့် လူသားတွေ ဖန်တီးတဲ့ ဝေါဟာရတွေဟာ အဲ့ဒီ အတွေးအကြံ ဘောင် အတွင်းမှာပဲ တည်ရှိ နေရတယ်။ ခင်ဗျား စိတ်ကူး၊ တွေးခေါ်နိုင် ရင် - အဲ့ဒီ တွေးခေါ်သမျှ ခင်ဗျား ပြောပြ နိုင်ပါတယ်။ သင်္ကေတ တစ်နည်းမဟုတ် တစ်နည်းနဲ့ ဖော်ပြနိုင်နေတယ်။

ဒါဆို အဲ့အတွေးအကြံတွေ ပယ်ပျောက် သွားတဲ့ အခါ၊ ချုပ်ငြိမ်းသွားတဲ့ အခါ ဘာဖြစ်မလဲ။ သူတို့ကို ကျော် လွန် ဖောက်ထွက် သွားတဲ့ အခါ - အတွေးတွေရဲ့ နောက်မှာ - ဘာသာစကားတွေ မဲ့ကုန် ပါတယ်။ ဝေါဟာရတွေ ပျက်သုဉ်း သွားတယ်။ ဆိုလိုတာက - အားလုံး ပျက်သုဉ်းနေတဲ့ တိတ်ဆိတ်မှု မျိုး ဖြစ် သွား တယ်။ ( ဒီစကား ကလည်း အတိအကျမမှန်ပါဘူး ၊ တိတ်ဆိတ်မှု ပါ ရှိမနေတဲ့ တိတ်ဆိတ်မှုမျိုး )

တကယ်တမ်း အဲ့ဒီ အဖြစ်ဟာ ကျနော်တို့ ခင်ဗျား တို့ သန္တာန်မှာ အမြဲ ရှိနေပါတယ်။ ဒါပေမယ့် ဘယ်တုန်းကမှ ပြန်ငုံ့ မကြည့် ခဲ့ဘူး။ ပြန်မမြင်နိုင်ခဲ့ ဘူးရယ်။ ဘာလို့ဆို လူ့အဖွဲ့အစည်းက ၊ အရေးအရာ ပေါင်း သောင်းခြောက်ထောင်က၊ ခင်ဗျား ရဲ့ အစွဲအလမ်းတွေက၊ နောက်ဆုံး ခင်ဗျား ကိုယ်တိုင်က - ခင်ဗျား အဲ့လို တိတ်ဆိတ် သွားတာမျိုး ကို အဖြစ်မခံဘူး။ အမြဲတမ်း စကားလုံးတွေ ဖြည့် ထည့်တယ်။ စကားလုံးတွေ၊ ဝေါဟာရတွေ တွဲစပ် ဖွဲ့စည်းတယ်။ ကြီးမြတ်တဲ့ အတွေး အခေါ် ကြီးတွေ တည်ဆောက်တယ်။ အဆုံးသတ်မှာ အတွေးအခေါ် မရှိရင် လူ မဟုတ်ဘူး လို့ စွဲစွဲမြဲမြဲ ထင်မြင် လာစေတယ်။ အဲ့လိုနဲ့ ခင်ဗျား ကိုးကွယ် လိုက်တဲ့ တစ်ခု တည်းသော အရာဟာ ခင်ဗျားရဲ့ “စိတ်” ဖြစ်မှန်းမသိ ဖြစ်လာပါတယ်။

ဘာဝနာ ကတော့ အဲ့လို မဟုတ်ဘူး။ ခင်ဗျားကို ဘယ်ကိုးကွယ်မှုမှ မပေးဘူး။ အခု ခင်ဗျား ကိုးကွယ်နေတဲ့ “ခင်ဗျား စိတ်ကူး၊ အတွေး၊ စကားလုံး” တွေကို သတ်ပစ် တယ်။ ခင်ဗျား ရဲ့ အရင်းအကျဆုံး နေရာကို ရှင်းလင်း ထုတ်ပေးတယ်။ တကယ် စင်စစ် ခင်ဗျားဟာ ဘာလဲ လို့ လမ်းပြပေးတာ သက်သက်ကို ဘာဝနာလို့ ကျနော် ခေါ်ဆိုပါတယ်။ ဘာဝနာနဲ့ နေထိုင်လာတဲ့ အခါ ခင်ဗျား အတွက် စကားလုံး မဲ့လာပါတယ်။ ခင်ဗျား အတွက် - ခင်ဗျား နေထိုင်မှု သက်သက်မှာ စကားလုံး ဝေါဟာရ ဘောင်တွေက ကင်းလွတ် သွားတယ်။ တိတ်ဆိတ် နေတဲ့ သန္တာန် သာ ကျန်နေရစ် တယ်။ ဒါဟာ ဖန်တီး လုပ်ယူတဲ့ အခြေအနေ မဟုတ်ပါဘူး။ ခင်ဗျား ရဲ့ မူရင်း သဘာဝ ကို ပြန်ရှာတွေ့ရှိတာ မျိုး သက်သက်ပါ။

....................

Footnotes -

The man who desires is an escapist. Now, this is very strange that meditators are thought to be escapists. That is utter nonsense. Only the meditator is not an escapist – everybody else is. Meditation means relaxing in the moment, in the present. Meditation is the only thing in the world which is not escapist, although it is thought to be the most escapist thing. People who condemn meditation always condemn it with the argument that it is escape, escaping from life. They are simply talking nonsense; they don't understand what they are saying.
Whatsoever you do, do it with deep alertness; then even small things become sacred. Then cooking or cleaning become sacred; they become worship. It is not a question of what you are doing, the question is how you are doing it.
Mind is nothing but all the words that you have accumulated; silence is that which has always been with you

....................
Osho: The Dhammapada: The Way of the Buddha
.....................
http://zayya.blog.com/
http://zayya.wordpress.com/
http://zayyablogger.blogspot.com/
.....................

တစ်ဖက်တည်း တီးတဲ့ လက်ခုပ်သံ

2011-12-21T16:41:00.000+06:30

ဇင် ပုံပြင်တော်တော် များများ နားထောင် ဖူးကြပါလိမ့်မယ်။

ဇင်ဆရာတွေဟာ သူတို့ ရောင်းရင်းတွေကို ဘာဝနာ ပွားခိုင်း တဲ့ အခါ - ကိုအာန် ( Koan ) လို့ ခေါ်တဲ့ အမေး ပုစ္ဆာတွေ ပေးလေ့ ရှိပါတယ်။ နာမည် ကျော်ကြား ပြီး ရှေးကျ တဲ့ ကိုအာန် ကတော့ - လက်တစ်ဘက်ထဲ တီးတဲ့ လက်ခုပ်သံ ပုစ္ဆာ ဖြစ်ပါတယ်။ ကျနော်တို့ လက်ခုပ်တီးတဲ့အခါ လက်နှစ်ဖက် အပြည့် တီးရတယ်။ အဲ့လိုမှ မတီးရင် လက်ခုပ်သံ မထွက်ဘူး။ ဒါပေမယ့် ဇင်ဆရာတွေကတော့ - “သွားရှာ ပါ။ - အခြား အရာမပါဘဲ လက်တစ်ဘက် ထဲ ကို သုံးပြီး လက်ခုပ်သံ ဘယ်လို ထွက်ပါသလဲ ။ ရှာကြည့်ပါ” ။ ဒီ လမ်းညွှန်မှုကို ပြုတတ်ကြပါတယ်။

ဒီစကားက အဓိပ္ပာယ်မဲ့ လွန်း ကြောင်း ကျနော်တို့ သိတယ်။ အသံ ဆိုတာ နှစ်ခု နှစ်ဘက် ထိစပ် မှ ထွက် တယ် မဟုတ် လား။ အရာတစ်ခု နဲ့ မဟုတ်ရင် ၊ လက်နှစ်ဖက် ထိစပ် ရိုက်ခတ် နိုင်မှ အသံထွက်တယ်။ ဇင် ဆရာ တွေကရော ဒါကို မသိကြဘူး တဲ့လား။ သိကြပါတယ်။ ဒါပေမယ့် ဒီ ပုစ္ဆာ ကိုပဲ ဘာဝနာ ပွားဖို့ရာ ပုစ္ဆာ အဖြစ် ရာစုနှစ် ပေါင်း များစွာ အသုံးပြု ခဲ့ကြတယ်။ ဗုဒ္ဓ ခေတ်လောက် ကနေ ကနေ့ အထိ ဒီပုစ္ဆာ ကိုသာ ဇင်ဆရာတွေ ပေးလေ့ ရှိတတ်ကြပါတယ်။ သူတို့ရော ၊ သူတို့ ရောင်းရင်း အများရော - ဒီ ပုစ္ဆာ ရဲ့ အဓိပ္ပာယ် မဲ့မှုကို သိပါတယ်။ ဘာထူးခြားမှု ရှိနေ လို့ ပါလဲ။ -- ဖန်တီးလို့ ဘယ်လို မှ မရတဲ့ အသံကို ဘာလို့ အာရုံစိုက် ရမလဲ။၊ ခင်ဗျား စူးစိုက်ကြည့်တယ်။ ခင်ဗျား မျက်ခြည် မပြတ် စောင့်ကြည့် နေမယ်။ ဒါဟာ တစ်ဖက်တည်း တီး တဲ့ လက်ခုပ်သံကို ရှာဖွေကြည့်ပုံ ပဲ ဖြစ်ပါတယ်။

ပုံပြင် တစ်ပုဒ် ပြောကြည့်မယ်။

ဆယ့်နှစ်နှစ် သား အရွယ် လူငယ်လေး တစ်ယောက် က ဇင် ဘုရားကျောင်း နားမှာ နေထိုင်တယ်။ အဲ့ ဘုရားကျောင်းက ကျောင်းထိုင် ဆရာတော်ကြီး ဆီကို နေ့စဉ် နေ့တိုင်း တရားစကား လာ လျောက်ကြားကြသူတွေ ရှိတယ်။ သူ လည်း နေ့တိုင်း တွေ့နေရတယ်။ လာရောက် လျောက်ကြား သူတွေက ပုစ္ဆာ အမျိုးမျိုး၊ မေးခွန်း အမျိုးမျိုး သယ်ယူ လာကြတယ်။ ဆရာတော်ကို မေးလျောက်တယ်။ ဆရာတော် ကလည်း အဖြေအမျိုးမျိုး၊ လမ်းညွှန်ချက် အမျိုးမျိုး ပြန် လည် ဖြေကြား ပေးတာ တွေ့နေ မြင်နေ ရ တယ်။ အဲ့လိုနဲ့ သူငယ်လေးက စိတ်ဝင်စားလာတယ်။

တစ်နေ့ မနက်မှာတော့ ဆရာတော်ကြီး ဆီ ချဉ်းကပ်ပြီး အမေးပုစ္ဆာ လျောက်လိုကြောင်း တရိုတသေ ဝပ်တွားပြီး စကား ဆိုလာပါတယ်။ အရင်ဦးဆုံး သူက ဆရာတော်ကို ဦး အကြိမ်ကြိမ် ညွှတ်တွား ကန်တော့တယ်။ အဲ့အခါ ဆရာတော်က ပြုံး ရယ်ပြီး -
“ဘာဖြစ်လို့လဲ သူငယ်”

ဆရာတော့် စကားကို ကြားတော့ သူငယ်လေး က ဇင်ဆရာတွေ ထိုင်လေ့ ရှိသလိုမျိုး ထိုင်လိုက်တယ်။ ပြီးတော့ ဆရာတော့်ဆီ လာလေ့ ရှိတဲ့ အခြား ကိုရင် ဦးဇင်း တွေလို ငြိမ်ငြိမ်ဝပ်ဝပ် ထိုင်နေတယ်။ ဆရာတော်က ထပ်မေးတယ် -
“သင် ကျွန်ုပ်ဆီ ဘယ်အကြောင်းနဲ့ လာတာပါလဲ - တိုယို”

သူငယ်လေး နာမည်က တိုယို ပါ။ အဲ့အခါ တိုယိုက ဦး တစ်ကြိမ် ညွှတ်၊ ထပ် ရှိခိုးတယ်။ - “ဆရာတော် ဘုရား၊ တပည့်တော် အမှန်တရား အလို့ငှာ လာတာ ဖြစ်ပါတယ်။ တပည့်တော် အမှန်တရား ကို သိမြင်ဖို့ မည်သည့် အမှုမျိုး ပြုရပါမလဲ၊ မည်သို့ လေ့လာပွားများ ရပါမလဲ”

ဆရာတော်က သူငယ်လေး စိတ်ဝင်စားမှု ကို ရိုးရိုးစင်းစင်း သိမြင် လိုက်ပါတယ်။ ဘာလို့ဆို သူ့ဆီကို ရောက်လာသူတိုင်း ဒီလို မေးခွန်းမျိုးသာ မေးလေ့ ရှိကြတယ်။ ဆရာတော်က - ရယ်ရယ်မောမောနဲ့ပဲ - “ဒါဆို တိုယို- အခု သွားပြီး ဘာဝနာ ပွားချည်ပါ။ လက်နှစ်ဘက် တီးရင် လက်ခုပ်သံ ထွက်တယ် မဟုတ်လား။ အခု လက်တစ်ဘက် တည်း တီးမယ်။ အဲ့လို ဆိုရင် ဘယ်လို လက်ခုပ်သံ ထွက်မလဲ ။ အဲ့ဒီ အသံကို နားထောင်ကြည့်ပါ ။ ရှာကြည့်ပါ။ အခု သွားပြီး ဘာဝနာ ပြုပါ။”

ဆရာတော်ရဲ့ လမ်းညွှန်စကားကို ကြားတော့ တိုယို လည်း ခုနှစ်ကြိမ် ခုနှစ်ခါ ဦးညွှတ်ပြီး သူ့အိမ် ကို သူပြန်တယ်။ စပြီး ကမ္မဋ္ဌာန်း ထိုင်ကြည့်တယ်။ အဲ့အခါ သူ အိမ် အနီးအပါး က ဂေရှားမယ် ( ကချေသည်မ ) လေး တစ်ဦးရဲ့ သီချင်းဆိုသံ ကြားလိုက်ရတယ်။
“အာာ - ဟုတ်ပြီ။ ဒီအသံပဲ ဖြစ်မယ်”သူ ဆရာတော်ဆီ ချက်ချင်း ပြန်လာတယ်။ ရှိခိုး ဦးချတော့ - ဆရာတော်က ရယ်တယ်။“သင် ဘာဝနာ ပွားပြီးပြီလား တိုယို”“မှန်ပါ ဘုရား။ တပည့်တော် ရှာတွေ့ပါပြီ။ ဂေရှားမယ် တစ်ယောက်ရဲ့ သီချင်းဆိုသံ လို ပါပဲ ဘုရား”“မဟုတ်သေးဘူး၊ မှားနေသေးတယ်။ ပြန်သွားပြီး ပွားချည်ဦး”

သူငယ်လေးက အိမ်ပြန်လာပြီး ကမ္မဋ္ဌာန်း ထပ်ထိုင်တယ်။ သုံးရက်ကြာသွားတယ်။အဲ့အခါ အ်ိမ်ခေါင်ပေါ်ကို မိုးစက်ပေါက်လေး ကျလာသံ ကြားရတယ်။“ဟုတ်ပြီ။ ဒီ အသံပဲ ဖြစ်မယ်။ ငါ ရပြီ”

ဆရာတော်ဆီ ထပ်လာပြီးလျောက်တယ် - “အဲ့အသံဟာ - ရေကျသံနဲ့ တူပါတယ် ဘုရား”ဆရာတော် က - “တိုယို - ဒါလဲ မှားနေသေးတယ်။ ပြန်သွားပြီး ဘာဝနာ ပွား ချည် ဦး”

သူငယ်လေး ပြန်သွားပြီး ဒီတစ်ခေါက် ဘာဝနာ အမှု ပြုတာ - သုံးလ ကြာ သွားပါတယ်။ အဲ့အခါ သူ့နားထဲမှာ သစ်ရွက်ခတ်သံ ကြားလိုက်ရတယ်။ “ဟုတ်ပြီ။ ငါ အဖြေရပြီ ထင်တယ်” - ဆရာတော်ဆီ သူ ပြန်ရောက်လာပြန်တယ်။ ဆရာတော်က- မဟုတ်သေး ဘူး ။ မှားနေသေးတယ် လို့ပဲ ပြန်ပြောလိုက်တယ်။

အဲ့လိုနဲ့ တိုယို - ဘာဝနာ ဆက်ပြုနေတာဟာ နှစ်နဲ့ ချီသွားတယ်။ တစ်နှစ်ကျော် ကြာသွား တဲ့ အထိ သူငယ်လေး ပြန်ပေါ်မလာတော့ဘူးရယ်။ တိုယို ပြန် လာတာ ကို မတွေ့ရတော့ - ဆရာတော်က သတိရသွားတယ်။ “သူငယ်လေး ဘာဖြစ်နေသလဲ။ သူ မလာတာ ကြာပြီပဲ” လို့ တွေးမိတယ်။ အဲ့လိုနဲ့ သူငယ်လေးကို သူရှာဖို့ ထွက်လာ ခဲ့တယ်။ တိုယို ကို သစ်ပင် တစ်ပင် အောက်မှာ သူတွေ့လိုက်ပါတယ် ။

လေမလာတဲ့ အခါ သစ်ပင် သစ်ရွက်တွေ ငြိမ်သက် နေသလို သူငယ် တိုယို ဟာလည်း ရိုးရိုးစင်းစင်း ငြိမ်သက်နေတယ်။ သစ်ရွက်တွေ လေတိုက်လို့ လွင့်မျှော နေရင် သူငယ်လေး တိုယို လည်း လွင့်မျော နေတယ်။ သစ်ရွက်လေးတွေ ယိမ်းနွဲ့နေသလို သူလည်း ယိမ်းနွဲ့နေတယ်။ ညင်ညင်သာသာ လေးပဲရယ်။

ဆရာတော်က အဲ့ဒါကိုမြင်တော့ မနှောင့်ယှက် ဘဲ ထိုင်ကြည့်နေလိုက် တယ်။ သူ စောင့်ကြည့်နေ တာ တော်တော်ကြာ သွားပါတယ်။ သူငယ် ကတော့ မျက်လုံး မှိတ် ရက်သား - ကမ္မဋ္ဌာန်း ထိုင်နေလျက်ပဲ။ နာရီတွေ တစ်ရွှေ့ရွှေ့ ကုန်သွားတယ်။ နေစောင်းပြီး ညမိုးချုပ် လုလု ဖြစ်လာတယ်။ သူငယ်လေး က ငြိမ်သက် လျက်ပဲ။ အဲ့တော့ ဆရာတော်က - “တိုယို” လို့ လှမ်းခေါ်လိုက်တယ်။ သူငယ်လေး မျက်လုံး ဖွင့်ကြည့်တယ်။ “သင် အဖြေရပြီ တိုယို”

သူငယ်လေး ရလိုက်တဲ့ အဖြေဟာ - ကိုယ့် စိတ်တွင်း သန္တာန်မှာ အသံတွေ အားလုံး ပျောက်ကွယ် သွားချိန် ပဲ ဖြစ်ပါတယ်။ စိတ် အတွင်း အဇ္ဈတ္တ မှာ အသံ တွေ အားလုံး ပျောက်ကွယ် သွားတဲ့ အခါ ခင်ဗျား ကြားလိုက် ရမှာက တစ်ဖက်တည်း တီးတဲ့ လက်ခုပ်သံပဲ။ အသံတွေ အားလုံး ဆိတ်သုဉ်း သွားတယ်။ ဆူညံသံ - ဂီတသံ တွေ ပေါင်းစပ် နစ်မြုပ်သွားတယ်။ အသံ ဖြစ်ပေါ်သမျှ တစ်ညီတစ်ညွတ်တည်း ငြိမ်သက် သွားတယ်။ အိန္ဒိယ ဥပနိသျှဒ် တွေမှာ ဒီလို အသံကို “ဥုံမ်” လို့ ခေါ်ဆို သမုတ် ပါတယ်။ အသံတို့ အားလုံးရဲ့ ညီညွတ်ခြင်း - “ဥုံမ်” ရဲ့ ဂီတသံ ဟာ အားလုံး ဆိတ်သုဉ်း ချိန်မှာ ပေါ်ပေါက် တယ်။ သူငယ်လေး တိုယို ဟာ အဲ့ အသံကို ရှာတွေ့သွားခဲ့ပါတယ်။

.....................
Osho: Vedanta: Seven Steps to Samadhi
.....................
http://zayya.blog.com/
http://zayya.wordpress.com/
http://zayyablogger.blogspot.com/
.....................

လူ သာလျင် ငြီးငွေ့ တတ်သော သတ္တဝါ

2011-12-21T09:51:00.000+06:30

Q : ငြီးငွေ့တယ် ဆိုတာ ဘာလဲ။ ကျနော် ဘာရယ်မှ မယ်မယ်ရရ မလုပ်ဘဲ အားလုံး ခဏ ရပ်လိုက် တဲ့ အခါ - ကျနော့ ပတ်ဝန်းကျင်မှာ မလိုအပ်တာတွေ ချည်း ဖြစ် လာနေတယ် လို့ မြင်လာ တယ်။ အဲ့ဒါကိုလည်း ကြောက်လန့် လာတယ်။ ဒီလိုဟာကို ဖြစ်စေတဲ့ ပင်မ အကြောင်း က ဘာလဲ။ အဲ့လို ဖြစ်လာရင် ကျနော်လည်း နေရထိုင်ရ မသက် မသာ ဖြစ်လာတော့ တာပဲ ။ ဘာလို့ ဖြစ်ရတာလဲ။

A: လူသား စင်စစ် မှန်ရင် အရေးကြီး အရေးပါဆုံး အရာတွေထဲက တစ်ခုဟာ ငြီးငွေ့ခြင်း ဖြစ်ပါတယ်။ လူသာ လျှင် ငြီးငွေ့နိုင်တယ်။ အခြား သတ္တဝါတွေမှာ ငြီးငွေ့ နိုင်မယ် မထင်ပါနဲ့။ အကြောင်းက ငြီးငွေ့တဲ့ သန္တာန် ဟာ - အသိဥာဏ်အလင်း ရမှုနဲ့ အများကြီး နီးစပ် လို့ပါ။ ငြီးငွေ့မှုနဲ့ အသိဥာဏ် အလင်း ရမှု ဟာ ဟိုဘက် ဝင်ရိုးစွန်းနဲ့ ဒီဘက် ဝင်ရိုးစွန်း ဆန့်ကျင်ဘက် နှစ်ခု ကွဲနေတဲ့ တစ်ခုတည်း သော အရာ ဖြစ်ပါတယ်။ တိရစ္ဆာန် တွေ အသိဥာဏ်အလင်း ( Enlightened ) မဖြစ်နိုင်ဘူး ဆိုရင် သူတို့တွေဟာ မငြီးငွေ့ တတ်ဘူး လို့ ဆိုရမယ်။

ငြီးငွေ့ခြင်း ဆိုတာ - “ဘဝရဲ့ အနှစ်သာရ မဲ့မှု ကို ခင်ဗျား သတိမူမိနေတယ်” လို့ ရိုးရိုးလေး ပြဆိုနေတာပဲ ။ ဘဝမှာ ထပ်ကျော့နေတဲ့ ဖြစ်စဉ်တွေ ကို ခင်ဗျား တွေ့နေရတယ်။ အရင်တုန်းကလည်း အလားတူတွေ လုပ်ခဲ့ပြီးပြီ။ ဘာဖြစ်လာခဲ့သလဲ စမ်းစစ်ရင်း ဘာမှ ဖြစ်မလာဘူး လို့ မြင်လာတယ်။ ခင်ဗျား ဟိုဟိုသည်သည် ခရီးတွေ သွားနိုင်တယ်။ စိတ်ကူးကျရာ ဟိုလုပ် ဒီလုပ် လုပ်နိုင်တယ်။ ဒါပေမယ့် ခင်ဗျား ဘဝရဲ့ အသုံး မဝင်မှု ၊ အဓိပ္ပာယ်မဲ့မှုတွေကို နားလည် မိသွားတဲ့ အခါ - အပြင်းအထန် ငြီးငွေ့မှု ဆိုတာ ပေါ်ပေါက်လာပါတယ်။

အခု - အဲ့ဒီ ငြီးငွေ့မှုကို ခင်ဗျား နည်းနှစ်နည်းနဲ့ ချဉ်းကပ်နိုင်တယ်။ တစ်နည်းက - လူအများ လုပ်တတ် ကြတဲ့ နည်း ဖြစ်ပါ တယ်။ ငြီးငွေ့မှုကို လက်မခံဘူး - ရှောင်ပြေးမယ်- သူနဲ့ ရင်မဆိုင်ဘူး - ခင်ဗျား မျက်စိမှိတ် ထားမယ်- ကျောခိုင်း ထွက်ပြေးမယ်။ ဝေးနိုင် သမျှ ဝေးဝေး ပြေးမယ်။ ငြီးငွေ့တဲ့ သန္တာန် ကို ဖြေဖျောက် ဖို့ ခင်ဗျား ပိုင်ဆိုင်နိုင် မယ့် အခြား ပျော်မွေ့ရာ တွေထဲ ခုန်ချလိုက်မယ်။ အဲ့အထဲ မှာ ခံစား လို့ ရသမျှ ခံစား ရင်း ခင်ဗျားရဲ့ ငြီးငွေ့မှုကို မေ့ဖျောက် ပစ်မယ်။ ဒီ ငြီးငွေ့မှုကို နောက်တစ်ကြိမ် ထပ် မတွေ့ ချင်တော့တာနဲ့ပဲ ခင်ဗျားရဲ့ လက်တွေ့ ဘဝ ဖြစ်တည်မှုကို အာရုံတွေကြား ပြည်ဖုံးကား ချထား လိုက်တယ်။

ဒီအကြောင်းကြောင့် - ကမ္ဘာမှာ အရက်နဲ့ မူးယစ်ဆေးဝါး ပေါ်ပေါက် လာရပါတယ်။ ဒီအရာတွေ က ငြီးငွေ့မှု ကနေ ရှောင်ပြေးလို့ ရသွားအောင် ခင်ဗျားကို အကူအညီ ပေးတယ်။ ဒါပေမယ့် အဲ့ဒါတွေနဲ့ အတူတူ ခင်ဗျား တကယ်တမ်း ထွက်ပြေးလို့ မရဘူးရယ်။ သုံးစွဲနေတဲ့ ခဏလေးပဲ ခင်ဗျား မေ့ဖျောက်နိုင် တယ်။ ထပ်ပြီး ထပ်ပြီး ငြီးငွေ့မှုတွေ ခင်ဗျား သန္တာန်ထဲ ဝင်လာ နေဦးမယ်။ ထပ်ပြီး ထပ်ပြီး ကျယ်ကျယ် လောင်လောင် အော်ဟစ်ပြီး ဝင်ရောက်လာမယ်။ အဲ့တော့ ခင်ဗျားက ကာမလိင် အာရုံတွေ ဘက်ကို ကူးမယ်။ အစား အသောက် တွေ စားမယ်။ သီချင်း ဂီတ တွေနဲ့ နစ်မြုပ် ပစ်မယ်။ ခင်ဗျား ထွက်ပြေးနိုင် တဲ့ အခြား နည်းလမ်းတွေ ထောင်ပေါင်း များစွာ ရှိနိုင်သေးတယ်။ ဒါပေမယ့် အဲ့ဒီ တွေကနေ ရပ်သွား တိုင်း ငြီးငွေ့စိတ်က ပြန်ဝင် လာနေတုန်းပဲ။ တကယ်တော့ ငြီးငွေ့မှု ဟာ အသိဥာဏ် ရှိတဲ့ လူသားတွေ အတွက် ရှောင်လွှဲ မရနိုင်တဲ့ အရာ တစ်ခု ပါ။ လူ့အသိဥာဏ် ဖွံ့ဖြိုး လာသမျှ တွဲဆက် လာတဲ့ ဖြစ်ရပ် တစ်ခု ဖြစ်တယ်။ ဒါ့ကြောင့် ခင်ဗျား သူ့ကို မျက်နှာချင်း ဆိုင် - ရင်ဆိုင်နိုင်ဖို့ လိုပါတယ်။

ဒါ့ကြောင့် ငြီးငွေ့မှုကို ချဉ်းကပ်နိုင်တဲ့ နောက်တစ်နည်းက - ခင်ဗျား သူ့ကို မရှောင်မလွှဲဘဲ၊ သတ္တိရှိရှိ ရင်ဆိုင်ပစ် လိုက်ဖို့ပဲ။ အဲ့ဒီ ငြီးငွေ့မှု အပေါ်မှာ အတည်ငြိမ်ဆုံး လက်ခံလိုက်ဖို့၊ သူနဲ့ အတူ နေထိုင်လိုက်ဖို့၊ သူ ကိုယ်တိုင် ရဲ့ အဖြစ်ကို ခင်ဗျား သန္တာန်မှာ ထုံမွှမ်း သွားနိုင်ဖို့ ဖြစ်ပါတယ်။ ဗောဓိ ညောင်ပင်အောက် မှာ ဗုဒ္ဓ ရှာဖွေ လုပ်ကိုင်ခဲ့တာဟာ ဒါပဲ လို့ ဆိုချင်ပါတယ်။ ရာစုနှစ်ပေါင်း များစွာ ဇင် ဆရာတွေ ရဲ့ လုပ်ခဲ့ သမျှ ဟာလည်း အဲ့ဒါပဲ ဖြစ်ပါတယ်။

ဘာဝနာ ဆိုတာရဲ့ အဓိပ္ပာယ်က - “ငြီးငွေ့မှုကို မျက်နှာချင်းဆိုင်၊ ရင်ဆိုင်လိုက်တာ” ကို ဆိုလိုတယ်။ ဒါဆို ဘာဝနာ ပွားသူက ဘာလုပ်နေရသလဲ။ သူ တိတ်ဆိတ်စွာ နေနေတယ်။ သူ့ရဲ့ အတွင်း ဗဟို ကို စောင့်ကြည့်နေတယ်။ ( ဒါမှမဟုတ် အာနာပါန အနေနဲ့ ဆိုရင် ) သူ့ရဲ့ အသက်ရှူနေမှု အပေါ် သတိ မပြတ် စောင့်ကြည့်နေတယ်။ ဒီလို ထပ်ခါထပ်ခါ လုပ်နေသမျှ ဟာ - ကိုယ့်ကိုယ် ကိုယ် ဖျော်ဖြေနေတယ်၊ ပျော်စရာ ကောင်းနေတယ်များ ခင်ဗျား ထင်သလား။ တကယ်က - အဆုံးစွန်ဆုံး အထိ ငြီးငွေ့သွားတာ ဖြစ်ပါတယ်။ ဒါ့ကြောင့် ခင်ဗျား ဘာဝနာ ပွားရင်း အိပ်ငိုက်လာတဲ့ အခါ ဇင်ဆရာ က ခေါင်း လာခေါက် တော့တယ်။ ငြီးငွေ့လာတဲ့ သူ ၊ ငြီးငွေ့ပြီး ထိုင်နေရတဲ့ သူ အတွက် ထွက်စရာ လမ်းက အခြား မရှိဘူး။ အဲ့အတွက် တစ်ခုပဲ ကျန်တယ်။ အိပ်ပျော်သွားတယ်။ ဘာဝနာ၊ ကမ္မဋ္ဌာန်း လုပ်တဲ့ သူ တွေမှာ အိပ်ချင်စိတ် ဖြစ်လာတတ်တာ တွေဟာ ငြီးငွေ့မှုကို ရှောင်ပြေးချင် စိတ် နဲ့ တိုက်ရိုက် သက်ဆိုင် ပါတယ်။ ခင်ဗျား အိပ်ပျော်သွားရင် ငြီးငွေ့မှု အပါအဝင် အားလုံးကို ခဏဖြစ်ဖြစ်တော့ မေ့သွားတယ်။

ဘာဝနာ မှာ အားထုတ်ရတဲ့ အပိုင်းဟာ အဲ့ဒီ ငြီးငွေ့မှုကို ကြံ့ကြံ့ခံ ရင်ဆိုင်ရတဲ့ အပိုင်း ပါ။ ခင်ဗျား ရှောင်ပြေး ဖို့ မဟုတ်ဘူး။ နိုးနိုးကြားကြား သိနေဖို့။ ခင်ဗျား အိပ်ပျော်သွားရင် - ရှောင်ပြေး မိသွား တာ နဲ့ တူညီတယ်။ နိုးကြားနေဖို့ပဲ လိုတယ်။ မျက်ခြေမပြတ် စောင့်ကြည့်နိုင်ဖို့ လိုတယ်။ ခင်ဗျား အဲ့မှာ ရှိနေရင် ခင်ဗျား အဲ့ အတိုင်း ဖြစ်နေရမယ်။ ခင်ဗျား အဇ္ဈတ္တအပေါ် ရှုမှတ်မှု မြဲမြဲ ခိုင်မာ နေရမယ်။

ဒီလို ရှောင်မပြေး တော့ဘဲ ဆက်လက် ရှုမြင်မှု ဖြစ်လာတဲ့အခါ - နောက်ဆုံး အဆုံးသတ်မှာ တစ်စုံ တစ်ခု ပေါ်ထွက် လာပါတယ်။ ရုတ်တရက် ထွက်ရှိလာတာ မျိုးပါ။ ခင်ဗျားရဲ့ ငြီးငွေ့တဲ့ အဖြစ် ကို စောင့်ကြည့် နေရင်း - ခင်ဗျား သန္တာန်ရဲ့ အနှစ်မဲ့မှု သက်သက်ကို ခင်ဗျား ဘာသာ ရုတ်တရက် ထွင်းဖောက် မြင်လိုက် ရတယ်။ ငြီးငွေ့မှုဟာ တကယ်တော့ အကာအရံ သက်သက် ၊ အဖုံးတကာ တစ်ခု သက်သက်ပဲ။ အဲ့အတွင်းထဲမှာ အနှစ်မဲ့မှု ၊ သုညတ ( အနတ္တ စသဖြင့် ဘယ်လို ခေါ်ခေါ် ) ကို ရုတ်တရက် စိတ်ချလက်ချ ခင်ဗျား တွေ့လိုက်ရတယ်။ အဲ့ဒီ သုညတ ကနေ အပြည့်အဝ လွတ်မြောက် မှ ခင်ဗျားရဲ့ ငြီးငွေ့မှုက စင်စစ် လွတ်မြောက် ပါတယ်။

ဒါ့ကြောင့် ငြီးငွေ့တဲ့ သန္တာန်ကို ပုံမှန်အနေအထား မှာ လွတ်မြောက်ချင်ရင်၊ ခင်ဗျား သူ့ကို ရင်ဆိုင် လိုက်ဖို့ ပဲ ရှိတယ်။ ဘာဝနာရဲ့ အလုပ်ဟာ ဒါကို ပဲ ရည်ညွှန်းတယ်။ -- ခင်ဗျား ရဲ့ ငြီးငွေ့တဲ့ စိတ်ကို ကြိုဆို တယ်၊ ထွင်းဖောက်ပြီး စောင့်ကြည့် နေတယ်။ သုညတကို တွေ့လိုဇောနဲ့ ထိုင်နေစရာ မလိုဘူး - ခင်ဗျား ငြီးငွေ့မှုနဲ့ အတူတူ စောင့်ကြည့်မှု မပြတ်ဖို့ပဲ လိုအပ်တယ်။ - ဒါဟာ ဘာဝနာ ရဲ့ အလုပ် ဖြစ် ပါတယ်။

ယောဂ ထိုင်နည်း ပုံစံ တစ်ခုနဲ့ နာရီတော်တ်ာကြာကြာ ခင်ဗျား ထိုင်နေမယ်။ အသက်ရှူမှု သက်သက်ကို ခင်ဗျား စောင့်ကြည့်နေ မယ် - ဒါဆိုရင် ခင်ဗျား ငြီးငွေ့တဲ့ အခြေအနေ အပြင်းထန်ဆုံး ဖြစ်လာတယ် ။ ဘာဝနာ အလေ့ အလာ အားလုံးဟာ အဲ့ဒီ ငြီးငွေ့မှု ဆီကိုသာ ညွှန်းဆိုတယ်။ တရားစခန်း တစ်ခုမှာ ခင်ဗျား နေ့တိုင်း မနက်စောစော အချိန်မှန် ထရမယ်။ နေ့တိုင်း နေ့တိုင်း အဲ့အတိုင်း ဖြစ်နေ မယ်။ နွေ ဖြစ်စေ၊ ဆောင်းဖြစ်စေ ခင်ဗျားနိစ္စ ဓူဝ အလုပ်ဟာ ပုံမှန် ပဲ။ မနက် သုံးနာရီ ဆို သုံး နာရီ၊ လေးနာရီ ဆို လေးနာရီ၊ ရေချိုးမယ်၊ လဘက်ရည် ကော်ဖီ မနက်စာ စားမယ်။ ကမ္မဋ္ဌာန်း ပြုချိန် အခန်းဝင်မယ်။ ဒီပုံစံ အတိုင်း ထပ်ကာ တလဲလဲ သွားမယ်။ ခင်ဗျားရဲ့ တစ်နေ့တာ အချိန်ကလည်း ပုံမှန် အချိန်မှန် သွားနေမယ်။ သတ်မှတ်ထားတဲ့ အချိန်မှာ မနက်စာ နေ့လည်စာ စသဖြင့်။ ပြီးရင် ခင်ဗျား ကမ္မဋ္ဌာန်း အလုပ် ပြန်လာလုပ်မယ်။ ဒါတွေ အကုန်လုံးဟာ ငြီးငွေ့မှု ဆီကို ထောက်ပံ့ပေးဖို့ပဲ။

သတ်မှတ် ထားတဲ့ ဆင်တူ ဝတ်စုံ ( ယောဂီ ဝတ်စုံ ) တောင် ဝတ်ရနိုင်သေးတယ်။ အဲ့ ပုံစံမျိုး နဲ့ နေ့တိုင်း နေ့တိုင်း တွေ့နေရမယ်။ ခင်ဗျားကို ကမ္မဋ္ဌာန်း ဆရာက ဘာဝနာ ကျင့်ဖွယ် ဒီတရားတွေ ချည်း ဟောနေမယ်။ ဥပမာ ဇင်မှာ ဆိုရင် - ခင်ဗျားကို ပြောမယ် - “လက်တစ်ဘက်တည်း တီးတဲ့ လက်ခုပ်သံ ခင်ဗျား ကြားရပြီလား” သူ အဲ့လို နေ့တိုင်း နေ့တိုင်း ခင်ဗျားကို မေးနေမယ်။ ခင်ဗျားလည်း စဉ်းစား မယ်။ တွေးကြည့်မယ်။ ထိုင်ကြည့်နေမယ်။ အတွေးချည်းသာ ထိုင်တွေးနေရင် - ခင်ဗျား တရား စခန်း က ထွက်မလာခင် ရူးသွားမှာပဲ။ လက်တစ်ဘက်တည်းနဲ့ လက်ခုပ် ဘယ်လို တီးမလဲ။ စဉ်းစားပြီး ဘယ်သူ မှ အဖြေရမှာ မဟုတ်ဘူးရယ်။ ဒါပေမယ့် ဆရာ ဘုန်းတော်ကြီးက ခင်ဗျားကို “ဆက်ထိုင်နေပါ၊ ဘာဝနာ ဆက်လုပ်နေ ပါ” ဒါပဲ ပြောလိမ့်မယ်။

ဒါတွေ အကုန်လုံးဟာ ခင်ဗျား ငြီးငွေ့မှုကို အဆုံးစွန်ဆုံး အထိ ဖြစ်ပေါ်စေဖို့ ပံ့ပိုးပေးနေ မှာ ဖြစ် ပါတယ်။ ဖြစ်နိုင် သမျှ မြန်မြန်၊ ခင်ဗျား ငြီးငွေ့သွားစေရဖို့သာ ကူညီပေးတယ်။ မန္တရ ဂါထာ ရွတ်နေတာ ပဲ ဖြစ်ဖြစ်၊ အလုပ်တစ်ခုတည်း အပေါ် ထပ်ကာ တလဲလဲ လုပ်နေရဖို့ပဲ ဖြစ်ဖြစ် - ခင်ဗျား ငြီးငွေ့ပြီး အိပ်ချင်လာမယ်။ ရက် နည်းနည်း ကြာလာတဲ့အခါ ခင်ဗျား လုံးဝ ငြီးငွေ့လာမယ်။ ထွက်ပြေးချင်စိတ် မရှိတဲ့ ငြီးငွေ့မှု မျိုး ဖြစ်ဖို့ လိုတယ်။ ခင်ဗျား အာရုံကို မလွှဲနိုင်ဘူး။ ရုပ်ရှင် တီဗီ မကြည့်ဘူး။ သီချင်း ဂီတ နားထောင်နေ တာ မဟုတ်ဘူး။ အာရုံပျော်ရာ မထွက်သွားဘူး။ ခင်ဗျား ရဲ့ ငြီးငွေ့မှု သက်သက်ကို ရင်ဆိုင်ပစ်တယ်။ အဲ့ဒီ ငြီးငွေ့မှု ထဲ ထပ်ကာတလဲလဲ ရှုမြင်နေမယ်။

အဲ့အတွက် သတ္တိ ကောင်းကောင်း ရှိဖို့တော့ လိုအပ်ပါတယ်။ ဘာလို့ဆို ငြီးငွေ့မှုရဲ့ အဆုံး စွန်ဆုံး အခြေအနေ ဟာ သေခြင်း တရားလို့ပဲ။ သေခြင်း တရားထက် တောင် ခက်ခဲကောင်း ခက်ခဲနေနိုင်သေး တယ်။ အကြောင်းက သေခြင်း တရားဟာ ခင်ဗျား မသိဘဲလဲ ဖြစ်ပေါ်နိုင်တယ်။ ငြီးငွေ့မှုကိုတော့ ခင်ဗျား ကောင်းကောင်း ရှုမြင်ထား နိုင် နေတယ်။ ဘာဝနာ ပြုကျင့်ကြပုံ နည်းနာ အားလုံးရဲ့ အနှစ်သာရ ဟာ ဒီအပေါ်မှာ တည်ရှိပါတယ်။ ခင်ဗျား ရဲ့ ငြီးငွေ့နေမှုကို ဆက်ကာ ဆက်ကာ စောင့်ကြည့်နေရင်း - ဒီ ငြီးငွေ့မှု သန္တာန်ဟာ ခင်ဗျား အဇ္ဈတ္တမှာ ကြီးထွား သထက် ကြီးထွားလာတယ်။ နောက်ဆုံး ခင်ဗျား စောင့်ကြည့်မှု ကိုယ် ၌က ငြီးငွေ့မှု စင်စစ် ဖြစ်သွားတဲ့ အထိ ။

အဲ့ဒီ အခါမှာ ပြောင်းလဲမှုလို့ပဲ ခေါ်ခေါ် ၊ အသွင်ပြောင်းမှု၊ ဥာဏ်လင်းပွင့်မှု၊ ဆာတိုရီ စသဖြင့် ခင်ဗျား စိတ်ကြိုက်ခေါ် ဆိုနိုင် တဲ့ အနေအထား တစ်ခု ဖြစ်ပေါ် တယ်။ ခဏတာလေး ၊ လက်ဖျောက်တစ်ချက် မရှိတဲ့ အခိုက် အတန့် ကလေးပဲ ဖြစ်ပါတယ်။ အဲ့ဒီ အချိန်မှာ ငြီးငွေ့မှုကနေ ဘယ်ကိုမှ ထွက်ပြေးလို့ မရမှန်း ခင်ဗျား ကောင်းကောင်း သိသွားတယ်။ တွေးခေါ်ပြီး၊ စဉ်းစားပြီး သိတဲ့ အသိမဟုတ်ဘဲ - စင်စစ် မျက်ဝါး ထင်ထင် မြင်လို့ သိတဲ့ အသိ ဖြစ်သွားပါတယ်။ အဲ့ဒီ အသိ ရှိချိန်မှာ ငြီးငွေ့မှုက ခင်ဗျား လွတ်ထွက် သွားတယ်။ ငြီးငွေ့မှုကို ထွင်းဖောက်ပြီး - ခင်ဗျားရဲ့ သုညတ ထဲ နစ်မြုပ်သွားပါတယ်။

အဲ့ဒီ အခါမှာ ငြီးငွေ့မှု မရှိဘူး ။ ဘဝရဲ့ အဆုံးစွန်ဆုံး အနှစ်သာရ မဲ့မှုပဲ ရှိတယ်။ ခင်ဗျား ကိုယ်တိုင် လည်း ပျောက်ဆုံး သွားပါတယ်။ ဘယ်သူကရော ငြီးငွေ့နေရ ဦးမလဲ။ ငြီးငွေ့နေသူရော၊ ငြီးငွေ့နေတဲ့ စိတ်ရော အငွေ့ ပျံ ပျောက်ကွယ် သွားသလိုပဲ။

ဒါ့ကြောင့် ခင်ဗျား မေးတဲ့ ငြီးငွေ့တယ် ဆိုတာ ဘာလဲ ဆိုတာကို ဖြေရင် -

ငြီးငွေ့ခြင်း ဟာ မြင့်မြတ်တဲ့ စိတ်ပိုင်းဆိုင်ရာ ဖြစ်စဉ် တစ်ခုပါ။ - ဒါ့ကြောင့် - ကျွဲတွေ နွားတွေ မှာ ငြီးငွေ့မှု မရှိဘူး။ သူတို့ မှာ သူတို့နဲ့ တန်သလောက် ပျော်နေ နိုင်တယ် ။ ဆာလောင်နိုင်တယ်။ တစ်စုံတစ်ခု ကို တောင့်တ နေနိုင်တယ်။ သူတို့ရဲ့ ဒုက္ခကို ခါးစည်း ခံစား နေရနိုင်တယ်။ ဒါပေမယ့် ငြီးငွေ့ မနေဘူး။ လူတွေ မှာတော့ အသိဥာဏ် ရှိတဲ့သူ၊ မိမိ အဖြစ်ကို မိမိ ပြန်ရှုမြင်လေ့ ရှိတဲ့သူ၊ မိမိကိုယ် ကိုယ် စောင့်ကြည့်နေနိုင်သူ၊ ဆင်ခြင် နေနိုင်သူသာ ငြီးငွေ့လေ့ ရှိပါတယ်။ မိုက်မဲတဲ့လူတွေ ဆိုရင်တော့ မငြီးငွေ့ဘူး။ ဆိုလိုတာက သူတို့ ငြီးငွေ့တော့မယ် ဆိုရင် အလွယ်တကူ ပြောင်းလဲ ပစ်လိုက်တယ်။ သူတို့ အလုပ်တွေ လုပ်မယ်။ ပိုက်ဆံ ရှာမယ်။ ဘဏ်အကောင့်တွေ တိုးမယ်။ ကလေးတွေ မွေးမယ်။ စားမယ် သောက်မယ်။ ရုပ်ရှင်၊ တီဗီ ၊ ဂီတ အပန်းဖြေမယ်၊ ဟိုစပ်စပ် ဒီစပ်စပ် လုပ်မယ်။ သူတို့ ပျော်နေနိုင်တယ်။ ငြီးငွေ့မှု မရှိအောင် အာရုံတွေ အလွှဲအပြောင်း လုပ်နေနိုင် တယ်။ ပြောချင်တာ ကတော့ အဲ့ဒီ ကျွဲတွေ နွားတွေနဲ့ မခြားနား လှဘူးရယ်။

လူဟာ - ငြီးငွေ့မှု ကို သတိရှိလာပြီိ ဆိုတဲ့အခါမှ လူသား စင်စစ် ပီသလာပါတယ် ။ ခင်ဗျား သတိထား မိနိုင် မလား မသိ - အသိဥာဏ် ဆင်ခြင်ဥာဏ် ထက်မြက် တဲ့ ကလေးငယ် တော်တော်များများဟာ ပျင်းရိ ငြီးငွေ့ လွယ်ကြတယ်။ သူတို့မှာ တစ်ခုတည်း နဲ့ တော်တော်ကြာကြာ ပျော်မွေ့မနေဘူး။ မကြာခဏ ဆိုသလို မေးခွန်းတွေ မေးတတ်မယ် ဒါမှမဟုတ် တည်ငြိမ် သွားတတ်မယ်။ - ခင်ဗျား သူ့ကို အရုပ် တစ်ခု ပေးလိုက်ရင် - “ဒါဘာလဲ၊ ဒါပြီးရင် ဘာလဲ။ ဒါပဲလား” သူ တွေးနိုင်သမျှ တွေးမယ် ။ ပြီးရင် ခင်ဗျား ပေးတဲ့ အရုပ်လည်း သူ့အတွက် ပျင်းစရာ ဖြစ်သွားတယ်။

ဗုဒ္ဓ။ သူ့အသက် ၂၉ နှစ်ဟာ ငယ်ရွယ်တုန်း ၊ အရွယ်ကောင်းပါ။ ဒါပေမယ့် သူ့တိုင်းပြည်ကို စွန့်ခွာ ခဲ့တယ်။ သူ့ ဘေးက အခြွေအရံ မိန်းမတွေကို ငြီးငွေ့တယ်။ ဝိုင်အဖျော် ယမကာတွေ ငြီးငွေ့တယ်။ စည်းစိမ် ချမ်းသာ တိုင်းပြည် အပေါ် ငြီးငွေ့တယ်။ သူ့အတွက် အရာရာတိုင်း ငြီးငွေ့ စရာတွေ ချည်း ဖြစ်ခဲ့တယ်။ အကြောင်းက သူကြုံဆုံခဲ့တဲ့ အာရုံတိုင်းကို သူစစ်ဆေးနေလို့ပဲ။ ထပ်ခါတလဲလဲ ဆန်းစစ် ရင်း သူ ငြီးငွေ့သွားတယ်။ သူ စွန့်ခွာလာခဲ့တယ်။ ဒီနေရာ တစ်ခု သတိထားဖို့ လိုပါတယ်။ - ဗုဒ္ဓ လောင်းလျာ စွန့်ခွာ လာခဲ့တာ ဟာ ကမ္ဘာလောက တစ်ခုလုံး မှားယွင်းနေလို့ မဟုတ်ဘူး။ အစဉ်အလာ ကျမ်းစာတွေ မှာ ကမ္ဘာလောက က ဆိုးရွားနေတဲ့ အတွက်၊ မကောင်းမှုတွေချည်း ပြည့်လျှမ်းနေတဲ့ အတွက် စွန့်ခွာ လာ ခဲ့ရ သလိုလို ပြောဆိုလေ့ ရှိကြတယ်။ အဲ့ဒီ စကားက အဓိပ္ပာယ် မဲ့လွန်းပါသေးတယ်။ စင်စစ် က ငြီးငွေ့မှု ကြောင့်သာ စွန့်ခွာ ထွက်လာခဲ့တာ ဖြစ်ပါတယ်။

အဲ့ဒီ ငြီးငွေ့မှုဟာ ဆိုးခြင်း ၊ ကောင်းခြင်းနဲ့ မဆိုင်ဘူး။ ခင်ဗျားလည်း ခင်ဗျား သန္တာန် အပေါ် ဆင်ခြင် ကြည့်နိုင် ရင် ငြီးငွေ့စိတ် ဖြစ်လာမှာပဲ။ ခင်ဗျားက မိုက်မဲမယ့်သူ ဆိုရင်တော့ ငြီးငွေ့စရာ မရှိဘူး။ ငြီးငွေ့ဖို့ နည်းနည်း ရှိလာရင် ပျော်ရာ အာရုံကို လွှဲယူလိုက်မှာပဲ။ တစ်ခုပြီး တစ်ခု လိုက်လုပ် ပစ်မှာပဲ။ ဒီ အာရုံပြီး ဟို အာရုံ ခုန်ကူးသွားမှာပဲ။ ထပ်ကာ တလဲလဲ ဖြစ်နေတဲ့ အရာတွေ အပေါ် ခင်ဗျားစောင့်ကြည့်နေနိုင်မှာ မဟုတ် ဘူး။ မနေ့က အရာတစ်ခု လုပ်လို့ ပျော်ရင် - ဒီနေ့ အဲ့အရာကို ထပ်လုပ်မယ်။ လုပ်မရရင် အခြား တစ်ခု လုပ်မယ်။ ခင်ဗျား သန္တာန်မှာ ငြီးငွေ့တဲ့စိတ်ကို အဖြစ်မခံတာ ခင်ဗျား ကိုယ်တိုင်ပဲ ဖြစ်လိမ့်မယ်။

ဒါပေမယ့် အသိဥာဏ် ၊ ဆင်ခြင်ဥာဏ် ကြီးမားလာတဲ့အခါ ငြီးငွေ့မှုကို ရှောင်လွှဲရ ခက်လာပါတယ်။ ဗုဒ္ဓဟာ ငြီးငွေ့မှုကြောင့် လူ့ဘောင်လောက ကို စွန့်ခဲ့ပြီး တောအရပ်မှာ ဘာလုပ်တာတဲ့ လဲ။ ခြောက်နှစ် လုံးလုံး တောအုပ် အတွင်းမှာ ဘာလုပ်နေမယ် ထင်ပါသလဲ။ နှစ်စဉ် နှစ်တိုင်း ၊ နေ့စဉ် နေ့တိုင်း သူ့ရဲ့ ဘာဝနာ ဟာ အဆုံးစွန်ဆုံး ငြီးငွေ့မှု ဆီသာ ဦးတည်သွားတယ်။ သူ့ရဲ့ ငြီးငွေ့မှုကို တကယ် စင်စစ် ဖြေဖျောက် နိုင် မယ့် နည်းလမ်း ကို ရှာဖွေ နေတာပဲ ဖြစ်ပါတယ်။ ဒီလိုနဲ့ တစ်နေ့ အဆုံးစွန် ဆုံး ငြီးငွေ့မှု နဲ့ ဖြေဖျောက် နိုင်ခဲ့တယ်။ အဲ့ဒီ ညဟာ ဗုဒ္ဓ အရှင် စင်စစ် ဖြစ်တော်မူတဲ့ ညအခါ ပဲ ဖြစ်ပါတယ်။ ငြီးငွေ့မှု ထာဝရ ပျောက်ကွယ် သွားတော့တယ်။

ဒါဆို ကျနော်တို့ ခင်ဗျားတို့ရော။ အဆုံးစွန်ဆုံး ငြီးငွေ့မှုကို ဖောက်ထွင်း ရင်ဆိုင် နိုင်ပြီးမှသာ - ငြီးငွေ့မှု ကနေ ခင်ဗျား ထာဝရ ထွက်ခွာ လာ နိုင်ပါတယ်။ ခင်ဗျား အခု အာရုံတွေနဲ့ ပျော်နေရင် - အဲ့ဒီ အပျော်ဟာ ခင်ဗျား စင်စစ်ကို ရှာမတွေ့နိုင်သေးတဲ့ အပျော်မျိုးပဲ။ လူတွေမှာ တစ်ကြောင်း မဟုတ် တစ်ကြောင်း နဲ့ ပျော်နိုင်တယ်။ - ဒါ့ကြောင့်မို့လဲ - တစ်ကြောင်း မဟုတ် တစ်ကြောင်းနဲ့ စိတ်ဒုက္ခ ရောက်နေကြရတယ်။ - ခင်ဗျား ဒီနေ့ တစ်ယောက်ကို ချစ်လို့ ငြီးငွေ့ရင် နောက်နေ့ တစ်ယောက်ကို ပြောင်းချစ်မယ်။ ဒီနေ့ ဒါလုပ်လို့ ငြီးငွေ့ရင် နောက်နေ့ အခြားဟာ တစ်ခု လုပ်မယ်။ ကားဟောင်း စီးရင်း ငြီးငွေ့လာရင် အခြား ကားသစ် ကို တမ်းတမယ်။ ခင်ဗျား ရဲ့ ငြီးငွေ့လာမယ့် ဖြစ်စဉ်ကို ပြောင်းလဲမှုတွေနဲ့ ဖြေဖျောက်ပါတယ်။ တစ်ဘဝလုံး အဲ့ဒီ အပြောင်းအလဲကို မျှော်ကိုး ပြီး ငြီးငွေ့မှုကို ဖြေဖျောက်ရေး နဲ့ အချိန်ကုန်တယ်။

ဆင်ခြင်ဥာဏ် ရှိသူကတော့ အပြောင်းအလဲတွေ နောက် မလိုက်တော့ဘူး ရယ်။ သူ့ရဲ့ ငြီးငွေ့မှုကို သူ ကိုယ်တိုင် တည့်တည့် ရင်ဆိုင် ပါတယ်။ ခင်ဗျား ငြီးငွေ့ တဲ့ သန္တာန် အပေါ် အာရုံ စိုက်လေလေ၊ ခင်ဗျားရဲ့ ရှုမြင်မှု ဥာဏ် ရင့်သန် လာလေလေပဲ။ နောက်ဆုံး - ခင်ဗျား သန္တာန် တစ်ခုလုံး မှာ ငြီးငွေ့မှုချည်း သက်သက် သာ ကျန်ရစ် ခဲ့တယ်။ အခြားနည်းနဲ့ ရှောင်လွှဲ ထွက်ပြေးလို့ မရပါဘူး။ အဲ့ဒီ ရင်ဆိုင်လိုက်ခြင်း သက်သက် ဟာ ဘာဝနာပဲ ဖြစ်ပါတယ်။ သူ့ရဲ့ အဆုံးစွန်မှာ ဥာဏ်အလင်း ရရှိမှု ဆီကိုသာ ဦးတည်သွားတော့တယ်။ အဲ့အခါ မှသာ ခင်ဗျား သန္တာန်မှာ ငြီးငွေ့မှု လုံးဝ ပျောက်ဆုံး သွားတယ်။

ဒါ့ကြောင့် နိဂုံးစကားအနေနဲ့ -

လူသာလျှင် ငြီးငွေ့နိုင်ပြီး၊ လူသာလျှင် ဥာဏ်အလင်း ရနိုင်တာ ဖြစ်ပါတယ်။။

..................
Ref: Osho: Only Man is capable of Boredom
..................
http://zayya.blog.com/
http://zayya.wordpress.com/
http://zayyablogger.blogspot.com/
..................

စကားလုံး တို့ အလွန်၌ -

2011-12-20T22:40:00.001+06:30

ဘာဝနာ အမှု ပြုလာတဲ့ အခါ -

စကားလုံး၊ ဝေါဟာရ နဲ့ အတွေးစဉ် စိတ်ကူး ပုံရိပ် တွေဟာ အတားအဆီး ဖြစ်ပါတယ်။ အကြောင်းက - ကျနော်တို့ဟာ ကိစ္စရပ်တိုင်း ၊ အကြောင်းအရာ တိုင်းကို စကားလုံးတွေနဲ့ ဖလှယ်သုံးစွဲ ကြလို့ပဲ ။ ဆိုလိုတာက - တကယ့် ဖြစ်တည်မှု သက်သက်ကို စကားလုံး တွေ အဖြစ် ပုံပြောင်း ယူကြတယ်။ အဲ့လိုနဲ့ ကျနော်တို့ သန္တာန်မှာ စကားလုံးနဲ့ တကယ့် ဖြစ်တည်မှု တစ်ထပ်တည်း လို ထင်မြင် လာတယ်။

အဲ့ဒါဟာ ဘာဝနာ ထုံမွှမ်းလာမှု အတွက် အတားအဆီး တစ်ရပ်ပဲ ဖြစ်ပါတယ် ။ ဒါ့ကြောင့် ဘာဝနာ အပြည့်အဝ ရရှိနိုင်ဖို့ ပထမဦးဆုံး လိုအပ်ချက်ဟာ အဲ့ အတား အဆီးကို ဖယ်ရှားနိုင်မှု အပေါ် မူတည်တယ်။ ခင်ဗျား သန္တာန်မှာ စကားလုံး နဲ့ ဖွဲ့စည်း စိတ်ကူးတတ်သမျှ သတိရှိ နေရလိမ့်မယ်။

ကျနော်တို့ ခင်ဗျား တို့ စိတ်ဟာ တစ်ခုမဟုတ်ရင် တစ်ခုကို အမြဲ တွေးနေတယ်။ အတွေးရှိရင် စကားလုံးရှိပါတယ်။ ဒါ့ကြောင့် ကျနော်တို့ စိတ်ဟာ အမြဲတမ်း စကားပြော နေတတ်တယ် လို့ ပြောလို့ ရတယ်။ Chattering Mind အမြဲတမ်း ပလုံစီ အတွေးတွေ ဗရပွနဲ့ သန္တာန် ဖြစ်စဉ် သက်သက်။

တကယ့် လက်တွေ့ ကျနော်တို့ ဖြစ်တည်ချက် သက်သက် မှာတော့ အဲ့လို မဟုတ်ဘူးရယ်။ အရာဝတ္ထု တစ်ခုကို မြင်တယ် ဆိုရင် မြင်ရုံမျှ သိမှု သက်သက်ပဲ။ အဲ့ဒီ မှာ စကားလုံး တွေ မပါဘူး။ ခင်ဗျားက ဘာဝနာ ပြုသူ ဆိုပါစို့ ။ ဒါဆို ခင်ဗျား ဟာ အဲ့ဒီ မြင်ရုံမျှ ကို စကားလုံး တွေနဲ့ ပုံပြောင်းမိတဲ့ အခါ အဲ့ဒီ ပြောင်းမိတဲ့ ဖြစ်စဉ် အပေါ် သတိ ရှိဖို့ လိုပါတယ်။

အရာရာဟာ ဖြစ်တည် ရုံမျှ ဖြစ်တည်နေတယ် ။ တကယ်တမ်း ဘာသာစကား ဆိုတာ ရှိမနေဘူး လို့ ကျနော် အတိအကျ ဆိုချင်ပါတယ်။ ဖြစ်တည်ချက် သက်သက် အတွက် ဘာသာစကား က လိုအပ် မနေဘူး။ ခင်ဗျား အသက်ရှင်တယ် - ကျနော် အသက်ရှင်တယ်။ ဒီကြားမှာ ဝေါဟာရ မလိုအပ်ဘူး။ ( မလိုအပ်ဘူး ဆိုတာထက် - "ရှိကို ရှိမနေဘူး" ) ဆိုလိုတာက ဖြစ်စဉ် တစ်ခု ဟာ စကားလုံး မပါဘဲလည်း ဖြစ်တည် နေကြပါတယ်။ဥပမာ- နှင်းဆီပန်း တစ်ပွင့် ဟာ ရှူရှိုက်သူ ၊ တန်ဖိုးထားသူ မရှိလည်း ပွင့်တယ်။ နှင်းဆီလို့ အမည် မတပ်လည်း သူ့ဖြစ်တည်ချက်နဲ့ သူ ပွင့်နေမှာပဲ။ စီးဆင်း သွားနေတဲ့ စမ်းရေ အလျဉ် အတွက် သူ ဆက်လက် စီးဆင်းဖို့ ဝေါဟာရ အတွေးပုံရိပ် မလိုအပ်ဘူး။ သူ့ ဖြစ်တည်ချက်ဟာ သဘာဝ အတိုင်း တည်ရှိတယ်။

ဘာဝနာ ရှိနေတဲ့ အခိုက် ဟာ အဲ့ဒီလို ဖြစ်တည်ချက် က ဖြစ်တည်ချက် သက်သက်မှာပဲ ရှိနေတဲ့ အခိုက်အတန့် ကလေး ဖြစ်ပါတယ်။

ဒါဟာ မဖြစ်နိုင်ဘူး လို့ ခင်ဗျား ပြောမလား။ တကယ်တမ်းက သဘာဝ ကျကျ ကိစ္စတစ်ရပ် ပဲ မဟုတ်လား ။ အဲ့လို သဘာဝ သက်သက် ဖြစ်ကြောင်း ကို ကျနော် တို့ သတိ မထား မိခဲ့ကြပါဘူး။ ကျနော် တို့ အတွေ့အကြုံ နဲ့ စကားလုံး အကြား ပုံဖော် ပြောင်းလဲတဲ့ ဖြစ်စဉ် ရှိနေတယ်။ ဒါကို ကျနော် တို့ မမြင်ခဲ့ကြဘူး။ မနက် အရုဏ်တက် နေထွက် လာချိန်မှာ ကောင်းကင် ကို မော့ကြည့်ပြီး ကြည်နူး နိုင်တယ်။ ကဗျာ စပ်ဆိုဖို့ ပြင်ဆင်နိုင်တယ်။ ကြည်နူးမှု မှာတင် မသိရှိထားဘူး။ မရပ်သွားဘူး - စကားလုံး အဖြစ် ဖွဲ့သီ စိတ်ကူးတယ်။

တစ်ခါ - တစ်စုံတစ်ယောက် ကို ချစ်မိရင် ချစ်ကြောင်း ဖွဲ့သီ စိတ်ကူး ယဉ် ကြပြန် တယ်။ ဖြစ်ရပ်တစ်ခု ကြုံဆုံရင် ကြုံဆုံတဲ့ အတိုင်း သိမြင်မှု ကနေ - ဆက်လက် စိတ်ကူး ဖန်တီးတယ်။ စကားလုံး ဖွဲ့စပ် ရှင်းပြဖို့ ကြိုးစားတယ်။ အခြား အခြား စိတ်ကူးတွေနဲ့ ပေါင်းစပ် ဖွဲ့စည်း စဉ်းစား တယ်။ အဲ့ဒီလို ဖြစ်တည်ချက် နဲ့ စကားလုံး အကြား ကွာဟချက် ရှိကြောင်း ကျနော် တို့ သတိ မမူတဲ့ အခါ ဖြစ်တည်ချက်နဲ့ စကားလုံး အကြား ကွာဟချက် မရှိဘူးလို့ အထင်ရောက်သွား စေပါတယ်။

တကယ် စင်စစ် - ချစ်ခြင်း သက်သက်ဟာ စကားလုံး မဟုတ်ဘူး။ နေရောင် ဖြာကျ နေတာကလည်း စကားလုံး မဟုတ်ဘူး။ အတွေးမဟုတ်ဘူး။ သူ့ဖြစ်တည်ချက် နဲ့ သူတည်ရှိတယ်။ ဒါတင်မက- အဲ့ဒီ သိရှိတဲ့ အခိုက်အတန့် လေး သက်သက်မှာသာ တည်ရှိတယ်။ နို့ ပေမယ့် ကျနော်တို့ စိတ်သန္တာန်က အဲ့အတိုင်း မနေဘူး။ စကား ရှာကြံတယ်၊ ပုံရိပ်တွဲစပ် ပြောင်းယူ တယ်။ ဒီလိုနဲ့ ဘာသာ စကား ဝေါဟာရတွေ ဟာ ခင်ဗျား အတွေ့အကြုံ ၊ ဖြစ်တည်ချက် သက်သက် နဲ့ ခင်ဗျား ကြားကို ဝင်ရောက် နေရာယူလာပါတယ်။

ဘာဝနာဟာ အဲ့လို စကားလုံး တွေ မပါတဲ့ နေထိုင်မှု ဖြစ်ပါတယ်။ ဘာသာစကားမဲ့တဲ့ သိမှု သက်သက် နဲ့ နေထိုင်မှုပဲ။ ဒါ့ကြောင့် - အရင်ပို့စ်တွေမှာလည်း ကျနော် ပြောခဲ့တယ် - ဘာဝနာဟာ နည်းနာ မဟုတ်ဘူး၊ နည်းစနစ် မဟုတ်ဘူး၊ ကျင့်ကြံရတဲ့ ကျင့်စဉ် တစ်ခု မဟုတ်ဘူး၊ မိမိ ဖြစ်စဉ်ကို မိမိ အပြည့်အဝ နေထိုင်ခြင်း ကိုသာ ဆိုလိုပါတယ်။ ဒါ့ကြောင့် တစ်ခါတစ်လေ မှာ ဘာဝနာဟာ အလိုလို ဖြစ်တည်တယ်။ ခင်ဗျား ချစ်မိတယ် ဆိုပါစို့၊ လက်ရှိမှာ ချစ်တဲ့စိတ် ခံစား ရမယ်။ အဲ့ဒီ ချစ်ခြင်း သက်သက်ဟာ အတွေး မဟုတ်ဘူး။ စိတ်ကူး မဟုတ်ဘူး။ ဆိုလိုတာက ပုံရိပ် မဟုတ်ဘူး။ ခံစားရတဲ့- ဖြစ်တည်လာတဲ့ သန္တာန် သက်သက်။ အဲ့ဒီ ချစ်ခြင်း ရှိလာပြီး နောက်မှ ချစ်တဲ့သူ အပေါ် ပုံရိပ် အမျိုးမျိုး တွန်းထိုး ပုံဖော်မယ်၊ ပုံရိပ် အမျိုးမျိုး တွဲစပ် တမ်းတမယ်။ ဒါပေမယ့် ချစ်ခြင်း သက်သက် နဲ့ အဲ့ဒီ ပုံရိပ်တွေ ဟာ ထပ်တူ မဟုတ်ဘူးရယ် ။ ချစ်ခြင်းရဲ့ ဖြစ်တည်ချက်က သက်သက်၊ သူ့ နောက် အတွေးသန္တာန် အစဉ် က သက်သက်။ ဒီနောက်ဆက်တွဲ တွေက ပုံရိပ် (ဝါ) စကား ဝေါဟာရ အနေနဲ့ ခင်ဗျား သန္တာန်မှာ ဖြတ်သန်း သွားပါတယ်။ ဆက်လက်ပြီး ယုံကြည်စွဲလမ်းသွားမယ်။

တစ်ခါတစ်လေမှာ ခင်ဗျား တွေ့ကြုံ နိုင်တာ ရှိတယ်။ ခင်ဗျား သန္တာန်မှာ ချစ်မြတ်နိုးမှု သက်သက် ဖုံးလွှမ်းသွားတဲ့ အခါ စကားလုံးတွေ ဆွံ့အသွားတယ်။ ဒေါသကြီးလွန်း တဲ့ အခါ စကားတွေ ပျောက်ရှ ကုန်တယ်။ ဆိုလိုတာက ဖြစ်တည်ချက် သက်သက် ထင်ရှားလာတဲ့ အခါ စကားတွေ အဖြစ် ပုံပြောင်းခွင့် မရလိုက်တာမျိုး အလိုလို ဖြစ်တတ် ပါတယ်။ ဘာဝနာ ဆိုတာ အဲ့ဒီ ဖြစ်တည်ချက် သက်သက် အပေါ် သိရှိလက်ခံ နေထိုင်မှုပါ။

ပုံမှန် အနေအထားမှာ မကျေလည် စရာ ရှိနိုင်တာတွေက -

ဖြစ်တည်ချက် သက်သက်မှာ စကားလုံးတွေ မလိုအပ်ဘူး ။ဒါကြောင့် ဘာဝနာဟာ စကားလုံးမဲ့ သိမြင်နေထိုင်မှုပဲ ဖြစ်တယ် - လို့ ကျနော် ပြောခဲ့တယ်။

၁။ ဒါဟာ - ခင်ဗျား ကို ဘာသာစကား မရှိဘဲ ရှင်သန်နေရမယ် လို့ ပြောတာ မဟုတ်ပါဘူး။ စင်စစ်မှာ - ခင်ဗျား ဘာသာစကား ကို အသုံးပြု နေမှာပါ။ ဒါပေမယ့် အဲ့လို စကားလုံး ပုံရိပ် တွေ မရပ်မနား တရစပ် ထွက်ရှိနေတတ်တဲ့ ခင်ဗျားသန္တာန် ( Chattering Mind ) ကို ခင်ဗျား အလိုကျ တိုးချည်၊ ရပ်ချည် လုပ်နိုင် ရဲ့လား။ ခင်ဗျားရဲ့ နေထိုင်မှု ဟာ အဲ့အပေါ် နိုင်နင်းရဲ့လား။ ကျနော်တို့ ခင်ဗျားတို့ လူမှုရေး ဘောင် အတွင်း နေထိုင် နေကြသမျှ၊ ဘာသာစကား၊ ဝေါဟာရတွေ က အသုံးပြု နေရဆဲပဲ။ ဒါပေတဲ့ ခင်ဗျား တစ်ဦးတည်း တည်ရှိပြီ ဆိုတဲ့အခါ ၊ ခင်ဗျား တည်ရှိနေတဲ့ အတိုင်း ခင်ဗျား သန္တာန်ကို ရပ်တန့် သွားနိုင်ရဲ့လား။

ဘာဝနာ မရှိသူဟာ မရပ်တန့် နိုင်ဘူးရယ်။ တစ်ယောက်တည်း ရှိနေလဲ - ဆက်ပြီး ဆက်ပြီး တွေးတယ်။ ပုံဖော်တယ်။ ပြန် စဉ်းစား တယ်။ ဆိုလိုတာက ခင်ဗျား သန္တာန်မှာ Chattering Mind - စကား ပေါက်ပေါက် ဖောက်နေတဲ့ စိတ်သန္တာန် အစဉ်သာ- ကြီးစိုး နေတယ်။ ခင်ဗျား ကိုယ် ခင်ဗျား အတွက် - ခင်ဗျား ရဲ့ အရှင်သခင် ဟာ ခင်ဗျား ဖြစ်မနေဘူး။ အဲ့ဒီ စိတ်အစဉ် ပုံရိပ်တွေ ချည်း ဖြစ်နေတယ်။ ခင်ဗျားက စိတ်ကို မနိုင်ဘူး။ စိတ်ကသာ ခင်ဗျားကို နိုင်နေတယ်။

ဒါ့ကြောင့် စိတ်ကူး၊ အကြံ၊ အတွေး၊ ဝေါဟာရတွေချည်း ကြီးစိုးနေချိန်မှာ ဘာဝနာ ဖြစ်မနေပါဘူး။ အပြန်အလှန် ပြောရင် - ဘာဝနာ ဖြစ်တည်နေချိန် မှာ အတွေးတွေ၊ စကားလုံးတွေက ကြီးစိုး မနေနိုင်တော့ ဘူး။ ခင်ဗျား သန္တာန် ဟာ သိစိတ် သက်သက် နဲ့သာ ရှင်သန် နေတော့ တယ်။ ဖြစ်တည် လာသမျှ ကို သိမှု သက်သက်နဲ့ ကြည်လင်နေတယ်။

ဒါ့ကြောင့် - “စိတ်သန္တာန်ကို နိုင်နင်း ဖြစ်တည်မှု ဟာ ဘာဝနာ” ဖြစ်တယ် လို့ ထပ် အဓိပ္ပာယ် ဖွင့်ဆို နိုင် ပါတယ် ။ ခင်ဗျား အတွက် စိတ်ကူး စိတ်သန်း၊ အတွေးအခေါ်၊ ဝေါဟာရ တွေဟာ အန္တိမ ဖြစ်တည်ချက် မဟုတ်တော့ ဘူး။ ခင်ဗျား ကို ဖုံးလွှမ်း မနေတော့ဘူး။ ခင်ဗျား ဟာ သူတို့ အလွန်မှာ သီးခြား ဖြစ်သွား တယ်။ သူတို့ရဲ့ အလွန် မှာ ဖြစ်တည်နေမှု သက်သက် အနေနဲ့ပဲ ရှိနေတယ်။ ဒါ့ကြောင့် သိရုံမျှ ( Just Consciousness ) သက်သက်မှာ ဘာသာ စကား ပျောက်ဆုံး နေတယ်။ ဖြစ်တည်ချက် သက်သက်မှာ ဘာသာစကား မဲ့နေရတယ်။ အဲ့ဒီ သိရုံမျှ သက်သက်ရယ် - ဖြစ်တည်ချက် သက်သက် ရယ် ပူးတွဲ ဖြစ်တည်တဲ့ အခါ ၊ အပြည့်အဝ တစ်ပေါင်းတည်း ဖြစ်သွားတဲ့ အခါ - ဘာဝနာ အပြည့်အဝ ဖြစ်ထွန်း ပါတယ်။

၂။ ဘာသာစကား၊ ဝေါဟာရ အတွေးစဉ်တွေကို ဖယ်ပစ်ရမယ် လို့ ကျနော် ပြောတာဟာ - ခင်ဗျားရဲ့ အတွေး ၊ အကြံ၊ စကားတွေ၊ ကြံစည် စိတ်ကူး နေတာတွေ ကို နှိပ်ကွပ်ပစ်ရမယ် ၊ ဖျောက်ပစ်ရမယ် လို့ ဆိုလို တာ မဟုတ်ဘူး ရယ်။ ခင်ဗျားရဲ့ နိစ္စဓူဝ နေ့စဉ် ရှင်သန် နေမှု ထဲမှာ - ဘာသာ စကား၊ ဝေါဟာရ တွေ၊ အတွေးစဉ် တွေနဲ့ သာ ရှင်သန် မနေရဘူး လို့ ရိုးရိုးရှင်းရှင်း ဆိုလို ထားတာ ဖြစ်ပါတယ်။ ဥပမာ - ခင်ဗျား လမ်းလျောက်တဲ့ အခါ - ခင်ဗျား ခြေထောက် တွေ လှုပ်ရှားပေး ရတယ်။ ဒါပေမယ့် ခင်ဗျား ထိုင်နေပြီ ဆိုတဲ့ အချိန် အထိ ခြေထောက် တွေ လှုပ်ရှားနေတုန်း ပဲလား။ အဲ့ဒါ ဆိုရင် - ခင်ဗျားကို ဘယ်လို ပြောကြမလဲ။ ရူးနေပြီလို့ ပြောကြတော့မယ်။ ခင်ဗျား ထိုင်နေပြီ ဆိုတဲ့ အချိန်မှာ - အဲ့ခြေထောက် တွေကို ရပ်ပစ်ဖို့ လိုအပ်ပါတယ်။ အလားတူ - ခင်ဗျား အလုပ်အကိုင်မှာ ၊ အိမ်မှာ ပြောဆို ဆက်ဆံ ရမယ်၊ အလုပ်ခွင်မှာ တွေးကြံရမယ်၊ လှုပ်ရှားပြောဆိုရမယ် - အဲ့အတွက် စကားလုံး ဝေါဟာရတွေ လိုအပ်တယ်၊ စိတ်ကူး စိတ်သန်း အကြံအတွေးတွေ လိုအပ်တယ်။ - ဒါပေတဲ့ - ခင်ဗျား ဘယ်သူနဲ့ မှ စကားမပြော ဖြစ်တဲ့ အခါမျိုး၊ အလုပ် ပြီးစီး သိမ်းဆည်းလို့ပဲ ဖြစ်ဖြစ် ၊ ခေတ္တနားနေခိုက်မှာ ဖြစ်ဖြစ် ခင်ဗျား တည်ရှိနေပြီ ဆိုရင် - စကားလုံး ဝေါဟာရ တွေ ဆက် ရှိမနေ သင့် တော့ဘူး မဟုတ်လား။

ဒါပေမယ့် ကျနော်တို့မှာ ဘာဝနာ မရှိတဲ့ အခါ - ဘယ်သူနဲ့မှ စကားပြော မနေရင်လည်း စိတ်သန္တာန် ထဲမှာတော့ ပုံရိပ်ထိုးပြီး စကား ပြောနေကြပါသေးတယ်။ စကားလုံးတွေ ၊ အတွေး စိတ်ကူးတွေ - ကျနော်တို့ သန္တာန်မှာ ဆက်ရှိ နေကြသေးတယ်။ ဒါ့ကြောင့် - ခင်ဗျားဘယ်သူနဲ့မှ ဆက်ဆံ မနေတဲ့ အချိန်အခါ မျိုးမှာ ခင်ဗျား သန္တာန် ထဲ မှာ ပုံရိပ်စိတ်ကူး မရှိ၊ စကားဝေါဟာရ မရှိဘဲ ဖြုတ်ချထား ၊ ဖယ်ထားနိုင်ရဲ့လား။

ဒါကို - ဖြုတ်ချထား၊ ဖယ်ထားနိုင်ပါပြီ ဆိုရင်တော့ - ခင်ဗျား ဘာဝနာ အမှု ကောင်းကောင်း ပြုနိုင်လာပြီ လို့ ဆိုရမှာ ဖြစ်ပါတယ်။

20.12.20112:45 PM

..............

Meditate on Meditation

..............

..............

Big Bang Religion

2011-12-19T05:48:00.001+06:30

ဘာသာရေး ( Religion ) နဲ့ သိပ္ပံ ( Science ) နဲ့ ယှဉ်လာရင် -

ပထမဦးဆုံး သိထားရမှာက အနောက်တိုင်းမှာ ဘာသာရေးသမား တွေဟာ သိပ္ပံကို ဖျက်ဆီးဖို့ လုံးပန်းခဲ့တာ ( မှတ်စုမှတ်ရာ သဘော ဆိုရင် ) လွန်ခဲ့တဲ့ နှစ် သုံးရာကျော် လောက် ကတည်းက ဖြစ်ပါတယ်။ ဒါပေမယ့် မဖျက်ဆီး နိုင်ခဲ့တာ အထင်အရှားပဲ။ အကြောင်းက တကယ့် အမှန်သဘော ကို ဖျက်ဆီးလို့ မရတဲ့ အကြောင်း ကြောင့်ပါ။

ဒါဆို သိပ္ပံက ဘာသာရေး ထက် ပိုမှန်နေတာလား လို့ မေးစရာ ရှိတယ်။ စင်စစ် သိပ္ပံဟာ ပြင်ပ ကမ္ဘာလောကဓာတ် နဲ့ သက်ဆိုင် လာရင် ဘာသာရေး တွေမှာ ဖော်ပြထားတာ ထက် အမှန်စင်စစ် ဘက်ကို ပိုမိုညွှန်းဆို လက်တွေ့ ဖော်ဆောင် ထား ပါတယ်။ ဆိုလိုတာက ဘာသာရေး ဟာ သိပ္ပံ လို ပြင်ပ ကမ္ဘာ လောကဓာတ် ကို ပြောဆို ထောက်ပြစရာ ဘာအကြောင်းမှ မရှိဘူး ရယ်။

သိပ္ပံဟာ ပြင်ပ အရာဝတ္ထု ( Object ) ကို ဦးတည်ထားပြီး စစ်ဆေးတယ်။ ဘာသာရေးက မိမိ အတွင်းသန္တာန်ကို သာ ဦးတည် ရှုမြင်တယ်။
သိပ္ပံက ခွဲခြမ်း စိတ်ဖြာတယ်။ ဘာသာရေးက တစ်စုတည်း ထဲ သိမြင် နားလည် စေတယ်။
သိပ္ပံက အများနားလည် ဖို့ လက်တွေ့ သက်သေ သာဓက ထောက်ပြတယ်။ ဘာသာရေးက မိမိ ကိုယ်ကိုယ် မိမိ သိမြင်မှုဆီသာ ညွှန်းဆို တယ်။
သိပ္ပံဟာ ရုပ်ပိုင်းဆိုင်ရာ အချက်အလက်တွေ တွေးခေါ်တယ်။ ဘာသာရေးဟာ ခင်ဗျား စိတ်ရဲ့ အေးချမ်းရာကို လမ်းညွှန်တယ်။
သိပ္ပံက နောက်ထပ် အချက်အလက်တွေ တင်ပြဖန်တီးမယ်။ ယုတ္တိဆင်ခြေ၊ သင်္ချာ ဖော်မြူလာတွေ အခိုင်အမာ တည်ဆောက် နိုင်မယ်။ ဘာသာရေး က
အတွေးစဉ်တွေ ဖယ်သတ်ပြီး ခင်ဗျား သန္တာန်ကို ရှင်းလင်း တည်ငြိမ်သွားစေတယ်။
သိပ္ပံဟာ Knowledge တွေကို ဦးတည် ရှာဖွေတယ်။ ဘာသာရေးက Knowing သိမှု သက်သက်ကို ချဉ်းကပ်တယ်။

ဒါကို – ကိုယ့်နေရာ ကိုယ် နားမလည်တဲ့ ဘာသာရေး သမား အုပ်စု တွေက – “ဘာသာရေးဟာ ရုပ်ကော နာမ်ရော အကုန်လုံး ခြုံငုံ မှန်ကန်တယ်၊ အဲ့အတွက် အားလုံး လက်ခံ ရမယ် လို့ တယူသန် မြင်ရင် မှားလိမ့်မယ်။ ( တစ်နည်း ) သိပ္ပံရဲ့ ရုပ်ပိုင်းအမြင် ကျယ်ပြန့်လာနိုင်မှု ကို ကြည့်ပြီး – မိမိတို့ ဘာသာရေး ထိခိုက်မှာကို စိုးရိမ် ကြောက်လန့် နေကြရင် မှားပါလိမ့်မယ်။

ဥပမာ – ခင်ဗျား နေမကောင်း ဖြစ်ရင် ဆရာဝန်ဆီ သွားမယ်။ ကဗျာသမား၊ စာသမား ဆီတော့ သွားမှာ မဟုတ်ဘူး။ ဘာလို့ဆို ကဗျာသမား ၊ စာသမားက ခင်ဗျား ရုပ်ခန္ဓာ ကျန်းမာရေးကို ကုစားပေးမှာ မဟုတ်ဘူး။ သူက ကြီးမြတ်တဲ့ ကဗျာ စာဆိုကြီး တစ်ယောက် ဖြစ်နေနိုင်တယ်။ ခင်ဗျား အတွက် စိတ်ကူး စိတ်သန်း၊ စိတ်ချမ်းသာမှု အဝဝ ပေးနိုင်ကောင်း ပေးနိုင်မယ်။ ဒါပေမယ့် ခင်ဗျား ရေချိုးခန်း ရေပိုက် ပျက်ရင် သူ့အကူအညီနဲ့ မဖြစ်ဘူး။ ရေပိုက်ပြင်တတ်တဲ့ ရေပိုက်ပြင် ဆရာ ကိုပဲ ခေါ်ရလိမ့်မယ်။ ခင်ဗျား ရေချိုးခန်းကို ပြင်ဖို့ အတွက် ရေပိုက်ပြင်ဆရာ ဟာ ကဗျာစာဆို ဖြစ်ဖို့ မလိုအပ်ဘူး။ ခင်ဗျား ရေချိုးခန်း အတွက် သူ့တာဝန်ပဲ အပြည့်အဝ ယူလိမ့်တယ်။ ဒီလိုပဲ- ခင်ဗျား အိမ်ဆောက်ဖို့ လိုရင် – အိုင်းစတိုင်းကို အကူအညီခေါ်လို့ မရနိုင်ဘူး။ အိုင်းစတိုင်း ဟာ ထိပ်သီး ရူပဗေဒ ပညာရှင် ဖြစ်နိုင်တယ်။ ဒါပေမယ့် ခင်ဗျား အိမ်ကို ရေချိန် ညီမညီ တိုင်းဖို့တောင် ဖို့ သူတတ်ချင်မှ တတ်မယ်။

ဒါကို အိုင်းစတိုင်း၊ စတီဗင်ဟောကင်းတို့က စကြာဝဠာအကြောင်း ရှင်းလင်းနိုင်ပြီး မြင်းမိုရ်တောင် မမြင်ရကောင်းလား မေးရင် ရူးလွန်း ပါတယ်။ ဆစ်ဂမန် ဖရွိုက် က စိတ်စေတသိတ် မခွဲတတ် ဘူးလား ငေါ့ပြောရင် ငေါ့ပြောတဲ့သူပဲ ပေါလွန်း သွားလိမ့်မယ်။ အလားတူ – အခု ခေတ်သိပ္ပံသမားတွေက ရတဲ့ အချက်အလက် ကို အခိုင်အမာပြုပြီး – ဟိုးနှစ်ပေါင်း နှစ်ထောင်ကျော်က ကျမ်းစာတွေမှာ မပါ ရကောင်းလား – လှောင်ဟား မယ် ဆိုရင် – ဟားတဲ့သူပဲ မှားလိမ့်မယ်။

ဘာသာရေးနဲ့ သိပ္ပံ နယ်မှာ ဒီအချက်တွေ အရှင်းကြီး မြင်သာနေပါတယ်။

ဒါပေတဲ့ – ဘာသာရေး အုပ်စုရော၊ သိပ္ပံ အုပ်စုမှာရော အများစုက ဒီလို ခွဲခြားပြီး ရှင်းရှင်းလင်းလင်း မမြင်ဘူး။ မမြင်ရခြင်း အကြောင်းက ဆိုင်ရာ ရပ်တည်ထားတဲ့ ရည်ရွယ်ချက်တွေ မမြင်ဘဲ – “အမှန်တရား၊ ကမ္ဘာလောက၊ ရုပ်၊ နာမ်၊ စကြာဝဠာ၊ ဘုရားသခင်” ဆိုတဲ့ ဝေါဟာရတွေ နဲ့ စကားလုံးနေရာမှာတင် ရပ်တန့်ထားလို့။ နောက်ပြီး ကိုယ့်ရပ်တည်ချက်ပေါ် ကိုယ်မသိဘဲ ၊ ရှုပ်ရှုပ်ထွေးထွေး ရောထွေး တွေးခေါ် ထားလို့၊ တယူသန် ယုံကြည် လက်ခံ ထားကြလို့ပဲ ဖြစ်ပါတယ်။

ဒါ့ကြောင့် ပြင်ပ လောကဓာတ်ကို မသိရ ကောင်းလား ဆိုတဲ့ တစ်ချက်ထည်းနဲ့ ဘာသာရေးကို ပစ်ပယ်မယ် ဆိုရင် – ကျိန်းသေပါတယ် – ဘာသာရေး ဟာ အပစ်ပယ် ခံရမှာပဲ။ အကြောင်းက ဘာသာရေးဟာ ပြင်ပ လောကဓာတ်နဲ့ ဘယ်လိုမှ မသက်ဆိုင်ဘူး ရယ်။

တစ်ချိန်က – ဂယ်လီလီယို၊ ကော့ပါးနီးကပ်စ်တို့ – ခရစ်ယာန် ဘာသာရေး အရ ကျဉ်ရှောင်ခံရတယ်။ ဒါဝင်ရဲ့ ဆင့်ကဲဖြစ်စဉ် သီဝရီ ပိတ်ပင် တားမြစ်ခံရ တယ်။ တကယ်က သူတို့တွေကို ဘာသာရေး က တားမြစ်ခဲ့တာ မဟုတ်ဘူး။ ဘာသာရေး ဂိုဏ်းဂဏ တစ်ယူသန် တွေက တားမြစ်ခဲ့တာ ဖြစ်ပါတယ်။ ကိုယ့်နေရာ ကိုယ်မသိတဲ့ မလိမ်မိုး မလိမ်မာ၊ လူမိုက်တွေလို့တောင် ပြောလို့ ရတယ်။ ဟိုးအရင်က ယင်ကောင်မှာ ခြေထောက်ခြောက်ချောင်း ရှိတယ် – အရစ္စတိုတယ်ကို ဘုရားတစ်ပါး လို မှတ်ယူတဲ့ ဂိုဏ်းဂဏသားတွေ ၊ လူ့အဖွဲ့အစည်း တွေ-အဲ့အဆိုအတွက် – မစူးစမ်းရဲဘူး ။ ဘာသာရေး အရ – ဆိုတဲ့ ပညတ် အစွဲ နဲ့ – စွတ်လက်ခံတယ်။ အနှစ်ချုပ်က – ဒါကို ဘာသာရေး လို့ စွဲလမ်း တယ် – သိပ္ပံ စူးစမ်းမှုကို ဖယ်ချတယ်။

အခုခေတ်အခါ ဗြောင်းပြန် ပြန်ဖြစ် လာတယ်။ – သိပ္ပံမှာ အချက်တစ်ချက် တွေ့ရင် – အဲ့ဒီ အချက်ဟာ အချက်အလက်ပဲ ဆိုတာကို မမြင်တော့ ပြန်ဘူး ။- ဘာသာရေးနဲ့ စစ်တိုက်ဖို့ ကြိုးစားတယ်။ ဘာသာရေး ကျမ်းတွေ ထဲ – ဘယ်မှာ ပါသလဲ လို့ မေးငေါ့ လိုက်ထောက် တယ်။ ဘာသာရေး ရဲ့ ရှေးဟောင်းကျမ်းတွေထဲ ပြန်လှန်တယ်။ သိပ္ပံရဲ့ အချက်အလက်မျှ သဘော ကို မမြင်ဘူး။ အနှစ်ချုပ်က – သိပ္ပံကို ဖက်တွယ်တယ် – ဘာသာရေး အနှစ်သာရကို ဖယ်ချတယ်။

တကယ်တမ်း အဲ့လို မှတ်စွဲတဲ့ ဘာသာရေး သမားရော၊ သိပ္ပံသမားရောဟာ – နယ်ပယ် နှစ်ခုစလုံးရဲ့ ရပ်တည်ချက်ကို မမြင်တဲ့သူတွေ ဖြစ် သွားပါလိမ့်မယ်။ ပေါ့သွပ် လွန်းရာ ကျလိမ့်မယ်။

မြန်မာမှာ လည်း အနီးစပ်ဆုံး ကြားဖူးတာ ရှိတယ်။ မင်းတုန်းမင်း လက်ထက် က – သာသနာပိုင် ဆရာတော် ဆိုလား နာမည်တော့ သေသေချာချာ မမှတ်မိဘူး ။ သူက နန်းဆောင် ထဲက နေ – အောင်ပင်လယ်ကန်မှာ ရေမြှုပ်ဗုံး စမ်းသံကြားတယ်။- ငါးတွေသေမယ်- သတ္တဝါတွေ ဘာဖြစ်မယ် ဆိုပြီး မင်းတုန်းမင်းကို တရားဟောပြီး တားတယ်။ ကနောင်မင်းသား လည်း မတတ်သာလို့ ရပ်ခဲ့ရတယ်။ အဲ့တော့ ဘာဖြစ်လဲ။ မြန်မာတွေ သူ့ကျွန်စင်စစ် ဖြစ်ခဲ့ပါတယ်။ ရေမြှုပ်ဗုံး အောင်မြင်လည်း သူ့ကျွန်က ဖြစ်ချင်ရင် ဖြစ်မှာပါပဲ ကွာလို့ တော့ လာပြောလို့ မရပါဘူး။ စစ်ပွဲတစ်ခုမှာ စိတ်နှလုံး ဥာဏ်ရည် နဲ့ လက်နက်အင်အား သာသူ နိုင်စမြဲပဲ။

အခုအခါ အဲ့ဒီ ဘာသာရေး ဂိုဏ်းဂဏ တွေ ပြန်ဝဋ်လည် လာပါတယ်။ ကြီးထွား လာတဲ့ သိပ္ပံ အမြင် တွေက ဘာသာရေး ရဲ့ ရုပ်ပိုင်းဆိုင်ရာ အချက်အလက် တစ်ချက်ချင်း စီ ကို ထောက်ပြီး လက်ညှိုး ငေါက်ငေါက် ထောက်ကြည့် နေကြပြီ ဖြစ်ပါတယ်။ သိပ္ပံနဲ့ တိုက်စစ်ပြီးမှ ဘာသာရေး ကို လက်ခံရတော့ မလိုလို ပုံမျိုး ပြန် ဖြစ်လာတယ်။ အရင်က ဘာသာရေး ဂိုဏ်းဂဏတွေ ဟာ သိပ္ပံ သမားတွေကို ဟားတိုက် နှိပ်ကွပ်ခဲ့သမျှ၊ အခု ပြန်ဟားတိုက် ခံ၊ အနှိပ်ကွပ် ခံ နေရတယ်။ ဘာသာရေး ကျမ်းဂန် စစ်ရင် အကုန်မှန်တယ်ကွ လို့ ဘူးကွယ်ငြင်းသူတွေဟာ အခုအခါ သိပ္ပံ အချက်အလက်တွေမှာ အတင်းကာရော တိုက်ဆိုင် စစ်ဆေး နေရတယ်။

တစ်ဘက်မှာ – ဒီလို ကွဲပြားမှုကို မမြင်တဲ့ သိပ္ပံသမားတွေ ကလည်း “ငါတို့သာလျှင် အစစ်အမှန်၊ ယုတ္တိကျကျ၊ သိပ္ပံနည်း ကျကျ ဖြစ်တယ်။၊ မင်းတို့ဟာ က စိတ်ကူးယဉ်တွေ၊ လက်တွေ့မပါတဲ့ ဟာတွေ ၊ မမှန်ဘူးကွ” လို့ သူ့ကို နှိပ်ချ၊ ကိုယ့်ကိုယ်ကိုယ် လက်မ ထောင်ကြတယ်။

ဘယ်ဟာမှားပြီး ဘယ်ဟာ မှန်နေပါသလဲ။

စင်စစ်က ဘာသာရေးနဲ့ သိပ္ပံ တို့ရဲ့ သဘောတရား မှာ – သူတို့ရဲ့ လားရာ ကိုယ်နှိုက်က မတူပါဘူး။ သိပ္ပံက Outward၊ ဘာသာရေးက Inward ပါ။ သိပ္ပံက Knowledge and Thinking။ ဘာသာရေးက Knowing and Seeing ဖြစ်ပါတယ်။ ဒီ မတူညီတဲ့ နှစ်ခုကြားကို ကြားညှပ်စိ ဖို့ အတင်းကြိုးစားရင် ကြိုးစားသူပဲ ရူးသွား ပါလိမ့်မယ်။

…………………

နောက်တစ်ချက် ရှိပါသေးတယ်။

ဘာသာရေး လို့ ပြောပြောနေတဲ့ ဆိုင်ရာ ကျမ်းစာ တွေဟာ လွန်ခဲ့တဲ့ နှစ် နှစ်ထောင်၊ နှစ်ထောင့်ငါးရာ၊ အဲ့ထက် အလွန်က ကျမ်းစာတွေ ဖြစ်နေပါတယ်။ အဲ့ဒီ အချက်ကို မမေ့ဖို့ လိုအပ်တယ်။ လက်ရှိ ခေတ် သိပ္ပံနဲ့ ရှေးဟောင်း ဘာသာ ကျမ်းစာတွေကို ယှဉ်တွဲလာရင် ဒီ အချက်ကို ထည့်သွင်း စဉ်းစားဖို့ လိုပါတယ်။ ဒါဟာ ကျမ်းစာတွေကို – ရှေးဟောင်းကျနေတယ် ခေတ်မမီ ဘူး ဆိုတဲ့ သဘောမျိုး မဟုတ်ဘူး။ ကျမ်းစာတွေမှာ ပါတဲ့ ရုပ်ပိုင်းဆိုင်ရာ အချက်အလက် တွေဟာ – အဲ့ဒီ ခေတ်အခါက လူတွေရဲ့ ဥာဏ်ရည် မှီတင်း လောက်မယ့် အနေအထားမျိုး၊ အချက်အလက်မျိုးများ သာ ဖြစ်ကြောင်း သဘောပေါက် ထားဖို့ပါပဲ။

ဥပမာ – အိုင်းစတိုင်း ဟာ ရီလေတီဗီတီ သီဝရီကို အလွတ်မဲ့ စဉ်းစားနိုင် ခဲ့တာ မဟုတ်ဘူး။ သူ့မတိုင်ခင်က Lorentz’s transformation, Michelson-Morley Experiment တို့ အခြေခံ ရှိပြီး ဖြစ်ရပါတယ်။ သူတို့က ရတဲ့ သင်္ချာအချက်အလက်၊ ရုပ်ပိုင်း၊ အလင်းပိုင်း ဆိုင်ရာ ဒေတာ အချက်အလက်တွေ စုစည်း နားလည်ပြီးမှသာ သဘောပေါက်နိုင်စွမ်း၊ ဖော်ထုတ်နိုင်စွမ်း ရှိခဲ့တာ ဖြစ်ပါတယ်။ အလားတူ လက်ရှိ ထိပ်သီး ရူပဗေဒ သမား Stephen Hawking ကလည်း သူ့ရဲ့ Baby Universe, Multiverse, Big Bang ဒီ သီဝရီ တွေ အတွက် အနီးစပ်ဆုံး သူ့ သင်္ချာ မိတ်ဆွေ Roger Penrose က အများကြီး ထောက်ကူ ပေးရပါတယ်။ သူ့မတိုင်ခင် ရှိခဲ့တဲ့ အိုင်းစတိုင်း ရဲ့ အတွေးစဉ်တွေ၊ Special ရော ၊ General ကိုပါ ထောက်ကူရတယ်။ ကွမ်တမ် သီဝရီ အချင်းအရာတွေ အားလုံး ငုံပြီး စဉ်းစားရတယ်။ အဲ့ဒီနောက်မှသာ အိုင်းစတိုင်းရဲ့ ရည်မှန်းချက် M-Theory ကို ဆက်လက် စဉ်းစားတယ်။ တကယ်လို့သာ ဒီခေတ် အခါမှာ Calculus, Topology စသဖြင့် လုံလောက်မယ့် သင်္ချာ အသိသညာ မပေါ်ပေါက်လာဘူး ဆိုရင် ဘယ်သူမှ Big Bang ကို သိမှာ မဟုတ်ဘူးရယ်။

ဘာသာရေး ကျမ်းတွေ ထဲ ပြန်သွားပါမယ်။ ဥပမာ ဆိုပါစို့ – ဗုဒ္ဓ။ သူ ပေါ်ပေါက် လာတဲ့ ခေတ်အခါ၊ လွန်ခဲ့တဲ့ နှစ်ပေါင်း နှစ်ထောင့်ငါးရာ ဟာ ဒီလို ဟမ်းဖုန်းကိုင်၊ ကွန်ပျူတာ ခေတ် မဟုတ်ဘူး ။ တော်တော်များများ – လန်ကွတ်တီ နဲ့ ဆာရီနဲ့။ သူတို့ရဲ့ ရုပ်ပိုင်းဆိုင်ရာ အသိသညာ မှာ ဒီခေတ် နားလည်တဲ့ စကြာဝဠာ သဘောမျိုး ကို သိမြင် ဖို့ အခြေခံ မရှိနိုင်သေးဘူး။ ကမ္ဘာကြီး လုံးဝန်း နေကြောင်း ကိုတောင် ကောင်းကောင်း ရှင်းပြဖို့ မလွယ်တဲ့ ခေတ်အခါ ဆိုတာ – နားလည်ထားသင့်ပါတယ်။ ။ အဲ့ဒါကို ဒီခေတ် သိပ္ပံနဲ့ ဘာသာရေး ကျမ်းစာ တိုက်ဆိုင် စစ်ကြော ကြသူများ မမေ့မလျော့ အမှတ် ရှိသင့်တယ်။ ဆိုလိုတာက ဘာသာရေး ကျမ်းဂန်တွေထဲ ဖော်ပြထားခဲ့ မယ့် ရုပ်ပိုင်း ဆိုင်ရာ အချက်အလက်တွေဟာ ( ခင်ဗျားတို့ တိုက်ဆိုင်လိုတဲ့ သိပ္ပံ ဆိုင်ရာ အချက်အလက်တွေဟာ ) – ဒီနေ့ ခေတ် အမြင်နဲ့ မှန်ချင်မှန်မယ်၊ မှားချင် မှားမယ်။ – ဒါပေမယ့် အဲ့ဒီခေတ်အခါနဲ့ တန်ရုံ ကိုသာ သင့်လျော်သလို ပြောခဲ့ နိုင်တာ ဖြစ်ကြောင်း သဘောပေါက်ဖို့ လိုပါမယ်။ ဘာသာရေး ရဲ့ ရည်ရွယ်ချက်ဟာ ရုပ်ပိုင်းတိုးတက်လာဖို့ကို မရည်ရွယ်ထားကြောင်း – နားလည် သဘောပေါက် ထားရ ပါလိမ့်မယ်။ ဒီလို နားလည်ထားမှ – ဒီကနေ့ အခါ သိပ္ပံနဲ့ ဘာသာရေးအကြား တွန်းထိုးနေတဲ့၊ တစ်ခုနဲ့ တစ်ခု ပုတ်ခတ်နေတဲ့ ပြဿနာကို ဖြေရှင်းနိုင်ဖို့ ရှိပါ တယ်။

အခု ကျနော် ပြောခဲ့ပြီးသလောက်နဲ့ ဒီပုံနဲ့ ယှဉ်ကြည့်မယ်။

စက်ဝိုင်း A ဟာ ဘာသာရေး၊ B က သိပ္ပံ။ သူတို့ နှစ်ခုရဲ့ ဗဟိုချက်က မတူပါဘူး။

A ဟာ မိမိ အတွင်းသန္တာန်ကို ရှုမြင်ရေး၊ ဘဝကို သိမြင်နားလည်ရေး ဖြစ်ပါတယ်။ B က ပြင်ပ ဝတ္ထုထည်အပေါ် ဆင်ခြင် စဉ်းစား တွေးခေါ်ရေး၊ ဝတ္ထု ကြွယ်ဝ တိုးတက်လာရေး ဖြစ်ပါတယ်။ သူတို့ နှစ်ခု စလုံးဟာ သင့်တော်တဲ့ ရုပ်ပိုင်း အချက်အလက်အချို့ အပေါ်မှာ သွားရောက် ငြိတွယ်တယ်။ အဲ့ဒါကတော့ ရုပ်ပိုင်း အချက်အလက် အချို့ ရဲ့ Intersection အပိုင်းမှာ ဖြစ်ပါတယ်။ ဒါ့ကြောင့် ဘာသာရေး A ဟာ သိပ္ပံ B ရဲ့ အချက်အလက် အကုန်လုံးကို ရှင်းပြနေမှာ မဟုတ်ဘူး။ အဲ့လိုပဲ သိပ္ပံ B ဟာ ဘာသာရေး A ရဲ့ ဦးတည်ချက် ( ဝါ ) အစိတ်အပိုင်း အားလုံးကို မပိုင်ဆိုင်ပါဘူး။ ဥပမာ -စိတ်ငြိမ်းချမ်းရာ ၊ မိမိကိုယ်ကိုယ် သိမြင်နားလည်ရာ၊ ကို မပေးစွမ်း နိုင်ဘူး။

ဒါ့ကြောင့် ဘာသာရေး ထဲမှာ သိပ္ပံကို သားရဲမရဲ ရှာဖွေမယ် ဆိုရင် – A အကုန်လုံးဟာ B ဖြစ်ရမယ် လို့ ပြောနေတာနဲ့ အတူတူ ပါပဲ။

အလားတူ – သိပ္ပံ အချက်အလက်တွေ အကုန်လုံး ဟာ ဘာသာရေး ထဲမှာ ရှိတယ်ကွ ၊ ဇွတ်အတင်း ညှိယူ တိုက်ဆိုင်နေရင် ( ဒါမှမဟုတ် ) ဘူးကွယ် ငြင်းဆို နေမယ် ဆိုရင် B အကုန်လုံးဟာ A မဖြစ်ရကောင်း လား လို့ ပြောနေတာနဲ့ အတူတူပါပဲ။

………………………

ဒါ့ကြောင့် ကျနော် ဆိုလိုချင်တဲ့ လိုရင်းအချုပ်က -

ဘာသာရေး ကို စုံလုံးကန်း ဖက်တွယ်ပြီး “မင်းတို့ သိပ္ပံတွေက…..” စသဖြင့် ကွိစိ ကွစ ပြောဆို ငြင်းပယ်တဲ့ သူ၊
ကိုယ်ယုံကြည်ရာ ဘာသာရေး ကျမ်းဂန်မို့ ဆိုပြီး မလှန်ရဲ မတွန်းရဲ မျက်စိမှိတ် ထားတဲ့သူ၊

အဲ့ဒီ ဘာသာရေး ဆိုင်ရာ မျက်ကန်းသမားတွေနဲ့ -

သိပ္ပံအချက်အလက် အချို့ကလည်း ဟုတ်နေ – ဘာသာရေး ကျမ်းဂန်တွေ ထဲမှာလည်း ရှာမရ – အတင်းအဓမ္မ ဖြဲကား အငြင်းပွားတဲ့သူ၊
သိပ္ပံ အချက်အလက် ကသာ အားလုံးလက်ခံတဲ့ အမှန် ဖြစ်တယ် – ဘာသာရေး ဟာ ဒဏ္ဍာရီ ဆန်ဆန် အလကား၊ လက်တွေ့မကျ – သုံးမရ လို့ ပြောဆို ငြင်းပယ်တဲ့သူ။
သိပ္ပံ အချက်အလက် က အားလုံး လက်ခံ ငြင်းမရတဲ့ အမှန်။ ဒီအမှန် ဘယ် ဘာသာရေး ကျမ်းမှာ ပါလဲ – အဲ့လို ပါဝင်တဲ့ ဘာသာရေးမျိုးကိုမှ လက်ခံနိုင်မယ် လို့ စိတ်ကူးထားရှိသူ

သိပ္ပံ ဆိုင်ရာ တဇောက်ကန်း သမားတွေ -

စသဖြင့် အဲ့သည် လူမျိုး နှစ်စု စလုံး အနေနဲ့-

ကိုယ်တိုင် ပြောဆိုနေတဲ့ “ဘာသာရေး” ဆိုတာ ဘာလဲ။ ဘာသာရေး ရဲ့ မူရင်း ရည်ရွယ်ချက် လားရာက ဘာလဲ၊
“သိပ္ပံ” ဆိုတာ ဘာလဲ ။ သိပ္ပံ ရဲ့ မူရင်း ရည်ရွယ်ချက် လားရာ က ဘာလဲ ။

အဲ့ဒီမေးခွန်းတွေ ကို ရှင်းရှင်း နားလည်ထား နိုင်ကြမယ် ဆိုရင် ပိုမို သင့်လျော် ပါလိမ့်မယ် လို့ မြင်မိကြောင်း ပြောလိုရင်းပါဗျ။

………………………
Ref: Osho: Science, Religion and Big Bang Theory
……………………..
http://zayya.blog.com/
http://zayya.wordpress.com/
http://zayyablogger.blogspot.com/.
………………………

နိစ္စဓူဝ သေဆုံး နေရခြင်း များ အကြောင်း

2011-12-18T03:06:00.001+06:30

Quest: နိစ္စဓူဝ သေဆုံးနေကြတယ် ( Dying Daily ) ဆိုတဲ့ စကားကို ခင်ဗျား ပြောခဲ့ဖူးတယ်။ အဲ့ဒါ ဘာကို ဆိုလိုတာလဲဗျ။

Ans: သေတာကို ကျနော်တို့ ဘာလို့ ကြောက်ကြသလဲ လို့ အရင် စမေးကြည့်ကြပါမယ်။ – သေခြင်း တရား ကို ကြောက်လန့်ကြရခြင်း အကြောင်းက သေခြင်း တရားကို မကြုံဖူး၊ မသိဖူးလို့ပါ။ ရှင်းရှင်းပြောရင် မသေဖူး လို့ ဖြစ်ပါတယ်။ ကျနော်တို့ နောက်နေ့၊ မနက်ဖြန် ဘာဖြစ်မယ် ဆိုတာ မသိဘူး။ မနက်ဖြန် အတွက်၊ အနာဂတ် အတွက်၊ တကယ့် တကယ်တမ်း အလုပ်လုပ် နေကြပေမယ့် ကျနော်တို့ အသေအချာ မသိဘူး။ ဒါ့ကြောင့် ကျနော်တို့ စိတ်သန္တာန်မှာ မနက်ဖြန် ကို ကြောက်ရွံ့တဲ့ စိတ် အမြဲ ရှိနေတတ် ပါတယ်။

ဒါ့ကြောင့် ကျနော်တို့ အလုပ်လုပ် နေရခြင်း ရဲ့ နောက်ကွယ်က တွန်းအား ဟာ – မိမိ မသိတဲ့ အရာတစ်ခု ကို ဒိဋ္ဌ ကြုံတွေ့ရမှာ လက်မခံနိုင်စွမ်း ( တစ်နည်း ) ကြောက်ရွံ့မှုသာ ဖြစ်ပါတယ်။ ဒီအကြောင်းကြောင့် ကျနော်တို့ဟာ ဒီကနေ့ ကို မနက်ဖြန် အတွက် ပြင်ဆင်ဖို့ အသုံးချတယ်။ ပြုပြင် ဖန်တီး အရန်သင့် ဖြစ်ဖို့ ကြိုးပမ်း တယ်။ ကျနော်တို့ နေ့စဉ် လုပ်နေတဲ့ အလုပ်တွေက ဒါတွေပဲ မဟုတ်လား။ မနေ့ အချိန်တုန်း ကလည်း မနက်ဖြန် အတွက် လုပ်ခဲ့တယ်။ ဒီကနေ့ ဆိုပြန်တော့လဲ မနက်ဖြန် အတွက် လုပ်ကြပြန်တယ်။ ကျနော်တို့ အားလုံး မနက်ဖြန် အတွက် စဉ်ကာ ဆက်ကာ အလုပ်လုပ်နေကြ တယ်။ အဲ့ဒီ “စဉ်ကာ ဆက်ကာ – အဆက်မပြတ်ရေး” ကို ကျနော်တို့ရဲ့ မနာလို ဝန်တိုမှု၊ ကျနော်တို့ရဲ့ ရူးသွပ်မှု၊ ကျနော် တို့ မှတ်ဥာဏ်တွေမှာ ထည့်သွင်း အရည်ဖျော်ပစ်တယ်။ ပုံပြောင်းပစ် တယ်။ ကျနော်တို့ ဘယ်နေရာ ရောက်နေနေ- အဲ့ဒီ အရာတွေ ကို ကျနော်တို့နဲ့ တစ်ပါ တည်း ယူဆောင်လာခဲ့ကြပါတယ်။

မယူဆောင် လာ ခဲ့ဘူးလို့ရော ထင်ပါသလား။ အဲ့သလို အဆက်မပြတ်ရေး ကို ထပ်ဖန် တလဲလဲ မှတ်ယူ ခဲ့လို့ သာ- ကျနော်တို့ မသေသေးဘူး ဆိုတဲ့ အသိ ဖြစ်လာ ခဲ့ပါတယ်။ မနေ့က အဖြစ်အပျက် တွေ ရှိခဲ့တယ်။ ဒီနေ့ အဖြစ်အပျက် အချို့ ကြုံဆုံရပြန်တယ်။ ဒါဆို – နောက်တစ်နေ့ ရှိဦးမယ်။ ဒီ အချက်တွေကြောင့် – ကျနော်တို့ အတွက် ကျနော်တို့ စဉ်ဆက် မပြတ် – ဖြစ်တည်နေဖို့ ခိုင်မာနေ သလိုလို မှတ်ယူနေတယ်။ ကျနော်တို့ မှတ်ဥာဏ်နဲ့၊ စိတ်ကူး ခံစားချက်၊ မျှော်လင့်ချက်တွေက ကျနော်တို့ ဆက်လက် ဖြစ်တည် နေမယ် လို့ အမြင် ရောက် သွားစေတယ်။ ဒီလို “ဆက်လက် ဖြစ်တည်မှု” ဆိုတဲ့ အချက်ဟာ – “အသစ်” မဟုတ်ဘူး ဆိုတဲ့ အချက်နဲ့ အတူတူ ပါ။

ဆိုလိုတာက – ဥပမာ- ခင်ဗျား မှာ အတွေးတစ်ခု ရှိမယ်။ မနေ့က ခင်ဗျား တွေ့ကြုံခဲ့ရတဲ့ အတွေ့အကြုံ အတိုင်း- မနက်ဖြန် မှာ နောက် တစ်ကြိမ် ထပ်ဖြစ်စေဖို့ ဆန္ဒ ရှိမယ် ဆိုပါတော့။ အဲ့ဒါဆိုရင် ခင်ဗျားဟာ သစ်လွင်မနေဘူး လို့ ဆိုလိုတယ်။ ဒါဟာ ကျနော်တို့ အများစု လိုချင်တဲ့ ပုံစံပဲ ဖြစ်ပါတယ်။ ကျနော်တို့ ဒီအတိုင်း ဆက်သွားချင်တယ်။

“ဒီအတိုင်း” ကျနော်တို့ ဘယ်လို ဆက်သွားချင်နေတာပါလဲ – ထပ်မေးရင်။ ကျနော်တို့ စိုးရိမ်ခဲ့သမျှတွေ အတိုင်း၊ ကျနော်တို့ ပျော်ရွှင်သမျှတွေ အတိုင်း၊ ကျနော်တို့ စိတ်ကူး စဉ်းစားထားပြီးသား တွေ အတိုင်း ဆက်သွားချင်တယ်။ အဲ့အတွက် ကျနော်တို့ အများစု ကြားမှာ ဖောက်ထွက်နိုင်စွမ်း မရှိဘူး။ ဖန်တီးနိုင်စွမ်း မရှိဘူး။ အသစ် အသစ် ဖြစ်မလာဘူး။ လူ့အဖွဲ့အစည်း၊ ဘာသာအယူဝါဒ အဟောင်းအဟောင်းတွေထဲမှာ – ပြုပြင်ဖို့ ပြောင်းလဲ နိုင်ဖို့ အသစ် အသစ် ဖြစ်ဖို့ ဆိုတာ ခက်ခဲနေရတယ်။

တကယ်က ကျနော်တို့တွေ နေ့စဉ် ရှင်သန်နေတာ မဟုတ်ပါဘူး။ နေ့စဉ် နေ့တိုင်း အသေသား တွေ စားနေတာပါ။ ကုန်လွန်ခဲ့ ၊ သေဆုံး ခဲ့ပြီ ဖြစ်တဲ့ နေ့ရက် တွေက ခံစားချက် အဟောင်းတွေ၊ အယူအဆ အဟောင်းတွေ ကနေ့ထိ သယ်ဆောင်လာဆဲ။ ဒါတင် မကျေနပ်သေးဘူး။ နောက်နေ့ နောက်နေ့ များမှာလဲ ဒီ အယူအဆ အဟောင်းတွေ ဆက်လက် ဖြစ်တည်နေစေချင်တယ် – ဒီခံစားချက် အဟောင်းတွေ ဆက် တည်ရှိ နိုင်ပါစေလို့ ဆန္ဒရှိတယ်။ အဲ့တော့ အဲ့ဒီ ဆန္ဒတွေနဲ့ အတူ မနာလို၊ ဝန်တို၊ ဒေါသ၊ မာန ရူးသွပ်သမျှတွေပါ တစ်ပါတည်း ဆက်လက် ပါဝင်လာပါတယ်။

ခင်ဗျားလည်း တွေးကြည့်နိုင်မယ် ထင်တယ် – နေ့တစ်နေ့ တာ ကုန်ဆုံးသွားပြီး အိမ်ပြန် ဝန်ထုပ်တွေ ချ အနားယူချိန်မှာ – “ဒီကနေ့ ပြီးပြီ။ ငါ့သန္တာန် ရှိသမျှ အကုန်ထားရစ်ခဲ့မယ်။ နောက်တစ်နေ့မှာ ငါ အသစ် အသစ်နဲ့ပဲ ရင်ဆိုင်မယ်” လို့ စိတ်ကူး ရှိခဲ့ဖူးပါသလား။ ဒီကနေ့ ရဲ့ အဟောင်းတွေကို နောက်တစ်နေ့ အထိ ဘယ်တော့မှ မသယ်သွားဘူးလို့ ဆန္ဒ ရှိခဲ့ဖူးပါသလား။

ကျနော်တို့မှာ အနည်းဆုံး တွယ်ငြိတဲ့ စိတ် ကျန်ရစ်နေပါတယ်။ ကျနော်တို့ ဘာကို တွယ်တာ မိနေကြသလဲ။ အသုံးအဆောင်တွေလား၊ ဒီ တိုက်တာ အိုးအိမ်တွေ လား ။ ဟုတ်ချင်မှ ဟုတ်မယ်။ ဒါပေမယ့် တွယ်တာမိနေမယ့် ( ကျိန်းသေတဲ့ ) အရာတွေက – ကျနော်တို့ရဲ့ စိတ်ကူး တွေ၊ ကျနော်တို့ရဲ့ စကားလုံးတွေ ဖြစ်ပါတယ်။ အဲ့ဒီ စိတ်ကူးစိတ်သန်း၊ မျှော်မှန်းချက်၊ စကားလုံးတွေနဲ့ သာ ကျနော်တို့ ဆက်လက် အသက်ရှင်နေတယ်။ မြင်နိုင်ပါရဲ့လား မသိ။ ဆိုလိုတာက ကျနော်တို့ဟာ အခြားမဟုတ်ဘူး – အဲ့ စကားလုံး မျှော်မှန်းချက်၊ စိတ်ကူး စိတ်သန်းနဲ့ အတွေး တွေ ချည်း ဖြစ်နေပါတယ်။ ဒီ အရာတွေ နဲ့ အတူတူ နေထိုင်ချင်တယ်။ ဆက်လက် ရှင်သန်ချင်တယ်။

တကယ်လို့သာ – ဒီ စိတ်ကူးစိတ်သန်း အတွေးစဉ် အဟောင်းတွေ လုံးဝ ကုန်ဆုံး သွားနိုင်မယ် ဆိုရင် – အခြား တစ်ဘက် မှာ ဖြစ်တည်ချက် အသစ် ရှိ နေပါတယ်။ လုံးဝ စစ်စစ် အသစ် တစ်ခုပါ။ တွယ်ညိလာတဲ့ အဟောင်းတွေနဲ့ – ဘယ်လိုမှ မသက်ဆိုင်တော့ တဲ့ အသစ်မျိုး ဖြစ်တည်နေပါတယ်။ ဒါဟာ တက္ကိက သဘော တွေးဆ ပြောနေတာ မဟုတ်ဘူးရယ်။ နောက်ပြီး စိတ်လှုပ်ရှားစရာ အကြောင်း အချက်လည်း မဟုတ်ဘူး။ ခင်ဗျား အဲ့ဒါကို ထိသိနိုင်တယ်။ ခင်ဗျား အတွေ့အကြုံမှာ တစ်ကြိမ် တစ်ခါမှ မဖြစ်ဖူး၊ မကြုံဖူးတဲ့ အရာတစ်ခု ကို ကြုံရ ဆုံရတဲ့ အခါတိုင်း အဲ့ဒီ အချက်ကို ခံစား သိရှိနိုင်တယ်။

ကျနော်တို့ အများစု ရဲ့ ဘဝမှာ – ကျနော်တို့ စိတ်သန္တာန် ဟာ အဲ့ဒီ စိတ်ကူး အဟောင်း၊ ယုံကြည်ချက် အဟောင်း၊ အမြင်အဟောင်း တွေ ထဲမှာပဲ ကျင်လည် နေတယ်။ အဲ့ အဟောင်းတွေနဲ့ ရှေ့ဆက်နေတယ်။ မှန်တာ မမှန်တာကို မသိဘူး – လက်ခံစွဲမြဲထားတယ်။ အဲ့ဒါတွေနဲ့ ရှေ့ဆက်နေတာ ကိုပဲ – “ငါဟာ ငယ်စဉ် ကနေ ခုထိ ဒါတွေနဲ့ အသက်ရှင်နေတာ” လို့ အထင် ရောက်တယ်။

တကယ်တမ်းလဲ ကျနော်တို့ အားလုံး နီးပါး – ဘာသာရေး၊ လူမှုရေး၊ နိုင်ငံရေး၊ ပညာရေး၊ အခြား အညွှန်းဘောင် အရေးအရာတိုင်းက ယုံကြည်ချက် အသီးသီး အောက်မှာ ( မမေးမမြန်း၊ မစူးမစမ်း ၊ အချို့က မေးမြန်းခွင့်မရ၊ စူးစမ်းခွင့်မရ ၊ မလွတ်လပ်ရခြင်း အကြောင်းနဲ့ ) လှောင်ပိတ် နေကြ၊ တွယ်ငြိနေ ကြဆဲ ဖြစ်ပါတယ်။ အစဉ်အလာ ( မိရိုးဖလာ ) ချမှတ် လာပြီးသား ၊ ဒါတွေကို လက်ကို လက်ခံရမယ် ဆိုတဲ့ အတွေးစိတ် နဲ့ – အသေသား တွေကို ထမ်းပိုးတယ်။ ကျနော်တို့ ဘဝကို ရှေ့ဆက် ချီတက်တယ်။ ဒါဆို – ခင်ဗျား ဘဝက အဲ့ဒီ အသေသားတွေ နဲ့ ချည်း တည်ဆောက်ထားတာ မဟုတ်လား။ – ခင်ဗျား စင်စစ် တကယ် ရှင်သန်နေတာရော ဟုတ်ရဲ့လား။ ကိုယ်ထမ်း လာခဲ့တဲ့ အရာတွေ ကို နည်းနည်းလေး ဖြစ်ဖြစ်ရော မော့ကြည့်ဖူး သလား။ စေ့စေ့ငှငှ ပြန်တွေးကြည့်နိုင်ဖို့ တော့ လိုမယ် ထင် ပါတယ်။

ဘာလို့ဆို ကျနော်တို့ ထမ်းလာခဲ့တာတွေဟာ ဝန်ထုပ်သာ ကြီးနေတယ်။ အမှန်လား အမှားလား ၊ ကိုယ် တကယ် သိမြင်မှု ရှိသလား လို့ ဝေခွဲမထားဘူး။ ဝေခွဲချင် စိတ်လည်း ရှိမနေဘူး။ ဆိုလိုတာက မဝေခွဲ မစိစစ် ရဲဘူး။ မဝေခွဲ မစိစစ်ရဲရခြင်း အကြောင်းကလည်း ကျနော်တို့ တွယ်ငြိနေတာတွေဟာ ယုံကြည်မှု တွေ အဖြစ် နေရာဝင်ယူလာလို့ ဖြစ်ပါတယ်။ သိမြင်မှု မရှိတဲ့ ယုံကြည်မှု ဟာ ဝေဖန်ခံရမှာ ကို ကြောက်လေ့ ရှိတယ်။ အဲ့ဒါကြောင့် ကျနော်တို့ ဝန်ထုပ်ကြီးကို တစ်ခါမှ စစ်မကြည့် ရဲဘူး။

တကယ်တမ်း သာ သေသေချာချာ ပြန်စစ်ကြည့်မယ် ဆိုရင် – ကျနော်တို့ ဒိဋ္ဌ သိမြင်မှု မပါဘဲ ယုံကြည် စွဲလမ်း ထားတဲ့ အယူအဆတွေ ဟာ – စကားလုံး တွေချည်း သက်သက် ဖြစ်နေတာ တွေ့ရပါတယ်။ ကျနော်တို့ လိုချင်တဲ့ စိတ်ကူး ၊ ဆန္ဒ၊ ယုံကြည်ချက် စတာတွေ အားလုံး ဟာ ကိုယ့် တကယ် အသိ တွေသာ မဟုတ်ဘူး ဆိုရင် စကားလုံး တွေချည်း၊ အတွေးအိမ် စိတ်ကူးတွေချည်း ဖြစ်နေတော့တယ်။ ဒါ့ကြောင့်လည်း ကျနော်တို့ ဘဝအတွက် စကားလုံးတွေက အရမ်း အရေးကြီး နေကြတာ ဖြစ်ပါတယ်။ စကား၊ ဝေါဟာရတွေကို ဖူးဖူးမှုတ် ပစား ပေးတယ်။ အဲ့ဒီနည်းနဲ့ အတွေး အိမ်ကို တည်ဆောက်တယ် – စိတ်ကူး ကျရာ ကောင်းနိုးရာရာ ကိုင်စွဲထားမယ်။ ဒီလိုနဲ့ ကျနော်တို့ ဘဝကို ရှေ့ဆက်ဖို့ ကြိုးစားတယ်။ ကျနော်တို့ မှာ အသစ် အသစ် တွေ မရှိဘူး။ ရုပ်ပိုင်းဆိုင်ရာ တွေ တိုးတက်ကောင်း တိုးတက် မယ် – စိတ်ပိုင်းတွေမှာ ချွတ်ချုံကျပြီး ( သိမြင်မှု မပါတဲ့ ) အတွေးသံသရာထဲ လည်နေမယ်။ ရှင်သန် မနေတဲ့ – အသေတွေ ချည်းနဲ့ သာ ကျန်ရစ် နေတော့တယ်။

အခုလို – ကိုယ်လည်း မသိရတဲ့ အဟောင်း တွေကို အစွဲအမြဲ ထမ်းပိုး မထားဘူး ဆိုရင်- ဘာဖြစ် မလဲ။ ငယ်စဉ်က ခုထိ သက်သက်မဲ့ ပုံသွင်း ခံလာရတဲ့ ယုံကြည်မှု အဟောင်း၊ အတွေးအခေါ် အဟောင်း တွေကို မစွဲမလမ်း စွန့်ပယ် ထားနိုင်ခဲ့ရင် ဘာဖြစ်မလဲ။

အပေါ်လွင်ဆုံး ကတော့ – ခင်ဗျား မှာ တွေးခေါ် နေကျ ပုံစံ အဟောင်းတွေ ပျောက်ဆုံး သွားမယ်။ အခြေတည်ပြီး အာရုံစိုက် စွဲလမ်းနေစရာ တွေ၊ တွေးရိုးတွေးစဉ် အစဉ်အလာတွေ ဖယ်ပစ်လိုက်တာ မို့လို့ ခင်ဗျား ပုခုံးပေါ်တင်ထားတဲ့ ဝန်ထုပ်ကြီး ပျောက်ကွယ် သွားမယ်။ ပေါ့ပါးသွားတယ်။ ခင်ဗျားရဲ့ အနာဂတ် ကို အရင်လို အစွဲအလမ်းတွေနဲ့ မျှော်လင့်ဖို့ အကြောင်း ဘာမှ မရှိတော့ဘူးရယ်။ ခင်ဗျား ရဲ့ အနာဂတ်ကို ဖြစ်သင့်တာ ဖြစ်ချင်တာ၊ ဖြစ်တန်စွမ်း မှန်သမျှ အကုန် လွတ်လပ်ခွင့် ပေးသွားတော့တယ်။

ဆိုလိုတာက ခင်ဗျား အနာဂတ်ကို နကိုလို မျှော်လင့်ချက်နဲ့ မချုပ်နှောင်ဘူး။ အသေ စီမံ မထား ဘူး။ သစ်လွင်နေမယ့် အနာဂတ် တွေသာ ရှိတော့တယ်။ ခင်ဗျား အတွက် နကို တွေးရိုး တွေးစဉ်တွေ ကနေ လွတ်ကင်း သွားတဲ့အတွက် – ခင်ဗျား စိတ်ရဲ့ ရှုမြင်ပုံဟာ ခင်ဗျား အနာဂတ် နဲ့ အတူ သစ်လွင်နေတယ်။ အသစ်အသစ် ဖြစ်နေတယ်။ အခု ပစ္စုပ္ပန် ခဏ – ကြုံလာသမျှကို အမြင်သစ်နဲ့ သာ ရှင်းရှင်းလင်းလင်း ရှုမြင် သွား နိုင်တော့တယ်။ အဲ့အတွက် ဖြစ်ပေါ် လာမယ့် အရာရာတိုင်းကို ခင်ဗျား ရင်ဆိုင်နိုင်တဲ့ သတ္တိ၊ အေးချမ်းတဲ့ အသိအမြင် ရှိလာ ပါတယ်။ ဒါဟာ ဘာသာရေး မဟုတ်သလို၊ အယူအဆ ၊ တွေးခေါ် မြှော်မြင်ရေး လည်း မဟုတ်ဘူး။ သိမြင် ရှင်သန်နေမှု ဘဝ သက်သက်။

ဒါပေမယ့် ဒီလို အခြေအနေ ရောက်ဖို့ ခက်ခဲပါတယ်။ ဘာလို့ဆို ကျနော်တို့ အများစုဟာ အတိတ်ကို ပြန်တွေးပြီး နေရင်နေ၊ မနေရင် အနာဂတ်ကို မျှော်လင့်ပြီးသာ နေချင်တတ် ကြလို့ပါ။ အတိတ်က – ပျော်ရွှင်ခဲ့၊ ကြည်နူးခဲ့တာ တွေ ပြန်တွေးမယ်၊ ဒါမှမဟုတ် လစ်ဟာခဲ့တာတွေ ပြန်တွေးမယ်။ အနာဂတ်မှာ – ပျော်ရွှင်မှု၊ ကြည်နူးမှု -ပုံစံ တစ်မျိုးမျိုးနဲ့ ဖြစ်ပေါ်လာပါစေ လို့ မျှော်လင့်မယ်။ ဒီလိုမှမဟုတ် – အရင်က မပြည့်စုံခဲ့ဘူး၊ ငါ အနာဂတ်မှာ ပြည့်စုံအောင် တည်ဆောက်မယ် လို့ စိတ်ကူး ရည်မှန်းမယ်။

ဒါ့ကြောင့် အရင်းချုပ်ကြည့်ရင် – အခုလတ်တလော အသက်ရှူနေတဲ့ ပစ္စုပ္ပန်ဟာ လစ်ဟာပြီး ကျန် နေရစ်ပါတယ်။ ခင်ဗျား တကယ် ရရှိတဲ့ ပစ္စုပ္ပန် ပေါင်း များစွာကို ဒီနည်းနဲ့ ခင်ဗျား ဘေးဖယ် ထားရစ်ခဲ့တယ်။ – အဲ့ဒါဟာ ခင်ဗျား တကယ် ရရှိတဲ့ ဘဝကို သတ်ပစ်တာနဲ့ အတူတူ ပါပဲ။ ဒါ့ကြောင့် ပစ္စုပ္ပန် တည့်တည့်မှာ မတည်ထားတဲ့ စိတ်ဟာ သေနေတာ နဲ့ အတူတူပဲ။ ဒီအချက်ကို ပေါ်လွင်စေချင်လို့ – ကျနော်တို့တွေဟာ နိစ္စဓူဝ သေနေကြတယ် ( Dying Daily ) လို့ ကျနော် ပြောခဲ့တာ ဖြစ်ပါတယ်။

အတိတ် ၊ အနာဂတ် ပြေးလွှား သွားနေတတ်တဲ့ ခင်ဗျား သန္တာန်ရဲ့ ဖြစ်စဉ်ကို မြင်နိုင်ရင် ခင်ဗျားကိုယ် ခင်ဗျား မေးသင့်တာက – ငါ့ဘဝကို ငါရှင်သန်နေတာရော ဟုတ်ရဲ့လား ဆိုတဲ့ မေးခွန်းပါ။ ကုန်ဆုံးသွားပြီ ဖြစ်တဲ့ အတိတ်၊ မလာသေးတဲ့ အနာဂတ် အပေါ် တည်မှီနေတဲ့ ခင်ဗျား ဘဝဟာ ခင်ဗျား ခန္ဓာကိုယ် ပျက်ပြုန်းသွားတဲ့ အထိ ကားယားကြီး ကျန်ခဲ့တော့မှာ။ တကယ်တမ်း ခင်ဗျား လက်ထဲမှာ ရှိနေတာက အခု။ ပစ္စုပ္ပန် တည့်တည့်။ အဲ့ဒါကို သိမြင်ထားနိုင်မှသာ ခင်ဗျား သေနေရာကနေ ပြန်နိုးထ လာဖို့ အကြောင်း ရှိပါတယ်။ ဆိုလိုတာက – ဘဝရဲ့ အစစ်အမှန် ရှင်သန်နေထိုင်ခြင်း ဆိုတာ – ပစ္စုပ္ပန် တည့်တည့် အတွင်း သိမှတ်နေထိုင်ခြင်း ပဲ။ ဒါဟာ ခင်ဗျား သန္တာန် ပြန်လည်မွေးဖွားခြင်း ( Reborn ) လည်း ဖြစ်ပါတယ်။ ခင်ဗျား နကိုက အသေတွေနဲ့ ချည်း ရှင်သန်နေခဲ့တယ်။

အခု ပစ္စုပ္ပန် တည့်တည့် ကျကျ သိမြင် နေထိုင်ပြီ ဆိုပါစို့။ အဲ့အခါ – ခင်ဗျား သန္တာန်မှာ အထူးသဖြင့် အတိတ်က အဟောင်းအမြင်းတွေ မရှိ တော့ဘူး။ မတွယ်တာဘူး။ မှတ်ဥာဏ် အဖြစ်တော့ ရှိနိုင်တယ်။ ဒါပေမယ့် ခင်ဗျား ဘဝ နေထိုင်မှု ဟာ သိပ်ရိုးရှင်း သွားပါတယ်။ ဘာလို့ဆို ခင်ဗျား လက်ထဲကို ဘဝ စင်စစ် ရောက်ရှိ သွားလို့ ။ အတိတ်ကို မတွယ်ငြိရင် – အနာဂတ် ဆိုတာကို လည်း ခင်ဗျား မျှော်လင့် တောင့်တ စိတ် ရှိ မနေ ဘူး ။ တစ်စုံတစ်ခု ဖြစ်လာပါစေ လို့ စိတ်ကူး စိတ်သန်း၊ တွေးမော မှုတွေ မရှိတော့ဘူး။ ဆိုလိုတာက ပစ္စုပ္ပန်ကို မေ့လျော့ပြီး၊ မနက်ဖြန်ကို ပုံစံချ ၊ တမ်းတ မနေ ဘူး။ မနက်ဖြန် ဆိုတာကို စိတ်ကြိုက် ဖြစ်ခွင့် ပေးထားပါ တယ်။ ခင်ဗျား လွတ်လွတ် လပ်လပ် ရင်ဆိုင် လက်ခံနိုင် နေတယ်။ ခင်ဗျား ရဲ့ ပစ္စုပ္ပန်ဟာ အရင်က အရောင်မှိန် ခဲ့သမျှ၊ အခု ပစ္စုပ္ပန်မှာ လက်တွေ့ကျကျ တောက်ပ နေတော့ တယ်။ ။

Credit: Photos are from Myanmar Photographic Society.
…………………
Reading on J.Krishna.
………………….
http://zayya.blog.com/
http://zayya.wordpress.com/
http://zayyablogger.blogspot.com/
…………………..

ဆာတိုရီ ( Satori )

2011-12-16T20:47:00.002+06:30

ဇင် နဲ့ ပတ်သက်လို့ အမေး အများဆုံးက ဆာတိုရီ ( Satori ) ပဲ ဖြစ်ပါတယ်။ ဆာတိုရီ ကို - "အသိဥာဏ် အမြင် နိုးထမှု ခဏ" လို့ အဓိပ္ပာယ် ဖွင့်ဆိုလေ့ ရှိတယ်။ ဇင်နဲ့ ဆက်နွယ်တဲ့ ဒဏ္ဍာရီ၊ ပုံပြင် သမိုင်းတွေမှာ ဆာတိုရီ ဆိုတဲ့ ဝေါဟာရ မကြာခဏ ပါလေ့ ရှိတယ်။ ဆာတိုရီ ဘယ်လို ရရှိသလဲ။ ဆာတိုရီ ကို အချိန်ကြာမြင့် အောင် ကြိုးပမ်း ပြီးမှ ရနိုင်တာလား။ တစ်ဆင့်ပြီး တစ်ဆင့် ကြိုးစား အားထုတ်မှ ရတာ မျိုးလား။ သေချာတာက- လိုချင် စိတ်ဇောတွေနဲ့ လုပ်နေတဲ့ အချိန်တွေ ထိ မရသေးဘူး။ ဘယ် အားထုတ်မှု ကိုမှ မလုပ်ပြုတော့တဲ့ ခဏ- အားလုံးဖြေလျော့ချ လိုက်တဲ့ ခဏလေး မှာ ဆာတိုရီ ရရှိပါတယ်။

ဆိုပါစို့။ လူတစ်ယောက် အိပ်ငိုက်နေတယ်။ သူ့ကိုယ်သူ ဘာမှန်းတောင် မသိလောက် အောင် အိပ်ချင်မူးတူး ဖြစ်နေတယ်။ အိပ်ပျော် သွားတယ်။ သိမှတ်မှု မရှိဘဲ၊ ဘာမှ မသိတော့ဘဲ အိပ်ပျော် သွားတယ်။ အိပ်မက်တွေ အရှည်ကြီး မက်နေတယ် ဆိုပါစို့။ အဲ့အချိန်မှာ လူတစ်ယောက် ရောက် လာတယ်။“ဟေ့ကောင်၊ ဒီမှာဘာလာလုပ်နေတာလဲ၊ ထ” ဆိုပြီး အော်တယ်။ ဖြတ်ခနဲ သူလန့်နိုး သွားတယ်။ မျက်လုံးပွင့်လာတယ်။ သူ အိပ်ပျော် သွားမိပါလား ဆိုတာ အဲ့ခဏမှာ သိလိုက်တယ်။ အဲ့ဒီ ခဏ ကလေးပဲ။

ဒီလို မနိုးလာခင်က သူ အိပ်မက်တွေ တစ်ထောင့် တစ်ည တမေ့တမော၊ ရှည်ရှည်လျားလျား မက်နေမယ်။ အိပ်မက် ရှည်ကြီးတွေ ထဲမှာ အိပ်မက်ဆိုးတွေ မက်နေဦးမယ်။ ဘာပဲ ပြောပြော - အိပ်မက်ထဲ စီးမျော နေမယ်။ ဦးတည်ချက် အမျိုးမျိုး သွားလာ လှုပ်ရှား နေမယ်။ အိပ်မက် ထဲမှာ မဖြစ်နိုင်တဲ့ အရာတွေပါ ဖြစ်နေနိုင် ပါသေးတယ်။ - ဒါပေမယ့် ရုတ်တရက် ခေါ်သံ “ထတော့” ဆိုတဲ့ ခဏမှာ သူ ဖြတ်ခနဲ နိုးသွား တယ်။ သူ အိပ်မက်တွေ မက်နေ မိတာ ဖြစ်ကြောင်း ချက်ချင်း သိလိုက်ရတယ်။ ဒီဥပမာ ဟာ ဆာတိုရီ ( Satori ) နဲ့ အတိအကျ တူညီ ပါတယ်။

ခင်ဗျား တိတ်ဆိတ် ငြိမ်သက် နေမယ်။ ထိုင်ရုံလေး ထိုင်နေမယ် ဆိုပါတော့။ - ခင်ဗျား ထိုင်နေတယ်။ခင်ဗျား သန္တာန် အတွင်းပိုင်းထဲ၊ ခင်ဗျားရဲ့ စိတ်သန္တာန်ထဲ တိုးဝင် နစ်မြုပ် ကြည့်မယ်။စိတ်အတွေး၊ ခံစားချက်တွေ ဖြတ်သန်း နေတာ ကို ကြည့်နေမယ်။စိတ် အစဉ်တွေ တစ်ခုပြီး တစ်ခု၊ခင်ဗျား မျှော်မှန်းချက် တွေ တစ်ခုပြီး တစ်ခု၊ခင်ဗျား ခံစားချက်တွေ တစ်ခုပြီး တစ်ခု၊ ---အဲ့ဒီ ဘယ်တစ်ခု မျိုးတွေ ဖြစ်ဖြစ် အဲ့ဒီ သန္တာန်ကို ခင်ဗျား သိနေ မြင်နေမယ်။

ဆိုလိုတာက - ခင်ဗျား သိမှု က သပ်သပ်၊ အဲ့ဒီ ခံစားချက် စိတ်ကူး သန္တာန် က သပ်သပ်။- စောင့်ကြည့်နေ ရင်း - သိနေရင်း .... သိနေရင်း... စောင့်ကြည့်နေရင်း ...ခင်ဗျား ကိုယ်နှိုက်က သီးခြား မဟုတ်ကြောင်း၊... အဲ့ဒီ သိမှု သက်သက် ဖြစ်ကြောင်း ရုတ်ခြည်း မြင်လိုက် ရတယ်။ဆိုလို တာက ကျေကျေ နပ်နပ် ရှင်းရှင်းလင်းလင်း မြင်လိုက်ရတယ်။

ဒါပေမယ့် ဒါဟာ မပြီးသေးဘူး။ ခင်ဗျား အဲ့ သိမှုကို သိနေတုန်း။“သိမှု သက်သက် ချည်းသာ” လို့ ဆိုတဲ့ သိမှတ်မှုတွေ စဉ်ကာ ဆက်ကာ - ငြိမ်သက် ကျ သွားတာ ကိုလည်း ခင်ဗျား ဆက် သိ နေရဦးမယ်။ ဆက် စောင့်ကြည့် နေရဦးမယ်။ အဲ့ဒီ ငြိမ်ကျသွားတဲ့ သိနေမှု သက်သက် ထဲ အတန်ကြာ နစ်မြုပ် ရှုမြင်ထား နေရင်း - ဗြုန်းဆိုခဏ - “ခင်ဗျား” လို့ ထင်မှတ် တဲ့ “ခင်ဗျား” ကိုယ်နှိုက်ရော ၊ “အတွေး နဲ့ သိမှု” အားလုံးရော ပြိုပျက် ကျသွားပါတယ်။

အဲ့ဒီ ခဏ အတွက် လွယ်ကူအောင် ဥပမာ ပေးရခက်ပါတယ်။ ဇင်ဆရာများ ကတော့ ဘာမှကို မပြောတော့ဘဲ နေတယ်။ ဗုဒ္ဓဘာသာ အတွင်းမှာလည်း တူမျှတဲ့ အခြေအနေ ရှိနိုင်ပါတယ်။ ဒါပေမယ့် အဲ့ဒါကို လိုက်နှိုင်းယှဉ်ပြီး ပြောရင် -- ဆိုင်ရာ ဘာသာရေး စာသမား များက နှိုင်းရကောင်းလား ဆိုတဲ့ အမြင်၊ စောဒကတွေနဲ့- အချည်းနှီး ဖြေရှင်း နေရပါလိမ့်မယ်။ ဆိုလိုရင်းက - ဒါဟာ ဇင် ဖြစ်မှ ၊ အခြား ဘာသာ တစ်ခုခု ဖြစ်မှ မဟုတ်ဘူး။ မိမိသန္တာန် အတွင်း နက်နက် ရှိုင်းရှိုင်း ဝင်ရောက်နိုင်တဲ့ အပေါ် မူတည်ပြီး ဘယ်သူ မဆို မြင်သိနိုင်တဲ့ အခြေအနေ ဖြစ်ပါတယ် ။ ကျနော့အနေနဲ့ ကြိုးစားပြီး ဥပမာ တစ်ခု ပေးကြည့်မယ်။ ထပ်တူ မကျနိုင်ဘူး။ စိတ်ကူး အတွေးနဲ့ အခုခဏ မှန်းကြည့်နိုင်ဖို့ လောက်ပဲ။

ဥပမာ - နက်ရှိုင်းတဲ့ ချောက်ကမ်းပါး တစ်ခု ထဲ ခင်ဗျား ဖြတ်ခနဲ ကျသွားတယ်။ ချောက်ကမ်းပါးထဲမှာက အမှောင်ချည်း သက်သက်ပဲ။ အလင်း မှန်သမျှ ဆိတ်သုဉ်းနေတဲ့ အမှောင်မျိုး။ ကိုယ့်ခန္ဓာကိုယ် ကိုပါ ပြန်မမြင်ရတဲ့ အမှောင်မျိုး။ ခင်ဗျား ဟာခနဲ ခံစားချက် ဖြစ်တယ်။ စစဦးချင်း ကြောက်လန့် သွားမယ်။ ချောက်ကမ်းပါး အနက်ကြီး ထဲကိုတော့ ခင်ဗျား ကျနေတုန်းပဲ ။ တနည်း ပြောရင် ဒီချောက် ကမ်းပါး ဟာ အောက်ခြေ ရှိမနေတဲ့ ချောက်ကမ်းပါး သက်သက် ဖြစ်ကြောင်း ခင်ဗျား မသိ ထားဘူး ။ တနည်း ထပ် ပြောရင် ဒီချောက် ကမ်းပါးဟာ အာကာသ ဟင်းလင်းပြင် ဗလာနယ် ချည်း သက်သက်။ အဲ့အချိန် - ခင်ဗျား ကိုယ့်ကိုယ် ကိုယ် ပြန်သိမိလိုက်တယ် - ခင်ဗျား ကိုယ်တိုင်ကလည်း ချောက်ကမ်းပါး ၊ ဗလာ သက်သက် ပဲ။ အဲ့လို သိလိုက်ရတယ် ဆိုပါတော့။

မိမိကိုယ်ကိုယ် ဗလာနယ် နဲ့ တသားတည်း ဖြစ်ကြောင်း သိသွား၊ မြင်သွားတယ်။ အဲ့ဒီ အချိန် - ခင်ဗျား သန္တာန် ဘယ်လို ပြောင်းလဲ သွားမယ် ထင်ပါသလဲ။ - - စောနက ချောက်ထဲ ကျလို့ သေရတော့မှာပဲ လို့ စိုးရိမ် ပူပန် နေတဲ့ စိတ်၊ ဇောချွေး မှန်သမျှ-- ရုတ်ခြည်း ပျောက်ဆုံးသွား ပါတယ်။ ငါပြုတ်ကျနေတယ် ဆိုတဲ့ အသိ - ငါနာကျင်တော့မယ် ဆိုတဲ့ အသိ- ငါအားလုံးနဲ့ ကင်းပြတ်သွားရတော့မှာ ပါလား လို့ စိုးရိမ် စွဲလမ်းတဲ့ အသိ -နောက်ဆုံး ကြောက်လန့် မိတဲ့ ခံစားချက် အစရှိ သဖြင့်- ဘာဆို ဘာမှ မရှိ၊ ပျောက်ကွယ်သွားတာ တွေ့ရပါမယ်။ ဘာမှ မရှိတော့ဘဲ- အဲ့ဒီ "မရှိမှု" ကြောင့် သက်သက်- အေးငြိမ်း သွားသလိုမျိုး - ။ ခင်ဗျား လုံးဝ မသိတာ၊ မေ့မျောသွားတာ မဟုတ်ဘူး။ သူနဲ့ ဆန့်ကျင်ဘက်ပဲ - နိုးနိုးကြားကြား တစ်ခု ရှိနေတယ်။ အဲ့ဒါက "နိုးကြားနေမှု"ပါ။ အဲ့ဒီ နိုးကြားမှု ကလွဲလို့ ကျန်တာ - ဘာမှ မရှိတော့တဲ့ အဖြစ်မျိုး သက်သက်။

အဲ့ဒီ ခဏမှာ ခင်ဗျား ရဲ့ လောကဓာတ် တစ်ခုလုံး သိမ့်သိမ့်တုန်အောင် အေးမြနေပါတယ်။ တကယ့် ခဏလေး ပါပဲ။ အဲ့ဒီ အခြေအနေလေး ကို ဆာတိုရီ ( Satori ) လို့ ကျနော် ခေါ်ဆိုလိုပါတယ်။ ဒီ အမည် မတပ်လဲ အခြား ကြိုက်ရာ အမည် တပ်ခေါ်နိုင်တယ်။

ဒါပေမယ့် ဆာတိုရီဟာ ( မိမိကိုယ်ကိုယ် ပြန်စောင့်ကြည့်တဲ့ အလုပ်၊ - ဘာဝနာ ရဲ့ ) နောက်ဆုံး ပန်းတိုင် မဟုတ်ဘူး။ အဲ့လို နောက်ဆုံး ပန်းတိုင် ၊ အန္တိမ ပန်းတိုင် မဟုတ်ကြောင်း ကိုလည်း အဲ့အချိန်မှာ သိတယ်။ ပန်းတိုင်ဟာ ဒါပဲလို့ မြင်မယ့် အမြင်နဲ့- ဆန့်ကျင်ဘက် ပါ။ - ခရီးစဉ် အစစ် ဟာ အဲ့အချိန် မှာသာ စတင် ပါတယ်။ ဆိုလို တာက - ခင်ဗျား တောက်လျောက် မက်လာတဲ့ အိပ်မက်တွေ ဟာ နိုးကြားလာမိတဲ့ အဲ့ဒီ အချိန်မှာ တစ်ပြိုင်တည်း ပျောက်ကွယ် သွားတယ်။ ခင်ဗျား နိုးနိုးကြားကြား ဆက်လျောက် သွားတော့တယ်။

.....................

Ref: Osho

.....................

....................

သူက သူ့ကို ဘယ်လို သတ်မှာလဲ

2011-12-16T11:53:00.000+06:30

How to stop thinking?

အတွေးစဉ်ကို ဘယ်လိုရပ်ရမလဲ။

ရှေ့တစ်ပုဒ်မှာ ကျနော် ဖြေထားခဲ့ပြီးပါပြီ။ ဒါပေမယ့် ထပ်မေး လာတာမို့ ထပ်ဖြေကြည့် ပါမယ်။

အတွေးစဉ်ကို ရပ်လို့ မရပါဘူး။ ရပ်လည်း မရပ်နိုင်ပါဘူး။ ရပ်ဖို့ မကြိုးစားသင့်ဘူး။ ဘာလို့ဆို အတွေးဟာ သူ့အလိုအလျောက်သာ ရပ်သွား နိုင်မယ်။ မိမိကိုယ်၌က အတင်းအကျပ် ရပ်ဖို့ ကြိုးစားရင် မှားပါလိမ့်မယ်။ ဒီအချက်ကို အရေးတကြီး နားလည် မှတ်သား ထားနိုင်ဖို့ လိုပါတယ်။ အတင်းရပ်ဖို့ ကြိုးစားရင် ရူးသွပ် သွားတာသာ အဖတ်တင် ကျန် နေရစ် ပါလိမ့်မယ်။

ဘယ်တွေးခေါ်မှု ဘယ်စဉ်းစားမှုမှ မရှိတော့တဲ့ အခြေအနေကို ဇင်မှာ “no-mind” စိတ်အတွေးစဉ် မရှိတော့ခြင်း။ ကုန်ဆုံးသွားခြင်း လို့ ခေါ်ပါမယ်။ no-mind ဆိုတဲ့ စိတ် အတွေးစဉ် ကုန်ဆုံးသွားတာဟာ ရပ်တန့်ထားတာ မဟုတ်ပါဘူး။ ဒါဟာ လုပ်ယူပြီး ရပ်တန့်ပစ်ရတဲ့ အရာ မဟုတ်ဘူး။ ရပ်တန့်ဖို့ ကြိုးစား အားထုတ် နေသမျှဟာ စိတ်ဇောကိုသာ ဖြစ်သွားစေလိမ့်မယ်။ ခင်ဗျား စိတ်အတွင်းမှာ အချင်းချင်း ပဋိပက္ခ တွေသာ ဖြစ်ပေါ်အောင် ဖန်တီး နေလိမ့်မယ်။ ခင်ဗျား စိတ် အစဉ် ဖရိုဖရဲ ဖြစ် သွားမယ်။ နောက်ဆုံး စိတ် ကစဉ့်ကလျားနဲ့ ရူးသွပ် သွားပါလိမ့်မယ်။ အတွေးစဉ်ကို ရပ်တန့်ဖို့ ကြိုးစားခြင်းဟာ ရူးသွပ်သွား ဖို့က လွဲရင် ဘာမှ မကူညီ နိုင်ဘူး လို့ ကျနော် ဆိုလိုပါတယ်။

ဒါပေတဲ့ အချို့ရှိတာက - ( အများအားဖြင့် ) အတင်း လုပ်ယူတယ်။ အဲ့ဒီ အခါ- ခင်ဗျား ကြိုးစား အားထုတ်နေတဲ့ အချိန် ခဏတာလေး အတွင်း အောင်အောင်မြင်မြင် ရပ်တန့် သွားကောင်း ရပ်တန့် သွားမယ်။ ဥပမာ - ငါ ဘာမှ မတွေးတော့ ဘူးကွာ လို့ အတင်း အကျပ် - စိတ်ကို စိုက်ကြည့် ဖယ်ရှားနေ တာမျိုး ။ အဲ့ဒါဟာ အဲ့ဒီ ခဏတာ အတွက် ဖြစ်ပါတယ်။ အောင်အောင်မြင်မြင် ငြိမ်ကျသွားမယ်။ အဲ့ခဏတာ လေး အတွင်း ခင်ဗျား စိတ်အတွေးစဉ် ကို ဖယ်ချ ထားနိုင်မယ်။ အမှောင်ချည်း သက်သက်၊ ဗလာချည်း သက်သက် ငြိမ်သွားနိုင်တယ်။ ဒါပေမယ့် အဲ့ဒါဟာ ငြိမ်သွားတာ သက်သက်ပါပဲ ။ စင်စစ် ဘာဝနာရဲ့ တကယ့် အဖြစ် No-mind ( စိတ်အတွေးစဉ် ကုန်ဆုံးမှု ၊ တိတ်ဆိတ်မှု ) ဆီကို ရောက်ရှိ တာ မဟုတ်ဘူး။ စိတ် အတွေးတွေဟာ ခဏ ရပ်တန့်ထားတာ သက်သက်။ အားစိုက် ထုတ်ထားတဲ့ ရပ်တန့် နေမှု သက်သက်။ သူ့ရဲ့ အောက် - ခင်ဗျားရဲ့ အတွင်းစိတ် ၊( ဆစ်ဂမန်ဖရွိုက်ရဲ့ စကားနဲ့ ဆိုရင်- မသိစိတ် ) မှာ ဖိစီး ထားခံ လိုက်ရတဲ့ အတွေးစိတ် ခံစားချက်တွေ ငုပ်လျိုး ကျန်နေရစ်တယ်။ အဲ့ဒီ အငုံ့စိတ်တွေဟာ ခင်ဗျား ပုံမှန် ပြန်ဖြစ်တာနဲ့ ( ဘာဝနာကနေ ကင်းလွတ်လိုက်တဲ့ ခဏမှာ ) ဒုက္ခ ပေးတော့တာပဲ။

ဒါ့ကြောင့် အတွေးစဉ်ကို ရပ်တန့်ဖို့ မကြိုးစားစေချင်ဘူး။ သူ့ကို သီးခြား ရပ်တန့် ပစ်ဖို့ နည်းလမ်း မရှိဘူး။ ကြိုးစား အားထုတ်လို့ မရပါဘူး။ အတွေးစဉ်ဟာ သူ့အကြောင်းနဲ့ သူ့ဘာသာ ရပ်တန့် သွားနိုင်တာပဲ ရှိပါတယ်။

စိတ်ကို ရပ်တန့်ဖို့ ကြိုးစားတာ မဟုတ်ဘူး ဆိုရင် ကျနော်တို့ ဘာလုပ်မလဲ။ -

အဖြေက တစ်ခွန်းတည်း ရှိတယ်။ စောင့်ကြည့် နေရုံမျှ စောင့်ကြည့်နေ ပေးဖို့ပါ။ ဒါဟာ ဘာဝနာရဲ့ အစလည်း ဖြစ်သလို၊ အဆုံးလည်း ဖြစ်ပါတယ်။ ဘာဝနာရဲ့ မူရင်း အဓိပ္ပာယ်ကိုက “စောင့်ကြည့်၊ သိမြင်မှု၊ သတိ” ပါ။ သတိထားရမှာက - ခင်ဗျား စိတ်သန္တာန်အတွင်း ဖြစ်ပေါ်သမျှ ဘယ်အရာကိုမှ ပိတ်ပင်ခြင်း၊ တားဆီးခြင်း မရှိရဘူး။ ဖြစ်စဉ် မှန်သမျှ မပြတ် မလပ် စောင့်ကြည့်နေရုံ သက်သက် ပဲ။

ခင်ဗျားက ထပ် မေးမယ်။ စောင့်ကြည့် နေသူက ဘယ်သူလဲ။

အဲ့သလို စောင့်ကြည့်နေသူ ဆိုတဲ့ အတွေးနဲ့ ကြည့်နေမယ် ဆိုရင် ခင်ဗျား သန္တာန် အတွင်း မှာ စောင့်ကြည့်နေသူ ဆိုတဲ့ အတွေးရယ် စောင့်ကြည့် ခံနေရတယ် ဆိုတဲ့ အတွေး ရယ် - စသဖြင့် အပိုင်းပိုင်း ကွဲပြား နေဦးမယ်။ အတွေးတစ်ခု က အတွေးတစ်ခုကို လိုက်လံ တိုက်ခိုက် နေဦးမယ်။ အဲ့ဒီနောက် ရှေ့ အတွေး က နောက်အတွေး တွေ ကို သတ်ပစ်မယ်။ တစ်ခုပြီး တစ်ခု ရစ်ပတ်ထပ် ဖြစ်နေမယ်။ အဲ့ဒါကိုကလည်း ရူးသွပ်လွန်း ပါသေးတယ်။ နောက်ဆုံး ခင်ဗျား တကယ် ရူးသွား ဖို့သာ ရှိတယ်။

တကယ် စင်စစ်က ခင်ဗျား တွေးနေဖို့ မဟုတ်ဘူး။ “သိ” နေဖို့။ ဆိုလိုတာက ခင်ဗျား တွေးနေတဲ့ အတွေးစဉ်၊ ခင်ဗျား သန္တာန် အခု ပစ္စုပ္ပန် ခဏတိုင်း ဖြစ်ဖြစ်သမျှ စောင့်ကြည့် သိနေပေးဖို့။ အဲ့ဒါဟာ ထပ်တွေး နေဖို့ မဟုတ်ပါဘူး။ ခင်ဗျား အတွေးစဉ်မှာ ဖြစ်ပျက်နေသမျှကို စောင့်ကြည့်နေဖို့ ၊ သိမြင် နေဖို့ ( Witness ) သက်သက်ပါ။ အဲ့ဒီ စောင့်ကြည့်မှုမှာ - ခင်ဗျားရဲ့ စိတ်အစဉ် တစ်ခုလုံးကို အပြည့်အဝ လွတ်လပ်မှု ပေးထားပါတယ်။ သူ အလိုဆန္ဒ ရှိ သလောက် မမေ့မလျော့ အသိရှိရှိနဲ့ စီးမျော နေနိုင်တယ်။ ခင်ဗျား ဘာ တစ်ခု မှ ဝင် မကွပ်ကဲဘူး။ ဝင် မထိန်းချုပ်ဘူး။ စောင့်ကြည့်နေရုံ၊ သိနေရုံမျှလေး ရှိပါတယ်။

စိတ် အစဉ် ဟာ မက္ကင်းနစ် စက်တစ်ခုသာ ဖြစ်မယ် ဆိုရင် ကမ္ဘာမှာ အလှပဆုံး ဖွဲ့စည်းပုံမျိုးပဲ။ သိပ္ပံပညာ ဘယ်လောက်ပဲ တိုးတက် လာပါစေ - စိတ် နဲ့ အလားသဏ္ဍာန် တူမယ့် အရာ အခြားတစ်ခုကို ဖန်တီးနိုင်စွမ်း ရှိမှာ မဟုတ်ဘူး။ စိတ်မှာ ရှုပ်ထွေး သလောက် စွမ်းအား အပြည့်အဝ ရှိတယ်။ စွမ်းရည် အပြည့်အဝ ရှိနေတယ်။ ခင်ဗျားက ဒါကို စောင့်ကြည့် နေရုံပဲ။ ဒီလို လှပတဲ့ စိတ်အစဉ်ကို သိမှတ် ပျော်ရွှင် နေမယ်။

ဒီအချိန်မှာ - ခင်ဗျားရဲ့ စိတ်သန္တာန်ဟာ ခင်ဗျား အတွက် ရန်သူမဟုတ်ဘူး ဆိုတာလဲ သိထားဖို့ လိုပါတယ်။ အကြောင်း က ကိုယ့်စိတ်ကို ကိုယ် ရန်သူ အနေနဲ့ ရှုမြင်နေပြီ ဆိုရင် ခင်ဗျား အလုပ်ဖြစ် တဲ့ စောင့်ကြည့်မှုကို ဆက်ပြီး လုပ်လို့ မရတော့လို့ပဲ။

.................................

Notes-

Let thoughts move in total freedom. And then bigger intervals will be coming. You will be blessed with small satoris. Sometimes minutes will pass and no thought will be there; there will be no traffic -- a total silence, undisturbed. When the bigger gaps come, you will not only have clarity to see into the world -- with the bigger gaps you will have a new clarity arising -- you will be able to see into the inner world. With the first gaps you will see into the world: trees will be more green than they look right now.
You will be surrounded by an infinite music -- the music of the spheres. You will be suddenly in the presence of God -- ineffable, mysterious. Touching you although you can not grasp it. Within your reach and yet beyond. With the bigger gaps, the same will happen inside. God will not only be outside, you will be suddenly surprised -- He is inside also. He is not only in the seen; He is in the seer also -- within and without. By and by... But don't get attached to that either. Attachment is the food for the mind to continue.
Non-attached witnessing is the way to stop it without any effort to stop it. And when you start enjoying those blissful moments, your capacity to retain them for longer periods arises. Finally, eventually, one day, you become master. Then when you want to think, you think; if thought is needed, you use it; if thought is not needed, you allow it to rest. Not that mind is simply no more there: mind is there, but you can use it or not use it. Now it is your decision.

..............

..............

သုခမြေ

2011-12-16T03:01:00.001+06:30

အဲ့နေ့က ကောင်းကင် တစ်ခုလုံး ဘာတိမ်မှ မရှိဘူး။ လေလည်း တိုက်မနေဘူး -။ အဲ့တော့ စူးရှရှ နေရောင်တွေချည်း အစွမ်းကုန် တောက်နေတော့တယ်။ ဒီနေရောင် သွန်းလောင်းကျ ပြီး စူးရှနေပုံက ရက်စက်တဲ့ သရုပ် အပြည့်ရှိတယ်။ မနေမနား ပူပြင်း လွန်းလို့ အပူငွေ့တွေ တလှိုင်လှိုင်ထ နေတယ်။ ပုံရိပ်တွေ က မှုန်ဝါးရီဝေ နေကြ တယ်။ ဒီလမ်း ပေါ်မှာ ကျုပ် တစ်ယောက်တည်း။

ကျုပ် ဝဲယာ ဟိုသည်ဘက် တွေ အကုန်လုံးက လယ်ကွင်းတွေချည်းပဲ။ သူတို့တွေက ဟိုးမိုးကုပ် စက်ဝိုင်း အောက်စွန်း အထိ တပြန့်တပြော ရှိတယ်။ စိမ်းညို့ နေရမယ့် မြေဇာမြက်တွေတော့ တစ်ပင် တစ်လေမှ ခင်ဗျား တွေ့ရမယ် မထင်ပါလေနဲ့ ။ လွတ်လပ်တဲ့ လေကို ရှုရှိုက် ဖူးပွင့်နေမယ့် ပန်းတစ်ပွင့်မှ မရှိဘူး ။ ဒီလို နှလုံးတစ်ခု လုံး ကွဲအက် ဖုန်ထနေတဲ့ တိုင်းပြည်မှာ ဘယ်ပန်း ကရော ပွင့်နေမှာလဲ - ကျုပ်အတွက်တော့ မဆန်းလှဘူးရယ်။ အရာအားလုံးက ဟိုနေရာမှာ ၊ ဒီနေရာမှာ - စသဖြင့်- ကိုယ့်ဒုက္ခ ဥခွံလေးထဲ ကိုယ့်ဘာသာ ဝင်ခိုနေကြတယ်။

တကယ်က - ခေတ် အဆက်ဆက် တိုက်စားခဲ့တဲ့ ဒဏ်ရာတွေ ရှိတယ်။ ပြောမပြနိုင်တဲ့ တပ်မက်စိတ် တွေ ရှိတယ်။ အဲ့လိုနဲ့ အားလုံး မျက်ရည်နဲ့ မျက်ခွက်။ ငိုကြွေးပြီးရင်း ငိုကြွေးရင်း သစ်ညိုပင် တွေလည်း အမြစ်ပြတ်၊ ပျက်ပြုန်း သွားတယ်။ ဒီကမ္ဘာမြေ တစ်ခုတည်း အကာအကွယ်မဲ့ တုံးလုံး ကျန်ရစ်ခဲ့တယ်။ အရင်ကဆို ဒီနေရောင် လောက် မျိုးက ဘယ်မှုလိမ့်မလဲ။ စိမ်းမြမြ အရိပ်တွေနဲ့ ထီးရိပ် လို ခို၊၊ မလိုတမာ ပြုံးပြီးသာ နေလိုက်တော့မှာ။

အခုတော့ အကြင်နာ မဲ့လွန်းတယ်ပဲ ပြောပြော -

ဒီလို နေရောင်အောက်မှာ
အဖုံးအကာ၊ မျက်လွှာ မပါတဲ့
ပကတိ မျက်လုံး တစ်စုံတည်း
ကျန်နေ ရစ်တယ်။

မျှော်လင့်ချက်မဲ့ ကြောင်တောင်ကန်း စမ်းတဝါးဝါး။
ကမ္ဘာမြေက တဗျစ်ဗျစ် မြည်ဟည်း အက်ကွဲသွား။

ခင်ဗျား - ကျုပ်ပြောတာ မယုံ ရင် ကောင်းကင်ကို မော့ကြည့်လိုက်စမ်းပါ။ နကိုက နူးညံ့တဲ့ ပြာလွင်လွင် လှပနေ ခဲ့တာတွေ ကြက်ပျောက် ငှက်ပျောက် ပျောက်နေ တာ မတွေ့ ဘူးလား။ ရာစုနှစ်နဲ့ ချီပြီး အပူဒဏ် တွေ လွန်ကဲ ခဲ့လွန်းလို့ ပြာမွဲမွဲ ဖြစ်နေတာကိုရော မတွေ့ဘူးလား။ တကယ်ဆို ဒီလို ကောင်းကင်မျိုးက မိုးဖွဲဖွဲလေး ဖြစ်ဖြစ်၊ ရွာချပစ်သင့်တာ။ မွတ်သိပ်ရင်း သေဆုံးနေ ကြတဲ့ သစ်ပင် ခြုံနွယ် အစ အနေ တွေကိုရော ခင်ဗျား သတိမူမိ ၊ ကြည့်မိ ရဲ့လား။ တစပြင် ဖြစ်နေတဲ့ ဒီကမ္ဘာ ဟာ - စင်စစ် အဲ့ မိုးရွာမှ - ပြန် စိုပြည်နိုင်ဖို့ ရှိတယ် မဟုတ်လား။

ခုနေခါမှာ - ခင်ဗျားက သူတို့ကို “ဘဝ ဆိုတာ ရှင်သန်နေမှုပဲကွ” လို့ သွားပြောကြည့် ။ အသက်မဲ့ တဲ့ ရယ်သံတွေနဲ့ သူတို့ ခင်ဗျားကို ဝိုင်းဟားတိုက် လိုက် ကြလိမ့်မယ်။ ကျုပ်သိတယ်။

တကယ်က သူတို့ အားလုံး သေဆုံး နေကြတယ်။ မျှော်လင့်ချက်တွေ ဆီ လျောက်လှမ်းရင်း - မျှော်လင့်ရာ နေရာတွေဆီ အရောက်မှာ သေဆုံး ကုန်ကြတယ်။ ဘာလို့ဆို - အဲ့ဒီ မျှော်လင့်ချက် ရဲ့ အလွန် ဟိုဘက်ခြမ်းမှာ အားလုံး အတွက် သင်္ချိုင်း မြေ က အဆင်သင့် စောင့်ဆိုင်း နေတာမို့လို့ပဲ။ စိုးစိုးစီစီ အသံ တစ်သံမှ ကြားရမယ် မထင်နဲ့ ။ အံ့အားသင့်စရာ ကြောက်လန့်စရာ တိတ်ဆိတ်မှု သက်သက်သာ ကြီးစိုး တည်ရှိ နေတယ်။

အခုလည်း - ပါးပါးလေး ကျန်ခဲ့တဲ့ ဒီလေကို ရှူရှိုက်ဖို့ သက်ရှိသတ္တဝါ ဆိုတာ တစ်ကောင်တစ်မြီးမှ မရှိဘူးရယ်။

တစ်ချိန်တုန်းက ရှင်သန်ခဲ့တယ် -အခု သေဆုံး ကုန်ကြတယ်။

ခင်ဗျား အတွက်တော့ မသိဘူး။ -ကျုပ်ဘာသာ ကျုပ်အတွက်တော့ ဒါဟာ မထူးဆန်းဘူး။
......................

Reading on J.K

......................

.....................

ဘုရားသခင် သည် ဖြေရှင်းချက် မဟုတ်၊ တကယ့် ပြဿနာ !

2011-12-15T17:41:00.001+06:30

ဘုရားသခင် ဆိုတာ မရှိဘူးလို့ ခင်ဗျား တကယ် ယုံကြည်ပါသလား။

Osho: ဘုရားသခင် မရှိဘူးလို့ ကျနော် ယုံကြည်နေတာ မဟုတ်ပါဘူး။ ဘုရားသခင် ဆိုတာ မရှိဘူးလို့ ကျနော် ကျိန်းသေ သိတာ ဖြစ်ပါတယ်။ ဘုရားသခင် ဆိုတာ မရှိတဲ့ အတွက်လည်း ကျနော် ဘုရားသခင်ကို ကျေးဇူး တင်ပါတယ်။ ဘာကြောင့်လဲ ဆိုတော့ ဘုရားသခင် ရှိနေရင် – သူ တည်ရှိနေ ပါတယ် ဆိုတဲ့ အချက် က ပြဿနာတွေ အများကြီး ဖန်တီးပေးနေလို့ပဲ။ သူ ရှိနေတယ်လို့ ယူဆ နေကြ တဲ့ အတွက် အခက်အခဲတွေ အများကြီး ကြုံကြရတယ်။ အထူးသဖြင့် – ဘုရားသခင် ရှိနေရင် ကျနော်တို့ ဘဝ – ဖြစ်မလာနိုင်ဘူး ဆိုတာ မြင်ဖို့ လိုပါတယ်။

ဒီရှုထောင့် ကို ခင်ဗျား လည်း တွေးထား ချင်မှ တွေးထားမယ်။ ဘုရားသခင် တည်ရှိနေတယ်လို့ ယုံကြည်ကြသူ တိုင်း ဒီရှုထောင့်ကို မတွေးခဲ့ ကြဖူးဘူး ထင်ပါတယ်။ဘုရားသခင်ဟာ ကမ္ဘာကို ဖန်ဆင်း ခဲ့တယ် လို့ ခရစ်ယာန်တွေ ပြောကြတယ်။ တကယ်က – ဖန်ဆင်းဖို့ လိုအပ်နေတယ် ဆိုတဲ့ အကြောင်း သက်သက် နဲ့ ဘုရားသခင် ဆိုတဲ့ အယူအဆ ဝင်လာရတာပဲ ဖြစ်ပါတယ်။ ကမ္ဘာက ဒီမှာ တကယ် ရှိနေတယ်။ တွေ့နေရတယ်။ ဒါကို တစ်ယောက်ယောက် က ဖန်ဆင်း တာပဲ ဖြစ်ရ မယ် ။ ဒီ ကမ္ဘာကို ဘယ်သူ ဖန်ဆင်း တယ် လို့ ပြောပြော – အဲ့ ဖန်ဆင်းရှင်ကို ဘုရားသခင် လို့ ခေါ်မယ်။ ဟုတ်တယ် ဟုတ် ။ ဒါပေမယ့် – တကယ်တမ်း သာ အဲ့လို ဖန်ဆင်း ခံရတာပါ ဆိုရင် – ဘာတွေ ဖြစ်လာမလဲ ခင်ဗျား သိပါသလား။ကမ္ဘာဟာ တကယ်တမ်း ဖန်ဆင်းခံရတာ၊ ဖန်တီး ခံရတာပါ ဆိုရင် – ကမ္ဘာ မှာ အသွင် သဏ္ဍာန် ပြောင်းလဲမှု၊ ဆင့်ကဲ ဖြစ်စဉ် ဆိုတာ – ဘာတစ်ခု မှ ဖြစ်မလာ နိုင်ဘူး။ ဆင့်ကဲ ပြောင်းလဲ မှု ဖြစ်စဉ် ( Evolution ) ဆိုတာ – ဆက်ကာ ဆက်ကာ ဖန်တီးနိုင်စွမ်း ရှိနေတယ် လို့ အဓိပ္ပာယ် သက်ရောက် ပါတယ်။

ခရစ်ယာန် ပုံပြင်ကို တွေးကြည့်မယ်။ ဘုရားသခင်က ကမ္ဘာကို ခြောက်ရက် နဲ့ ဖန်ဆင်းတယ်။ ခုနှစ်ရက် မြောက်နေ့မှာ သူ အနားယူတယ်။ အဲ့ နောက်ပိုင်း ကတည်းက သူ အငြိမ်းစား ယူသွား တော့တာပဲ။ သူ ဖန်ဆင်းခဲ့တာဟာ ခြောက်ရက် ထဲရယ်။ အပြည့်အဝ – “ပြီးပြည့်စုံအောင် ဖန်ဆင်း” သွားတာ ဖြစ်တယ် လို့ ဆိုတယ်။ ဒါဆိုရင် အခု – ဆင့်ကဲ ပြောင်းလဲမှု၊ တစ်ခုနဲ့ တစ်ခု တော်လှန် ပြောင်းလဲ နေမှု တွေက ဘယ်နေရာက ပေါ်ပေါက် လာကြရတာလဲ။ ဖန်ဆင်းတယ် ဆိုတဲ့ အဓိပ္ပာယ် ကိုယ်နှိုက် က – အပြည့်အဝ ပြီးဆုံးသွားပြီ။ “ပုဒ်မ” ချ ၊ အချောသတ် သွားပြီ လို့ ဆိုလိုတယ် မဟုတ်လား ။ ဒီပုံပြင် အရ – ကမ္ဘာဟာ ခြောက်ရက် မြောက် နေ့ကတည်းက ပုဒ်မ ချပြီးသား။ အပြည့် အဝ ပြီးပြည့်စုံပြီးသား။ ဒါဆို – နောက်ထပ် ဆင့်ကဲ ပြောင်းလဲ လာစရာ ဘာအကြောင်းမှ မရှိဘူး ရယ်။နို့ပေမယ့် ဆင့်ကဲ ပြောင်းလဲမှုတွေက တကယ် ရှိနေတယ် ။ ဒီ အချက် က – သူ အပြည့်အဝ ( ပြီးပြည့်စုံ အောင် ) မဖန်ဆင်း နိုင်ခဲ့ကြောင်း ညွှန်ပြ နေတယ်။ ဘုရားသခင်ဟာ မပြီးပြည့်စုံတဲ့ ကမ္ဘာကို ဖန်ဆင်း ခဲ့မှာ မဟုတ်ဘူး ဆိုတဲ့ အချက် ကလည်း ရှိနေပြန်တယ်။ ဘာလို့ ဆို ဘုရားသခင် ဆိုတဲ့ ဂုဏ်ရည် နဲ့ ဆန့်ကျင် နေလို့။ ဘုရားသခင် ဆိုတာ ပြီးပြည့်စုံ တယ်။ ပြည့်ဝပြီးသား လို့ အဓိပ္ပာယ် ထွက်တယ်။ အဲ့တော့ သူ ဘာလုပ်လုပ် – ပြီးပြည့်စုံ နေရမယ်။ တစ်နည်းပြောရင် – အရာရာတိုင်းဟာ တသမတ်တည်း ၊ တသားတည်း ငြိမ်ဝပ်နေတယ်။ တစ်နည်း ထပ်ပြောရင် – “အသေ” တွေ ချည်းပဲ။ဒီအကြောင်းကြောင့် – ပုပ် ရဟန်းမင်း တွေဟာ ချားစ်ဒါဝင်ကို ဆန့်ကျင် တားဆီး ခဲ့ ကြတာပဲ ဖြစ်ပါတယ်။ ဒီ ချားလ်စ်ဒါဝင် ဆိုတဲ့ ပုဂ္ဂိုလ် ပြောတဲ့ စိတ်ကူးကိုသာ အားလုံး လက်ခံ လိုက်မယ် ဆိုရင် – ဘုရားသခင်ဟာ နောင်အချိန်မှာ အနှေးနဲ့ အမြန် သေသွားဖို့ ရှိတယ်။ ပုပ် ရဟန်းမင်းတွေ အမြင်စူးရှကြတယ် ပြောရမယ်။ အီဗော်လူးရှင်း သီဝရီ ရဲ့ အကျိုးဆက်ကို တော်တော် ဝေးဝေး အထိ မြင်နိုင်ခဲ့ကြပါတယ်။

သာမာန်အနေနဲ့ ခင်ဗျား ဆိုရင် – ဖန်ဆင်းမှု ( Creation ) နဲ့ ဆင့်ကဲဖြစ်စဉ် ( Evolution ) အကြား ဆက်စပ် ချင်မှ ဆက်စပ် ကြည့်လိမ့်မယ်။ ဘုရားသခင် နဲ့ ချားလ်စ်ဒါဝင် အကြားမှာတော့ ဆက်စပ်မှု ရှိနေ ပါတယ်။ ချားလ်စ်ဒါဝင်က – ဖန်တီးမှု ဆိုတာ ရှေ့ဆက်ပြီး ဖြစ်ပွားနေမယ့် ဖြစ်စဉ် တစ်ခုပဲ – ဖြစ်တည်ချက် တစ်ရပ်ဟာ ဘယ်တော့မှ မပြည့်စုံသွားဘူး၊ အမြဲတမ်း ပြောင်းလဲနေ တယ်၊ ရှေ့ကို ဆက်ပြီး ပြောင်းလဲ နေဦး မယ် – လို့ ဆိုတယ်။ အဲ့ဒီနောက် မှသာ – ခံယူချက် အသစ် အသစ်တွေ၊ အညွှန်းဘောင် အသစ် အသစ်တွေ ရှိလာမယ်။ ရှုမြင်မှု အသစ်နဲ့၊ တံခါးသစ်တွေ ဖွင့်မယ်။ ဖြစ်နိုင်ချေ အသစ် အသစ်တွေနဲ့ ရှေ့ဆက် နေမယ်။

ဘုရားသခင် ကတော့ ခြောက်ရက်နဲ့ သူ့အလုပ်ကိုသူ အပြီးသတ် သွားတယ်။ သိပ်လည်း မကြာသေးပါဘူး ခရစ်တော် မပေါ်ခင် နှစ်လေးထောင့်နဲ့ လေးနှစ်လား ရှိပါတယ်။ အဲ့ဒီနေ့ဟာ ဇန်နဝါရီလ တစ်ရက်နေ့၊ တနင်္လာနေ့ ဖြစ်ပါလိမ့်မယ်။ ဘာလို့ဆို ကျနော်တို့ ဖန်တီးတဲ့ အရာရာတိုင်းနဲ့ သင့်တော်အောင် ဘုရားသခင်ကို ပြန်ပြီး ပုံစံချရတော့မှာ မို့လို့။ ကျနော်တို့ ဖန်တီးခဲ့တဲ့ ပြက္ခဒိန် အတိုင်း ဘုရားသခင် လိုက်နာရတော့မယ်။ ( ပြက္ခဒိန် အရ – ဘုရားသခင် ကမ္ဘာ ကို ဖန်ဆင်းတာ ဘယ်နေ့လဲ လို့ ) ခင်ဗျား ကျုပ်ကို မေးမယ် ဆိုရင် – ရက်စွဲ အားဖြင့် တနင်္လာနေ့ ၊ ဧပြီလ ( ၁ ) ရက် ၊ April Fools’Day မှာ ဖြစ်ပါလိမ့်မယ် လို့ ပြန်ဖြေလိုပါတယ်။ ဘာလို့ဆို အဲ့နေ့ဟာ သူလုပ်ခဲ့တဲ့ ကိစ္စ အတွက် သူနဲ့ သင့်လျော်တဲ့ နေ့ မို့လို့ပါ။ သူက – ကမ္ဘာ ကို ရယ်ဒီမိတ် ( အသင့် လုပ်ပြီးသား ) ဖြစ်တည်မှု တစ်ရပ်လိုလို အပြည့်အစုံ ဖန်ဆင်း ခဲ့တယ် ဆိုတာကိုး။

တကယ်လို့သာ ဆင့်ကဲ ပြောင်းလဲ ဖြစ်တည်မှု ( Evolution ) တွေ မရှိနိုင်ခဲ့ဘူး ဆိုရင် – ဘဝ ဟာ ဘာ အဓိပ္ပာယ်၊ ဘာအနာဂတ်၊ ဘယ် ပြောင်းလဲမှုမှ မရှိနိုင်တော့ဘူး။ အတိတ်တွေနဲ့ ချည်း သက်သက် ပြည့် သွားမယ်။ ဒဲ့ဒိုး ပြောရင် ဘဝ က ရှင်သန် မနေနိုင်တော့ဘူး။ “ဘဝ သေ” တွေပဲ ဖြစ်သွား လိမ့်မယ်။

6 December 1984 in Lao Tzu Grove

Youtube – http://www.youtube.com/watch?v=hhjOnYbKJJw

………………..

ဧဟိ

2011-12-15T11:55:00.000+06:30

Interview with KGO TV, San Francisco, California.

Answerer was OSHO.

12 August 1985 pm in Jesus Grove.

Q: လူတွေရဲ့ အတွေးစိတ် ကို လွှမ်းမိုးဖို့ ကြိုးပမ်းသမျှ တွေက ဘယ် အယူအဆ၊ ဘယ် ယုံကြည်မှု မျိုးမှာ မဆို ရှိတယ်။ အဲ့ဒီ ယုံကြည်မှု တွေက – ဒီရာစုမှာ ၊ ရှေ့လာမယ့် ရာစု မှာ ရှေ့တန်း တစ်နေရာ က အထင်ကရ ဖြစ်လာ နိုင်ပါတယ်။ အဲ့ဒါကို ခင်ဗျား ဘယ်လို မြင်ပါသလဲ။ ခင်ဗျား သဘောတူ မတူ တော့ မသိ – ဒီလို ယုံကြည်မှု အမျိုးမျိုး တွေဟာ ယှဉ်ပြိုင် ဖြစ်တည် နေဦးမှာ။ အဲ့ဒါ ကို ခင်ဗျား ဘယ်လို မြင်ပါသလဲ။

A: ကျနော် ရဲ့ အမြင်ဟာ- ယုံကြည်မှု မဟုတ်ပါဘူး။ လုံးဝ ကွဲပြား ပါတယ်။ ကက်သလစ် လို ခရစ်ယာန် စသည် ဘာသာရေး ယုံကြည်မှုမျိုး ဖြစ်ဖြစ်၊ ကွန်မြူနစ် လို ဒဿန ယုံကြည်မှုမျိုး ဖြစ်ဖြစ် ဘယ် ယုံကြည်မှု မျိုး မဆို၊ – အဲ့ဒီ ယုံကြည်မှု စနစ် အားလုံး ကို ချေဖျက်ပစ်တာ သက်သက်ပါပဲ။

Q: ဘယ် “ယုံကြည်မှု” မျိုးကိုမှ မယုံကြည်ပါဘူး ဆိုတာဟာလည်း – “ယုံကြည်မှု” စနစ် တစ်မျိုးပဲ မဟုတ်လား။

A: ဒါဟာ ယုံကြည်မှု စနစ် မဟုတ်ဘူး။ ယုံကြည်မှု စနစ်လည်း ဖြစ်နိုင်ဖို့ လုံးဝ မရှိပါဘူး။ ယုံကြည်မှု စနစ် ဆိုတာ လူတွေကို ရှေ့ဆက်မယ့် အစီအစဉ် တွေ ချပေးမယ်။ စီမံကိန်း တွေ လုပ်ပေးမယ်။ လူတွေဟာ ယုံကြည် မျှော်လင့်ချက်နဲ့ – ရှေ့ကို ခရီးဆက် ချီတက် နိုင်မယ်။ ကျနော် ပြောနေတာက – လူတွေရဲ့ အဲ့ဒီ အစီအစဉ်တွေကို ရိုးရိုးရှင်းရှင်း ချေဖျက် ပစ်တာပဲ ဖြစ်ပါတယ်။ သူတို့ကို ဘာအစီအစဉ်မှ ပေးနေတာ မဟုတ်ဘူး။ ရှိနေပါတယ် ဆိုတဲ့ အဲ့ဒီ အစီအစဉ်တွေကို ချေဖျက် ပစ်တာ သက်သက်။ သူတို့ သန္တာန်မှာ ယုံကြည် တယ် ဆိုတာတွေ ဖယ်ပစ်ဖို့၊ အရှင်းလင်းဆုံး ဖြစ်သွားဖို့ ပဲ။ သူတို့ အပေါ်မှာ ဘာမှ မရေးထား ပါဘူး။ မွေးဖွား လာစက ပုံမျိုး နီးပါး – အဖြူထည်မျိုး ဖြစ်ပါတယ်။ကျနော့ ဆီကို ဂျူး၊ ဟိန္ဒူ၊ မိုဟာမက်ဒင် စသဖြင့် ဘယ်ဘာသာဝင် ရောက်လာလာ – သူတို့ရဲ့ အတွေးစဉ် တွေကို ကျနော် ဖယ်ပစ်မှာပဲ။ ဆိုလိုတာ က သူ့ သန္တာန်မှာ သယ်ဆောင်လာမယ့် ယုံကြည်မှု စနစ် မှန်သမျှ ဖျက်ချပစ်ဖို့ ကျနော် ပြောမှာပဲ ။ ဒါဟာ သူ့ယုံကြည်ချက်ကို ဖျက်ဆီးပြီး၊ ကျနော့ရဲ့ အခြား ယုံကြည်ချက် တစ်ခု အစားပြန် ထပ် ထည့်ပေးတာ မဟုတ်ဘူး။ ဖျက်ချတာ သက်သက်။ ကျန်တာ ဘာမှ လုပ်စရာ မလိုဘူး။

Q: အဲ့တော့ – ခင်ဗျား ဆိုလိုတာက – သဘာဝမှာ Vacuum လို့ခေါ်တဲ့ ဗလာနယ်ချည်း သက်သက်တွေ ရှိသလို၊ စိတ်အတွေးထဲကို ဗလာချည်း သက်သက် ထားဖို့ ပြောနေတာမျိုး အဲ့လို မဟုတ်လား။

A: မဟုတ်ပါဘူး။ ဒီစကားက မှားနေပါတယ်။ အကြောင်းက -အခု ကျနော် ဆိုပါတော့။ သုံးဆယ့်နှစ်နှစ် မှာ ကျနော်ဟာ ဘာမှ မဟုတ်ဘူး။ အပြည့်အဝ “ဘာတစ်ခုမှ မဟုတ်” ပါဘူး။ ဒီလို ပြောလိုက်တာဟာ – သိပ္ပံ ( ရုပ်ပိုင်းဆိုင်ရာ ) သဘောအရ သာလျင် – ဓမ္မဓိဌာန်ကျကျ မှန်ကန်လိမ့်မယ်။ “သဘာဝဟာ စင်စစ် ဗလာ ချည်းသာ ဖြစ်နေပါတယ်” ဆိုတဲ့ မှန်နည်းမျိုး မှန်ကန်မယ် ။ နို့ ပေမယ့် နာမ်ပိုင်းဆိုင်ရာ သဘောနဲ့ ဆိုရင် ဆန့်ကျင်ဘက် ဖြစ်သွား ပါတယ်။ခင်ဗျား ရဲ့ သန္တာန်အတွင်း ကို ပိုပြီး နက်နက်ရှိုင်းရှိုင်း တိုးဝင် ကြည့်ပါ။

ခင်ဗျား တိုးဝင်ကြည့် လေလေ – ခင်ဗျား ကိုယ် ခင်ဗျား ဘာမှမဟုတ်ဘူး ဆိုတာ သိလာရ လေလေပဲ။ ဗလာချည်၊ အချည်းနှီး သက်သက်ကို မြင်ရမယ် ။ နောက်ဆုံးမှာ – ခင်ဗျားက ကိုယ့်ကိုယ်ကိုယ် သုညတ ၊ လုံးဝ ကင်းပြတ် နေကြောင်း တွေ့လိုက် ရမယ်။ အဲ့ဒါကို Enlightenment – ဥာဏ်လင်းပွင့်မှု ရရှိတဲ့ ခဏ လို့ ခေါ်ဆိုပါတယ်။ အဲ့အချိန်မှာ ခင်ဗျား အတ္တမ ( အတ္တ၊ ထင်ယောင်ထင်မှား ) ပျောက်ကွယ် သွားတယ်။ ခင်ဗျား ရဲ့ လိုချင်တပ်မက်မှု ၊ အာသာ ဆန္ဒ အကုန်လုံး – အဝေးလွင့်သွားတယ်။ ဆိုလိုတာက – ခင်ဗျား ကိုယ်တိုင်ပါ ပျောက်ဆုံး သွားပါတယ်။ အလင်းချည်း သက်သက်၊ ဘဝ သက်သက်၊ အဆုံးအစမဲ့ – ထာဝရ သက်သက် … စသည် ဘယ်လို ခေါ်ခေါ် “အဲ့ဒါ” သက်သက်ပဲ ရှိနေတယ်။ အဲ့ဒါက – အဲ့အချိန်မှာ ခင်ဗျားဟာ လူ တစ်ယောက် မဟုတ်ဘူး လို့ မြင်သွားတယ် – သန့်စင်တဲ့ သိမှု သက်သက်ကလေး။ စိတ် အတွေး အကြံ မဟုတ်ဘူး။ စိတ် အတွေးအကြံ ၊ သန္တာန် အားလုံး ငြိမ်းသွားမှု သက်သက် ကလေး။ ဗုဒ္ဓဟာ ဒါကို “ချုပ်ငြိမ်းမှု” ( နိဗ္ဗာန : Nirvana ) လို့ အတိအကျ အမည် ပေးခဲ့တယ်။ အဓိပ္ပာယ်က Nothingness – ဘာမှ မဟုတ်ခြင်း၊ ဖြစ်ခြင်း-ပျက်ခြင်း မှ ကင်းလွတ်ခြင်း။ ကင်းပြတ် ချုပ်ငြိမ်းသွားခြင်း။

( Nothing ကို ရံဖန်ရံခါ သုံးတတ်တဲ့ -“အလေနတော ၊ အလဟဿ ဘာမှ မဟုတ်မှုမျိုး” အဓိပ္ပာယ် မဟုတ်ဘူး။ No-thingness – ရုပ်၊နာမ်၊ ( ပစ္စည်း- ပစ္စယ ) ဖြစ်ခြင်း ပျက်ခြင်း သဘော တို့က ကင်းပြတ်ခြင်း ကို ဆိုလိုပါတယ်။ )

အနောက် နိုင်ငံက ဘယ် ဘာသာရေးမှ ဒီနေရာကို ဦးတည်မနေဘူး။ အနောက် နိုင်ငံက ဘာသာတွေ ထဲက အထင်ကရ သုံးခု – ခရစ်ယာန်၊ ဂျူး ( ဂျုဒ ) ၊ မိုဟာမက်ဒင် – ဒီ သုံးခုဟာ အိန္ဒိယ ရဲ့ ပြင်ပ မှာ ပေါ်ပေါက် တယ်။ အဲ့ဒီ သုံးခု စလုံး ဟာ အခု အချက်ကို ဦးတည် မနေပါဘူး။ အိန္ဒိယ အတွင်း မှာ ပေါ်ပေါက် တဲ့ ဘာသာ သုံးခု ရှိတယ်။ – ဟိန္ဒူ၊ ဂျိန်း၊ ဗုဒ္ဓ ။ – ဒီသုံးခုက အဲ့ဒီ အချက်ကို မိမိတို့ ပုံစံ အမျိုးမျိုး နဲ့ ဦးတည် ထား ပါတယ်။ ဆိုလိုတာက ခင်ဗျား ရဲ့ အတွင်း သန္တာန်ကို နှစ်ဝင် ရှာဖွေ ကြည့်ဖို့ပဲ။ ခင်ဗျား ရဲ့ စင်စစ် တကယ့်အဖြစ် ကို သိမြင်ဖို့ ဟာ – ဒီ ဘာသာတွေ ရဲ့ အန္တိမ ပန်းတိုင် ဖြစ်ပါတယ်။ အဲ့ဒါဟာ အခြား အရာ တစ်ခုခု ၊ အခု ခင်ဗျား ပြောတဲ့ ဗလာနယ် ဆိုတာကို သပ်သပ် ထပ်ဖြည့် ထားတဲ့ အဓိပ္ပာယ် မသက်ရောက်ဘူး။

Q: ခင်ဗျား ပြောတာကို ကျနော် နားမလည်ဘူး ဆိုရင် – ခင်ဗျား သိပ်အံ့ဩမှာ မဟုတ်ဘူး ထင်တယ်။

A: ခင်ဗျား နားမလည်ရင်လည်း ကျနော် မအံ့ဩပါဘူး။ ဘာလို့ဆိုတော့ – ခင်ဗျား ကိုယ်တိုင် မတွေ့သိ ဖူးတဲ့ အရာတစ်ခုကို ခင်ဗျား ဘယ်လို ပုံစံ နဲ့ နားလည်နိုင်မလဲ။ ဥပမာ – ခင်ဗျား သကြား အရသာ တစ်ခါမှ မြည်းမကြည့် ဖူးဘူး ။ အဲ့ဒါကို ကျနော် က ဘယ်လိုနည်းနဲ့ ဘယ်လို ရှင်းပြပြ၊ ခင်ဗျား အဲ့အရသာ ကို သဘောပေါက် သွား၊ သိသွားမှာ မဟုတ်ဘူး။ ခင်ဗျား သိအောင် လုပ်ချင်ရင် တစ်နည်းပဲ ရှိတယ် – ကျနော့ အပေါင်း အသင်းတွေ ကို ခေါ်၊ ခင်ဗျားကို အတင်းချုပ်၊ ခင်ဗျား ပါးစပ်ထဲ သကြား လောင်းထည့်မှ ရမယ်။ ဆိုလိုတာက – အရာတစ်ခုကို ခင်ဗျား မတွေ့သိ ဖူးရင် ၊ အဲ့ဒီအရာကို ခင်ဗျား အပြည့်အဝ နားလည် မှာ မဟုတ်ဘူး။ ဒါ့ကြောင့် အခု ပြောတဲ့ အတွင်းသန္တာန်ရဲ့ အဖြစ် ဆိုတာ ကို – ခင်ဗျား တကယ် စင်စစ် နားလည်ချင်တာပါ ဆိုရင် – ( တိုက်တွန်းချင်တာက ) လာပါ၊ ဘာဝနာ ပွားကြည့် လှည့်ပါ။ အဲ့ဒါပဲ ဖြစ်ပါတယ်။

Youtube Link – http://www.youtube.com/watch?v=FWEhqST0Dyk

…………………….